Click it and Unblock the Notifications
ರೊಮ್ಬಗ್ರೆಯು ಟುರದಿಂದ 35 ಕಿ.ಮೀ ದೂರದಲ್ಲಿರುವ ಒಂದು ಪ್ರಸಿದ್ಧ ವಿಹಾರ ತಾಣವಾಗಿದೆ. ಇಲ್ಲಿನ ಹಳ್ಳಿಗರು ಸಿಮ್ಸಂಗ್ ನದಿಯಲ್ಲಿರುವ ಒಂದು ಸುಂದರವಾದ ನೀರಿನ ಕೊಳವನ್ನು ಸಂರಕ್ಷಿಸಿಕೊಂಡು ಬರುತ್ತಿದ್ದಾರೆ. ಇಲ್ಲಿನ ತಿಳಿನೀರಿನಲ್ಲಿ ಸ್ವಚ್ಛಂಧವಾಗಿ ವಿಹರಿಸಿಕೊಂಡು ತಿರುಗುವ ಮೀನುಗಳನ್ನು ಪ್ರವಾಸಿಗರು ನೋಡಿ ಖುಷಿ ಪಡಬಹುದು.
ಈ ಸಂರಕ್ಷಿತ ಕೊಳದಲ್ಲಿನ ಮೀನುಗಳನ್ನು ನೋಡಿ ತಣಿಯಲು ಹಲವಾರು ಪ್ರವಾಸಿಗರು ಇಲ್ಲಿಗೆ ಆಗಮಿಸುತ್ತಿರುತ್ತಾರೆ. ರೊಮ್ಬಗ್ರೆ ಸುತ್ತ- ಮುತ್ತ ಹಲವಾರು ವಿಹಾರ ತಾಣಗಳಿವೆ. ಇಲ್ಲಿ ವಾರಾಂತ್ಯದಲ್ಲಿ ವಿಶ್ರಾಂತಿ ಪಡೆಯುವ ಸಲುವಾಗಿ ಪ್ರವಾಸಿಗರು ತಮ್ಮ ಕುಟುಂಬ ಅಥವಾ ಸ್ನೇಹಿತರ ಜೊತೆಯಲ್ಲಿ ಬಂದು ತಾವೇ ಅಡುಗೆ ಮಾಡಿ ತಿಂದು ಕಾಲ ಕಳೆಯುತ್ತಾರೆ.
ಈ ಸ್ಥಳವು ಯಾವಾಗಲು ಶಾಂತಿಯುತವಾಗಿ ಪ್ರಶಾಂತವಾಗಿರುತ್ತದೆ. ಆದರೆ ಹೊಸ ವರ್ಷ ಮತ್ತು ಕ್ರಿಸ್ ಮಸ್ ದಿನಗಳಲ್ಲಿ ಇಲ್ಲಿಗೆ ಹಲವಾರು ಪ್ರವಾಸಿಗರು ಬರುವುದರಿಂದಾಗಿ ಗೌಜು ಗದ್ದಲ ಮನೆಮಾಡುತ್ತದೆ. ರೊಮ್ಬಗ್ರೆಯು ವಿಲಿಯಂ ನಗರ್ - ಟುರ ರಸ್ತೆಯಲ್ಲಿ ಕಂಡು ಬರುತ್ತದೆ. ಪ್ರವಾಸಿಗರು ಇಲ್ಲಿಗೆ ಸ್ಥಳೀಯ ಟ್ಯಾಕ್ಸಿ ಅಥವಾ ಪ್ರವಾಸಿ ವಾಹನದಲ್ಲಿ ತಲುಪಬಹುದು.
