ಭಟೌಕುಚಿ ಥಾನ್ ಎಂಬುದು ಧೋಲ್ಪುರದ ಸಮೀಪದಲ್ಲಿರುವ ಕಥಾನಿ ಎಂಬ ಹಳ್ಳಿಯಲ್ಲಿರುವ ಒಂದು ಸಣ್ಣ ದೇವಾಲಯವಾಗಿದೆ. ಇದು ಅಸ್ಸಾಂ ರಾಜ್ಯದ ಲಕ್ಷ್ಮೀಪುರ್ ಜಿಲ್ಲೆಯಲ್ಲಿರುವ ನಾರಾಯಣಪುರಕ್ಕು ಸಹ ಸನಿಹದಲ್ಲಿದೆ. ನಂಬಿಕೆಗಳ ಪ್ರಕಾರ ಕೇಶಬ್ಸರನ್ ಭಟೌಕುಚಿಯ ಅಟಾರವರು ಇದನ್ನು ನಿರ್ಮಿಸಿದರು. ಹಾಗಾಗಿ ಇದಕ್ಕೆ ಭಟೌಕುಚಿ ಥಾನ್ ಎಂಬ ಹೆಸರು ಬಂದಿತು. ಕಹ್ಟಗುರುಚರಿತ್ ( ಪುರಾತನ ಕಾಲದ ಒಂದು ಸಾಹಿತ್ಯ) ಪ್ರಕಾರ ಇವರು 1605ರಲ್ಲಿ ಜನಿಸಿ 1665ರಲ್ಲಿ ನಿಧನ ಹೊಂದಿದರಂತೆ. ಈ ದೇವಾಲಯಕ್ಕೆ ಅಸ್ಸಾಂನ ಇತರ ಭಾಗಗಳಿಂದ ಹಲವಾರು ಜನರು ದೇವರ ಅನುಗ್ರಹವನ್ನು ಕೋರಿ ಆಗಮಿಸುತ್ತಿರುತ್ತಾರೆ. ಇದರ ಜೊತೆಗೆ ಕಾಜಿರಂಗಾಕ್ಕೆ ಬರುವ ಪ್ರವಾಸಿಗರು ಸಹ ಇಲ್ಲಿಗೆ ಭೇಟಿ ನೀಡುತ್ತಿರುತ್ತಾರೆ.
ಈ ದೇವಾಲಯವು ಟೀ ತೋಟಗಳು ಮತ್ತು ಕಾಡುಗಳ ನಡುವೆ ನೆಲೆಗೊಂಡಿರುವ ಕಾರಣ ಪ್ರವಾಸಿಗರಿಗೆ ಅಸ್ಸಾಂನ ನೈಜ ಅನುಭವವನ್ನು ಒದಗಿಸುತ್ತದೆ. ಈ ದೇವಾಲಯದ ವಾಸ್ತುಶಿಲ್ಪವು ಇಲ್ಲಿ ಆಳಿದ್ದ ಅಹೊಮ್ ರಾಜ ಮನೆತನದವರ ಕಲಾ ಫ್ರೌಡಿಮೆಯನ್ನು ಸಾರಿ ಹೇಳುತ್ತಿದೆ.