ಲಾಲ್ಬಾಗ್ ಅರಮನೆಯು ಇಂದೋರಿನಲ್ಲಿರುವ ಒಂದು ಅದ್ಭುತವಾದ ಅರಮನೆಯಾಗಿದೆ. ಖನ್ ನದಿಯ ದಂಡೆಯಲ್ಲಿರುವ ಈ ಮಂತ್ರ ಮುಗ್ಧಗೊಳಿಸುವಂತಹ ಅರಮನೆಯು ಮೂರು ಅಂತಸ್ತಿನ ಕಟ್ಟಡವನ್ನೊಳಗೊಂಡಿದೆ. ಈ ಅರಮನೆಯನ್ನು ಮಹಾರಾಜ ಶಿವಾಜಿ ರಾವ್ ಹೋಳ್ಕರ್ ನಿರ್ಮಾಣ ಮಾಡಿದರು. ಲಾಲ್ಬಾಗ್ ಅರಮನೆಯ ಅನುಪಮ ವಾಸ್ತುಶಿಲ್ಪವು ಇದನ್ನು ಇಂದೋರಿನ ಅತ್ಯಂತ ಪ್ರಸಿದ್ಧ ಅರಮನೆಗಳ ಪಟ್ಟಿಯಲ್ಲಿ ಮೊದಲ ಸ್ಥಾನವನ್ನು ತಂದು ನೀಡಿದೆ. ಈ ಅರಮನೆಯು ಹೋಳ್ಕರ್ ರಾಜರ ವೈಭವಯುತವಾದ ಜೀವನ ಮತ್ತು ಅವರ ಜೀವನ ಶೈಲಿಯನ್ನು ಸಮರ್ಥವಾಗಿ ತೋರಿಸುತ್ತದೆಯೆಂದು ಹೇಳುತ್ತಾರೆ.
ಈ ಅರಮನೆಯಲ್ಲಿ ಭಾರತದ ಅತ್ಯಂತ ಸುಂದರವಾದ ಗುಲಾಬಿ ಉದ್ಯಾನವನವನ್ನು ನಾವು ಕಾಣಬಹುದು. ಈ ಅರಮನೆಯ ಪ್ರವೇಶದ್ವಾರವು ನಯನಮನೋಹರವಾಗಿದೆ. ಲಾಲ್ಬಾಗ್ ಅರಮನೆಯು ಭಾರತ ಮತ್ತು ಇಟಲಿ ದೇಶಗಳ ಅನುಪಮ ವರ್ಣಚಿತ್ರಗಳು ಮತ್ತು ಶಿಲ್ಪಗಳಿಂದ ಅಲಂಕೃತಗೊಂಡಿದೆ. ಅಲ್ಲದೇ ಗೋಡೆ ಮತ್ತು ಛಾವಣಿಯಲ್ಲಿರುವ ಕೆತ್ತನೆಗಳು ಸಹ ಹೋಲಿಕೆಗೆ ನಿಲುಕದವುಗಳಾಗಿವೆ. ಈ ಅರಮನೆಯಲ್ಲಿ ಅದ್ಭುತವೆನ್ನುವಂತಹ ನಾಣ್ಯಗಳ ಸಂಗ್ರಹವನ್ನು ನೀವು ಕಾಣಬಹುದು. 28 ಎಕರೆಗಳಷ್ಟು ವಿಶಾಲವಾದ ಪ್ರದೇಶದಲ್ಲಿರುವ ಈ ಅರಮನೆಯನ್ನು ಪ್ರಸ್ತುತ ವಸ್ತು ಸಂಗ್ರಹಾಲಯವನ್ನಾಗಿ ಪರಿವರ್ತಿಸಲಾಗಿದೆ.