ಈ ಪಟ್ಟಣವನ್ನು ಆವರಿಸಿದಂತೆ ಒಂದು ಕಲ್ಲಿನ ಕಟ್ಟಡವಿದೆ. ಇದೇ ಲೊಹಾಂಗಿ ಪೀರ್. ಸಂನ್ಯಾಸಿಯಾಗಿದ್ದ ಶಾಕ್ಯ ಜಲಾಲ್ ಚಿಶ್ಟಿಯ ನೆನಪಿನಲ್ಲಿ ಇದಕ್ಕೆ ಈ ಹೆಸರು ಬಂದಿದೆ. ಇದು 7ಮೀಟರ್ ಎತ್ತರವಿದ್ದು ಮೇಲ್ಭಾಗದಲ್ಲಿ ಸಮತಟ್ಟಾಗಿದ್ದು 10ಮೀಟರ್ ಅಗಲವಿದೆ. ಇಲ್ಲಿನ ಗೋಪುರಕ್ಕೆ ಲೊಹಾಂಗಿ ಪೀರ್ ಎನ್ನುವ ಹೆಸರಿದೆ. ಈ ಗೋಪುರದಲ್ಲಿ ಪರ್ಷಿಯನ್ ಭಾಷೆಯಲ್ಲಿರುವ ಎರಡು ಶಾಸನಗಳಿವೆ. ಇದರಲ್ಲಿನ ಒಂದು ಶಾಸನ 1460ಕ್ಕೆ ಸೇರಿದ್ದು. ಈ ಸಮಯದಲ್ಲಿ 1ನೇ ಮೊಹಮದನು ಮಾಳ್ವದ ಸುಲ್ತಾನನಾಗಿದ್ದ. ಇನ್ನೊಂದು ಶಾಸನ 1583ಕ್ಕೆ ಸೇರಿದ್ದು ಅಕ್ಬರನ ಕಾಲದಲ್ಲಿ ರಚಿತವಾಗಿದೆ. ಕ್ರಿಪೂ 1 ನೇಶತಮಾನಕ್ಕೆ ಸೇರಿದ ಒಂದು ಬಾವಿ ಮತ್ತು ತೊಟ್ಟಿಯಿಲ್ಲಿದೆ. ಅನ್ನಪೂರ್ಣದೇವಿಗೆ ಸೇರಿದ ಮಧ್ಯಕಾಲೀನ ದೇಗುಲದ ಸುತ್ತಮುತ್ತಲು ಅವಶೇಷಗಳನ್ನು ಕಾಣಬಹುದು.