ಪಾತಾಳ್ ಪಾನಿಯು ಇಂದೋರಿನಿಂದ 36 ಕಿ.ಮೀ ದೂರದಲ್ಲಿ ನೆಲೆಗೊಂಡಿರುವ ಒಂದು ಅದ್ಭುತವಾದ ಜಲಪಾತವಾಗಿದೆ. ಈ ಜಲಪಾತವು 300 ಅಡಿ ಎತ್ತರದಿಂದ ಧುಮ್ಮಿಕ್ಕುತ್ತದೆ. ಆದರೆ ಈ ಜಲಪಾತದ ಬುಡವು ತುಂಬಾ ಆಳದಲ್ಲಿದ್ದು, ಯಾರಿಗೂ ನೋಡಲು ಸಾಧ್ಯವಾಗುವುದಿಲ್ಲ. ದಂತ ಕತೆಯ ಪ್ರಕಾರ ಈ ಜಲಪಾತದ ನೀರು ತುಂಬಾ ಆಳಕ್ಕೆ ಅಂದರೆ ಪಾತಾಳಕ್ಕೆ ಧುಮುಕುತ್ತದೆಯಂತೆ, ಹಾಗಾಗಿಯೇ ಇದಕ್ಕೆ ಪಾತಾಳ್ ಪಾನಿ ಎಂಬ ಹೆಸರು ಬಂದಿದೆ. ಬೇಸಿಗೆಯ ಕಾಲದಲ್ಲಿ ಈ ಜಲಪಾತದಲ್ಲಿ ನೀರು ಒಣಗಿ ಬರಡಾಗುತ್ತದೆ. ಈ ಕಾಲದಲ್ಲಿ ಈ ಜಲಪಾತದಲ್ಲಿ ನೀರು ಜಿನುಗುತ್ತಿರುತ್ತದೆ.
ಆದರೆ ಮಳೆಗಾಲದಲ್ಲಿ ಈ ಜಲಪಾತವು ಧುಮ್ಮಿಕ್ಕಿ ಹರಿಯುತ್ತದೆ. ಜುಲೈ ತಿಂಗಳಿನಲ್ಲಿ ಈ ಜಲಪಾತವು ಮೈದುಂಬಿ ಹರಿಯುತ್ತಿರುತ್ತದೆ. ಈ ಜಲಪಾತವು ಇಲ್ಲಿನ ಅತ್ಯಂತ ಪ್ರಸಿದ್ಧ ವಿಹಾರ ಮತ್ತು ಚಾರಣದ ತಾಣವಾಗಿದೆ. ಆದರೆ ಮಳೆಗಾಲದಲ್ಲಿ ಇದ್ದಕಿದ್ದಂತೆ ಸುರಿಯುವ ಭಾರೀ ಮಳೆಯು ಜಲಪಾತವನ್ನು ಅಪಾಯಕಾರಿಯನ್ನಾಗಿಸುತ್ತದೆ. ಈ ಸಮಯದಲ್ಲಿ ಇಲ್ಲಿಗೆ ಭೇಟಿ ಕೊಡುವುದು ಅಪಾಯಕಾರಿ ಸಹ ಹೌದು.