ಪುರಾತನ ಕಾಲದ ಕುಶಲ ಕರ್ಮಿಗಳ ಕಲಾನೈಪುಣ್ಯತೆಗೆ ಉದಾಹರಣೆಯಾಗಿ ನಿಂತಿದೆ ಭುವನೇಶ್ವರದ ಈ ದೇವಾಲಯ. 11 ನೇಯ ಶತಮಾನದ ಮಧ್ಯ ಭಾಗದಲ್ಲಿ ಈ ದೇವಾಲಯವನ್ನು ನಿರ್ಮಿಸಲಾಗಿದೆ. ಲಿಂಗರಾಜ ದೇವಸ್ಥಾನದ ಈಶಾನ್ಯ ಭಾಗದಲ್ಲಿ ಈ ದೇವಾಲಯ ನೆಲೆ ನಿಂತಿದೆ. ವಿಡಂಬನೆಯೆಂದರೆ ಈ ದೇವಾಲಯದ ಗರ್ಭಗುಡಿಯಲ್ಲಿ ಯಾವುದೇ ವಿಗ್ರಹಗಳಿಲ್ಲ!

ಮೂರ್ತಿ ಇಲ್ಲದಿರುವಿಕೆ, ಹೊರ ಗೋಡೆಗಳಲ್ಲಿ ಕಾಮಗೀತೆಯನ್ನು ಹಾಡುತ್ತಿರುವ ಶಿಲಾ ಬಾಲಿಕೆಯರ ಕಲ್ಲಿನ ಕೆತ್ತನೆಗಳು ಎಲ್ಲವೂ ಒಟ್ಟಾರೆಯಾಗಿ ಸೇರಿ ಮೊದಲಿಗೆ ಇದನ್ನು 'ಪ್ರೀತಿಯ ದೇವಾಲಯ' ಎಂದು ಕರೆಯಲಾಗುತ್ತಿತ್ತು. ರಾಜಸ್ಮಾರಕಗಳ ನಿರ್ಮಾಣದಲ್ಲಿ ಉಪಯೋಗಿಸಲಾಗುತ್ತಿದ್ದ ಹಳದಿ ಬಣ್ಣದ ಮರಳುಗಲ್ಲಿನಿಂದ ಈ ದೇವಾಲಯಕ್ಕೆ ರಾಜಾರಾಣಿ ದೇವಾಲಯವೆಂಬ ಹೆಸರು ಬಂದಿದೆ. ಭಾರತೀಯ ಪುರಾತತ್ವ ಇಲಾಖೆಯಿಂದ ನಿರ್ವಹಿಸಲ್ಪಡುತ್ತಿರುವ ಈ ದೇವಾಲಯಕ್ಕೆ ಪ್ರವೇಶಿಸಲು ಶುಲ್ಕವನ್ನು ವಿಧಿಸಲಾಗಿದೆ.