ಅನ್ನಪೂರ್ಣ ದೇವಾಲಯವು ಇಂದೋರಿನಲ್ಲಿರುವ ಒಂದು ಅದ್ಭುತ ದೇವಾಲಯವಾಗಿದೆ. ಈ ದೇವಾಲಯವು ಹಲವಾರು ಕಾರಣಗಳಿಗಾಗಿ ಪ್ರಸಿದ್ಧಿ ಪಡೆದಿದೆ. ಇದು ಇಂದೋರಿನ ಅತ್ಯಂತ ಹಳೆಯ ದೇವಾಲಯವಾಗಿದೆ. 9ನೇ ಶತಮಾನದಲ್ಲಿ ನಿರ್ಮಾಣವಾಗಿರುವ ಈ ದೇವಾಲಯವು ಇಂಡೋ-ಆರ್ಯನ್ ಮತ್ತು ದ್ರಾವಿಡ ವಾಸ್ತುಶಿಲ್ಪ ಶೈಲಿಯನ್ನು ಹೊಂದಿದೆ. ಇದರ ಎತ್ತರವು 100 ಅಡಿಗಳಿಗಿಂತ ಹೆಚ್ಚಾಗಿದೆ. ಮಾತೆ ಅನ್ನಪೂರ್ಣೇಶ್ವರಿಗಾಗಿ ನಿರ್ಮಿಸಲಾಗಿರುವ ಈ ದೇವಾಲಯವು ವಿಶ್ವ ಪ್ರಸಿದ್ಧ ಮಧುರೈನ ಮೀನಾಕ್ಷಿ ದೇವಾಲಯ ವಾಸ್ತುಶಿಲ್ಪದಿಂದ ಸ್ಫೂರ್ತಿಯನ್ನು ಪಡೆದಿದೆ. ಈ ದೇವಾಲಯದ ಪ್ರವೇಶದ್ವಾರವು ನೋಡಲು ಅತ್ಯಂತ ಭವ್ಯವಾಗಿದೆ. ನಾಲ್ಕು ದೊಡ್ಡ ಆನೆಗಳು ಈ ಪ್ರವೇಶದ್ವಾರವನ್ನು ಅಲಂಕರಿಸಿವೆ.

ಈ ದೇವಾಲಯದ ಆವರಣದಲ್ಲಿ ಅನ್ನಪೂರ್ಣೇಶ್ವರಿ, ಶಿವ, ಹನುಮಾನ್ ಮತ್ತು ಕಾಳ ಬೈರವರ ಮೂರ್ತಿಗಳಿವೆ. ಇದರ ಜೊತೆಗೆ ದೇವಾಲಯದ ಹೊರಗೋಡೆಗಳು ಪುರಾಣದ ಚಿತ್ರಗಳನ್ನು ಒಳಗೊಂಡಿದೆ. ಕಮಲದ ಮೇಲೆ ನೆಲೆಗೊಂಡಿರುವ ಹದಿನಾಲ್ಕೂವರೆ ಅಡಿ ಎತ್ತರವಿರುವ ಕಾಶಿ ವಿಶ್ವನಾಥ ವಿಗ್ರಹವು ಈ ದೇವಾಲಯದ ಪ್ರಮುಖ ಆಕರ್ಷಣೆಯಾಗಿದೆ.