ಕಕೊಚಾಂಗ್ ಜಲಪಾತವು ಅಸ್ಸಾಂನ ಗೊಲಘಾಟ್ ಜಿಲ್ಲೆಯಲ್ಲಿನ ಬೊಕಖಾಟ್ನಿಂದ 13 ಕಿ.ಮೀ ದೂರದಲ್ಲಿ ನೆಲೆಗೊಂಡಿದೆ. ಇದೊಂದು ನಯನ ಮನೋಹರವಾದ ಜಲಪಾತವಾಗಿದ್ದು, ಸ್ವರ್ಗವನ್ನು ನಾಚಿಸುವಂತಹ ಪ್ರಕೃತಿಯ ರಮಣೀಯ ತಾಣದಲ್ಲಿ ನೆಲೆಗೊಂಡಿದೆ. ಕಾಫೀ ಮತ್ತು ರಬ್ಬರ್ ತೋಟಗಳ ಮಧ್ಯೆ ಧುಮ್ಮಿಕ್ಕುವ ಈ ಜಲಪಾತವು ನೋಡುಗರನ್ನು ಮಂತ್ರ ಮುಗ್ಧಗೊಳಿಸುತ್ತದೆ. ಕಕೊಚಂಗ್ ಜಲಪಾತವು ಸ್ಥಳೀಯರ ಮತ್ತು ಪ್ರವಾಸಿಗರ ವಲಯದಲ್ಲಿ ವಿಹಾರ ತಾಣವಾಗಿ ಜನಪ್ರಿಯಗೊಂಡಿದೆ. ಇಲ್ಲಿ ವಿಹಾರಕ್ಕೆಂದು ಬರುವವರಿಗೆ ವಿಶಾಲವಾಗಿರುವ ಪ್ರದೇಶವು ಕುಂಟುಂಬ ಅಥವಾ ಸಹಚರರ ಜೊತೆಗೆ ಕಾಲ ಕಳೆಯಲು ಅವಕಾಶವನ್ನು ಮಾಡಿಕೊಡುತ್ತದೆ.
ಕಕೊಚಂಗ್ ಜಲಪಾತದ ಬಳಿಯಿಂದ ನುಮಲಿಗಡ್ನ ಅವಶೇಷಗಳನ್ನು ಪ್ರವಾಸಿಗರು ನೋಡಬಹುದು. ಈ ಪ್ರಾಚೀನ ಅವಶೇಷಗಳು ಅಮೂಲ್ಯವಾದ ಪ್ರಾಚ್ಯ ವಸ್ತುಗಳಾಗಿದ್ದು, ಪ್ರವಾಸಿಗರ ಕುತೂಹಲವನ್ನು ಕೆರಳಿಸುತ್ತವೆ. ಪ್ರವಾಸಿಗರು ಕಾಜಿರಂಗಾ ರಾಷ್ಟ್ರೀಯ ಉದ್ಯಾನವನದಿಂದ ನುಮಲಿಗಡ್ ಬಳಿಯ ಡಿಯೊಪರ್ಬತ್ನ ಅವಶೇಷಗಳನ್ನು ನೋಡಲು ಹೋದಾಗ ಕಕೊಚಂಗ್ ಜಲಪಾತಕ್ಕು ಸಹ ಭೇಟಿ ನೀಡಬಹುದು. ಬೊಕಖಾಟ್ ಈ ರಾಷ್ಟ್ರೀಯ ಉದ್ಯಾನವನದಿಂದ 23 ಕಿ.ಮೀ ದೂರದಲ್ಲಿ ನೆಲೆಗೊಂಡಿದೆ.
ಈ ಜಲಪಾತಕ್ಕೆ ಭೇಟಿ ನೀಡಬೇಕಾದರೆ ಮಳೆಗಾಲದ ತಿಂಗಳುಗಳಲ್ಲಿ ಭೇಟಿ ನೀಡುವುದು ಉತ್ತಮ. ಮಳೆಗಾಲದಲ್ಲಿ ಈ ಜಲಪಾತವು ತನ್ನ ರುದ್ರ ರಮಣೀಯ ಸೌಂದರ್ಯವನ್ನು ತೋರಿಸುತ್ತದೆ.