ನಿಮತಿ ಜೋರ್ಹತ್ ನ ಪ್ರಮುಖ ಬಂದರು. ವಿಶ್ವದ ಅತೀದೊಡ್ಡ ನದಿ ದ್ವೀಪವಾಗಿರುವ ಮಜುಲಿಗೆ ಪ್ರವೇಶ ದ್ವಾರವಾಗಿರುವ ನಿಮರಿ ಘಾಟ್ ಇಲ್ಲಿದೆ. ಈ ನದಿ ಬಂದರು ಜೋರ್ಹತ್ ನಗರಕ್ಕೆ ಮಾತ್ರವಲ್ಲದೆ, ಅಪ್ಪರ್ ಅಸ್ಸಾಂನ ಹತ್ತಿರದ ಹಲವಾರು ನಗರ ಮತ್ತು ಗ್ರಾಮಗಳಿಗೆ ತುಂಬಾ ಮುಖ್ಯ.
ನಿಮತಿ ಘಾಟ್ ನಿಂದ ತೆರಳುವ ದೋಣಿಯಲ್ಲಿ ಮಾತ್ರ ಮಜುಲಿಗೆ ಪ್ರಯಾಣಿಸಲು ಸಾಧ್ಯ. ಮಜುಲಿ ದ್ವೀಪದಲ್ಲಿರುವ ಕಮಲಾಬರಿ ಮತ್ತು ಔನಿಯತಿಯಂತಹ ಪ್ರವಾಸಿ ತಾಣಗಳಿಗೂ ಈ ಘಾಟ್ ಪ್ರವೇಶದ್ವಾರವಾಗಿದೆ. ನಿಮತಿ ಜೋರ್ಹತ್ ನಗರದ ಮಧ್ಯಭಾಗದಿಂದ 17 ಕಿ.ಮೀ. ದೂರದಲ್ಲಿದೆ.
ಬೇಸಿಗೆ ಮತ್ತು ಶರತ್ಕಾಲದಂತಹ ಒಣ ಋತುವಿನಲ್ಲಿ ನಿಮತಿ ಘಾಟ್ ತುಂಬಾ ಚಟುವಟಿಕೆಯಿಂದ ಕೂಡಿರುತ್ತದೆ. ಮಳೆಗಾಲದಲ್ಲಿ ಈ ಘಾಟ್ ತುಂಬಾ ಅಪಾಯಕಾರಿ. ಉಕ್ಕಿಹರಿಯುವ ಬ್ರಹ್ಮಪುತ್ರ ನದಿಯು ಘಾಟ್ ನಲ್ಲಿ ಆರ್ಭಟಿಸುವ ಕಾರಣ ಮಜುಲಿ ಅಥವಾ ಇತರ ಪ್ರದೇಶಗಳಿಗೆ ದೋಣಿಯಲ್ಲಿ ಪ್ರಯಾಣಿಸುವುದು ತುಂಬಾ ಕಠಿಣ. ಜೋರ್ಹತ್ ನಗರದಿಂದ ನಿಮತಿ ಘಾಟ್ ಗೆ ಯಾವಾಗಲೂ ಬಸ್ ವ್ಯವಸ್ಥೆಯಿದೆ.