ರಾಜ್ವಾಡ ಅರಮನೆಯು ಇಂದೋರಿನ ಪ್ರಮುಖ್ ಆಕರ್ಷಣೆಯಾಗಿದೆ. ರಾಜ್ವಾಡವು ಹೋಳ್ಕರ್ ಸಾಮ್ರಾಜ್ಯದವರ ಒಂದು ಐತಿಹಾಸಿಕ ಮಹಲ್ ಆಗಿದೆ. ಈ ಅರಮನೆಯನ್ನು ಸುಮಾರು 200 ವರ್ಷಗಳ ಹಿಂದೆ ನಿರ್ಮಿಸಲಾಯಿತು. ಈ ಕಟ್ಟಡದಲ್ಲಿ ಫ್ರೆಂಚ್, ಮರಾಠ ಮತ್ತು ಮೊಘಲ್ ಶೈಲಿಯ ವಾಸ್ತುಶಿಲ್ಪಗಳ ಸಂಯೋಜನೆಯನ್ನು ಹೊಂದಿದೆ. ಈ ಏಳು ಅಂತಸ್ತಿನ ಕಟ್ಟಡವು ಇಂದೋರ್ ನಗರದ ಕೇಂದ್ರ ಭಾಗದಲ್ಲಿ ಹೆಮ್ಮೆಯಿಂದ ನೆಲೆಗೊಂಡಿದೆ. ಈ ಅರಮನೆಯ ಪ್ರವೇಶ ದ್ವಾರವು ಅತ್ಯಂತ ಸುಂದರವಾಗಿದೆ.
ಕಮಾನಿನಾಕಾರದ ಪ್ರವೇಶ ದ್ವಾರವು ಇಲ್ಲಿನ ಸೊಬಗನ್ನು ಹೆಚ್ಚಿಸಿದೆ. ಮರದಿಂದ ಮತ್ತು ಕಬ್ಬಿಣದಿಂದ ನಿರ್ಮಾಣಗೊಂಡಿರುವ ಬೃಹತ್ ಬಾಗಿಲು ಈ ಭವ್ಯವಾದ ಅರಮನೆಗೆ ಬರುವವರಿಗೆ ಸ್ವಾಗತವನ್ನು ಕೋರುತ್ತಿದೆ.ದೊಡ್ಡದಾದ ಕಿಟಕಿಗಳು, ಮೊಗಸಾಲೆಗಳು ಮತ್ತು ಚಾವಡಿಗಳು ಈ ಅರಮನೆಯ ಸೌಂದರ್ಯವನ್ನು ಹೆಚ್ಚಿಸಿವೆ. ಈ ಎಲ್ಲಾ ಕಾರಣಗಳಿಂದಾಗಿ ರಾಜ್ವಾಡ ಅರಮನೆಯು ನೋಡಲೆ ಬೇಕಾದ ಒಂದು ಕಟ್ಟಡವಾಗಿದೆ.