Click it and Unblock the Notifications
ದಿಗ್ಬೋಯ್ ಪ್ರಪಂಚದ ಪುರಾತನವಾದ ತೈಲ ಸಂಸ್ಕರಣ ಘಟಕವನ್ನು ಹೊಂದಿದ್ದು ಅದು ಇಂದಿಗೂ ಕಾರ್ಯನಿರ್ವಹಿಸುತ್ತಿದೆ. ಇದರಿಂದಾಗಿಯೇ ದಿಗ್ಬೋಯ್ ಪ್ರಸಿದ್ಧಿಯನ್ನು ಪಡೆದಿದೆ. ಈ ಘಟಕವು 1899ರಿಂದ ಕಾರ್ಯನಿರ್ವಹಿಸುತ್ತಿದೆ. ದಿಗ್ಬೋಯ್ ಎಂಬ ಹೆಸರು ಇಂಗ್ಲೀಷಿನ ಪದ ‘ಡಿಗ್-ಬಾಯ್-ಡಿಗ್’ ಎಂಬುದರಿಂದ ಬಂದಿದೆ. ಇಂಗ್ಲೀಷರು ಈ ಪ್ರದೇಶದಲ್ಲಿ ಎಣ್ಣೆ ನಿಕ್ಷೇಪಗಳನ್ನು ಕಂಡುಹಿಡಿದ ಹೊಸತರಲ್ಲಿ ಯುವಕರನ್ನು ಎಣ್ಣೆ ತೆಗೆಯಲು ಬಳಸುತ್ತಿದ್ದರು ಆ ಸಂದರ್ಭದಲ್ಲಿ ಈ ಮಾತನ್ನು ಬಳಸುತ್ತಿದ್ದರು. ದಿಗ್ಬೋಯ್ ಅಸ್ಸಾಂನ ಎಣ್ಣೆ ನಗರ ಎಂದೇ ಪ್ರಸಿದ್ಧಿ ಹೊಂದಿದೆ.
ದಿಗ್ಬೋಯ್ ಪ್ರವಾಸೋದ್ಯಮ- ತೈಲ ಸಂಸ್ಕರಣ ಘಟಕಗಳು ಮತ್ತು ಇಂಗ್ಲೀಷರ ಪಳೆಯುಳಿಕೆಗಳು
ದಿಗ್ಬೋಯ್ ಅಸ್ಸಾಂನ ಮೇಲ್ಭಾಗದ ಜಿಲ್ಲೆಯಾದ ತಿನ್ಸುಕಿಯ ಜಿಲ್ಲೆಯಲ್ಲಿದ್ದು ತನ್ನಲ್ಲಿನ ಪುರಾತನ ತೈಲ ಸಂಸ್ಕರಣ ಘಟಕದಿಂದಾಗಿ ಪ್ರವಾಸಿಗರನ್ನು ಸೆಳೆಯುತ್ತಿದೆ. 1901ರಿಂದ ಈ ಘಟಕಗಳು ಕಾರ್ಯನಿರ್ವಹಿಸುತ್ತಿರುವುದಕ್ಕೆ ಕಾರಣ ಈ ಪ್ರಾಂತ್ಯವು ಬ್ರಿಟೀಷರ ಪ್ರಾಬಲ್ಯದಲ್ಲಿತ್ತು. ಸ್ವಾತಂತ್ರ್ಯಾನಂತರವೂ ಬ್ರಿಟೀಷರ ಪ್ರಭಾವವನ್ನು ಈ ಸಣ್ಣ ಪಟ್ಟಣದಲ್ಲಿ ಕಾಣಬಹುದು.
ದಿಗ್ಬೋಯ್ನ ಪ್ರವಾಸಿ ಸ್ಥಳಗಳು
ತೈಲ ಸಂಸ್ಕರಣ ಘಟಕ ಇಲ್ಲಿನ ಮುಖ್ಯ ಆಕರ್ಷಣೆ. ಇದಲ್ಲದೆ ಇಂಗ್ಲೀಷರು ರೂಪಿಸಿದ್ದ 18 ರಂಧ್ರಗಳ ಗಾಲ್ಫ್ ಕೋರ್ಸ್ ಮೈದಾನ ಇಂದಿಗೂ ಅಸ್ಸಾಂನ ಅತ್ಯುತ್ತಮ ಗಾಲ್ಫ್ ಮೈದಾನ ಎಂದು ಹೇಳಲಾಗುತ್ತದೆ. ಇವುಗಳಲ್ಲದೆ ಸಾಯಿಖೋವ ರಾಷ್ಟ್ರೀಯ ಉದ್ಯಾನವನ, ರಿಡ್ಜ್ ಪಾಯಿಂಟ್ ಮತ್ತು ಯುದ್ಧ ಸಮಾಧಿ ಇಲ್ಲಿನ ಪ್ರವಾಸಿ ಆಕರ್ಷಣೆಗಳು.
ಹೋಗುವುದು ಹೇಗೆ?
ದಿಬ್ರೂಗರ್ ದಿಗ್ಬೋಯ್ಗೆ ಸಮೀಪದ ವಿಮಾನ ನಿಲ್ದಾಣ. ತಿನ್ಸುಕಿಯ ಇಲ್ಲಿಗೆ ಹತ್ತಿರದ ರೈಲು ನಿಲ್ದಾಣ. ರಾಷ್ಟ್ರೀಯ ಹೆದ್ದಾರಿ 38 ಈ ನಗರವನ್ನು ದೇಶದ ಉಳಿದ ಭಾಗಗಳೊಂದಿಗೆ ಬೆಸೆಯುತ್ತದೆ.
ಹವಾಮಾನ
ದಿಗ್ಬೋಯ್ನಲ್ಲಿ ಉಪೋಷ್ಣವಲಯದ ಹವಾಮಾನವಿರುತ್ತದೆ. ಬೇಸಿಗೆಯಲ್ಲಿ ಧಗೆ ಮತ್ತು ತಾಪಮಾನ ಹೆಚ್ಚಿದ್ದರೆ, ಮಳೆಗಾಲದಲ್ಲಿ ಉತ್ತಮ ಮಳೆಯಾಗುತ್ತದೆ. ಚಳಿಗಾಲಗಳು ತಂಪಾಗಿದ್ದು ಮಂಜು ಮುಸುಕಿದ ವಾತಾವರಣವಿರುತ್ತದೆ.
