ಭಾರತದಲ್ಲಿರುವ ಎತ್ತರದ ಕಟ್ಟಡಗಳು

ಇಂಪೇರಿಯಲ್ ಟವರ್, ಮುಂಬೈ

ದಕ್ಷಿಣ ಮುಂಬೈನ ತಾರ್ದೇವ್ ನಲ್ಲಿರುವ ಈ ವಸತಿ ಸಮುಚ್ಚಯ ಕಟ್ಟಡವು ಇಲ್ಲಿವರೆಗಿನ ಪೂರ್ಣಗೊಂಡ ಭಾರತದ ಅತಿ ಎತ್ತರದ ಕಟ್ಟಡವಾಗಿದೆ. ಇದರ ಎತ್ತರ 833 ಅಡಿಗಳು.

ಚಿತ್ರಕೃಪೆ: KuwarOnline

ಕೊಹಿನೂರ್ ಸ್ಕ್ವೇರ್, ಮುಂಬೈ

ಮುಂಬೈನ ಶಿವಾಜಿ ಪಾರ್ಕ್ ಪ್ರದೇಶದಲ್ಲಿರುವ ಕೊಹಿನೂರ್ ಸ್ಕ್ವೇರ್ ಕಟ್ಟಡವು ಒಂದು ಭವ್ಯ ಕಟ್ಟಡವಾಗಿದ್ದು 666 ಅಡಿಗಳಷ್ಟು ಎತ್ತರವಿದೆ. ಇಲ್ಲಿ ವಸತಿ ನಿಲಯ, ಹೋಟೆಲ್ ಹಾಗು ವೈಭವೋಪೇತ ಅಂಗಡಿ ಮುಗ್ಗಟ್ಟುಗಳನ್ನು ಕಾಣಬಹುದು.

ಚಿತ್ರಕೃಪೆ: Hemant meena

ಅಶೋಕ್ ಟವರ್ಸ್, ಮುಂಬೈ

ಮುಂಬೈನಲ್ಲಿರುವ ಅಶೋಕ್ ಟವರ್ಸ್ ಒಂದು ವಸತಿ ಸಮುಚ್ಚಯ(ರೆಸಿಡೆನ್ಷಿಯಲ್ ಅಪಾರ್ಟ್ ಮೆಂಟ್)ವಾಗಿದ್ದು 633 ಅಡಿಗಳಷ್ಟು ಎತ್ತರವಾಗಿದೆ.

ಚಿತ್ರಕೃಪೆ: Uniconnect

ಪ್ಲಾನೆಟ್ ಗೊದ್ರೇಜ್, ಮುಂಬೈ

ದಕ್ಷಿಣ ಮುಂಬೈನ ಮಹಾಲಕ್ಷ್ಮಿ ಪ್ರದೇಶದಲ್ಲಿರುವ ಈ ಕಟಡವು 594 ಅಡಿಗಳಷ್ಟು ಎತ್ತರವಿದೆ.

ಚಿತ್ರಕೃಪೆ: Humayunn N A Peerzaada

ಸನ್ ಶೈನ್ ಟವರ್, ಮುಂಬೈ

ಮುಂಬೈನಲ್ಲಿರುವ ಸನ್ ಶೈನ್ ಟವರ್ ಒಂದು ವಾಣಿಜ್ಯ ಸಂಕೀರ್ಣವಾಗಿದ್ದು, 591 ಅಡಿಗಳಷ್ಟು ಎತ್ತರವಿದೆ.

ಚಿತ್ರಕೃಪೆ: Bionmba

ವರ್ಲ್ಡ್ ಟ್ರೇಡ್ ಸೆಂಟರ್, ಬೆಂಗಳೂರು

ಬೆಂಗಳೂರಿನ ರಾಜಾಜಿ ನಗರ ಪ್ರದೇಶದಲ್ಲಿರುವ ಈ ಬೃಹತ್ ವಾಣಿಜ್ಯ ಕಟ್ಟಡವು 32 ಅಂತಸ್ತುಗಳನ್ನು ಹೊಂದಿದ್ದು 420 ಅಡಿಗಳಷ್ಟು ಎತ್ತರವಾಗಿದೆ. ಇದನ್ನು ಉತ್ತರದ ನಕ್ಷತ್ರ (ನಾರ್ಥ್ ಸ್ಟಾರ್) ಎಂತಲೂ ಕರೆಯಲಾಗುತ್ತದೆ.

ಚಿತ್ರಕೃಪೆ: Cv manjoo

ಯುಬಿ ಸಿಟಿ, ಬೆಂಗಳೂರು

ಇದು ಬೆಂಗಳೂರಿನಲ್ಲಿರುವ ಒಂದು ಬೃಹತ್ ವಾಣಿಜ್ಯ ಸಂಕೀರ್ಣವಾಗಿದೆ. ಯುಬಿ ಗ್ರೂಪ್ ನ ಮಾಲಿಕರಾದ ಡಾ.ವಿಜಯ ಮಲ್ಯ ಹಾಗು ಪ್ರತಿಷ್ಠಿತ ಪ್ರೆಸ್ಟೀಜ್ ಗ್ರೂಪ್ ನ ಜಂಟಿ ಯೋಜನೆಯ ಉತನ್ನವಾದ ಈ ಕಟ್ಟಡವು 13 ಎಕರೆಗಳಷ್ಟು ವಿಸ್ತಾರವಾದ ಪ್ರದೇಶದಲ್ಲಿ ನಿರ್ಮಿತವಾಗಿದ್ದು ಎತ್ತರನೆಯ ಟವರ್ (ಯುಬಿ ಟವರ್) 420 ಅಡಿಗಳಷ್ಟು ಎತ್ತರವಾಗಿದೆ.

ಚಿತ್ರಕೃಪೆ

ಪಬ್ಲಿಕ್ ಯುಟಿಲಿಟಿ ಬಿಲ್ಡಿಂಗ್, ಬೆಂಗಳೂರು

ಪಬ್ಲಿಕ್ ಯುಟಿಲಿಟಿ ಬಿಲ್ಡಿಂಗ್ ಅಥವಾ ಸುಭಾಸ ಚಂದ್ರ ಬೋಸ್ ಟವರ್ ಬೆಂಗಳೂರಿನ ಎಂ.ಜಿ ರಸ್ತೆಯಲ್ಲಿ ನೆಲೆಸಿದೆ. 25 ಅಂತಸ್ತುಗಳ ಈ ಬೃಹತ್ ಕಟಡವು ಶಾಪಿಂಗ್ ಮಳಿಗೆಗಳು, ಸಿನೆಮಾ, ಕಚೇರಿ, ಹೋಟೆಲ್ ಮುಂತಾದವುಗಳನ್ನು ಒಳಗೊಂಡಿದೆ.

ಚಿತ್ರಕೃಪೆ: Nikkul

ಗಿಫ್ಟ್ ವನ್, ಗುಜರಾತ್

ಗುಜರಾತಿನಲ್ಲಿರುವ ಗಿಫ್ಟ್ (GIFT) ವನ್ ಅಥವಾ ಗುಜರಾತ್ ಇಂಟರ್ ನ್ಯಾಷನ್ಲ್ ಫೈನಾನ್ಸ್ ಟೆಕ್ ಸಿಟಿ ವನ್ ಪ್ರಸ್ತುತ ರಾಜ್ಯದ ಅತಿ ಎತ್ತರದ ಕಟ್ಟಡವಾಗಿದ್ದು 400 ಅಡಿಗಳಷ್ಟು ಎತ್ತರವಿದೆ.

ಚಿತ್ರಕೃಪೆ: Gujaratin

ಎಂಸಿಡಿ ಸಿವಿಕ್ ಸೆಂಟರ್, ನವದೆಹಲಿ

ಮುನಿಸಿಪಲ್ ಕಾರ್ಪೊರೇಷನ್ ಆಫ್ ಡೆಲ್ಲಿ ಸಿವಿಕ್ ಸೆಂಟರ್, ದೆಹಲಿಯಲ್ಲಿನ ಅತಿ ಎತ್ತರದ ಕಟ್ಟಡವಾಗಿದೆ. 28 ಅಂತಸ್ತುಗಳುಳ್ಳ ಈ ಕಟ್ಟಡವು 335 ಅಡಿಗಳಷ್ಟು ಎತ್ತರವಿದೆ.

ಚಿತ್ರಕೃಪೆ: Harrasis

ಡಿಎಲ್‍ಎಫ್ ಗೇಟ್ ವೇ ಟವರ್, ಗುರಗಾಂವ್

ಗುರಗಾಂವ್ ನ ಸೆಕ್ಟರ್ 24 ನಲ್ಲಿರುವ ಡಿಎಲ್‍ಎಫ್ ಗೇಟ್ ವೆ ಟವರ್ ಕಟ್ಟಡವು 295 ಅಡಿಗಳಷ್ಟು ಎತ್ತರವಿದೆ. ಇದೊಂದು ವಾಣಿಜ್ಯ ಉದ್ದೇಶದ ಕಟ್ಟಡವಾಗಿದೆ.

ಚಿತ್ರಕೃಪೆ: Harsh Mangal

ಸೌತ್ ಸಿಟಿ ಟವರ್, ಕೊಲ್ಕತ್ತಾ

ಕೊಲ್ಕತ್ತಾದಲ್ಲಿನ ಸೌತ್ ಸಿಟಿ ಟವರ್ಸ್ ಹಲವು ಕಟ್ಟಡಗಳನ್ನು ಹೊಂದಿದ್ದು ಕೊಲ್ಕತ್ತಾದ ಎತ್ತರದ ಕಟ್ಟಡಗಳಲ್ಲಿ ಒಂದಾಗಿದೆ. ಗರಿಷ್ಠ ಎತ್ತರ 489 ಅಡಿಗಳು.

ಚಿತ್ರಕೃಪೆ: Kolkatan

ಎವರೆಸ್ಟ್ ಹೌಸ್, ಕೊಲ್ಕತ್ತಾ

1978 ರಲ್ಲಿ ನಿರ್ಮಿಸಲಾದ ಕೊಲ್ಕತ್ತಾದ ಈ ವಾಣಿಜ್ಯ ಕಟ್ಟಡವು 21 ಅಂತಸ್ತುಗಳನ್ನು ಒಳಗೊಂಡಿದ್ದು, 276 ಅಡಿಗಳಷ್ಟು ಎತ್ತರವಿದೆ.

ಚಿತ್ರಕೃಪೆ: Biswarup Ganguly

ಟಾಟಾ ಸೆಂಟರ್, ಕೊಲ್ಕತ್ತಾ

ಕೊಲ್ಕತ್ತಾ ನಗರ ಕೇಂದ್ರದಲ್ಲಿ ಪ್ರಮುಖ ಹೆಗ್ಗುರುತಾಗಿದೆ ಈ ಕಟ್ಟಡ. 259 ಅಡಿಗಳಷ್ಟು ಎತ್ತರವಿರುವ ಈ ಕಟ್ಟಡವು ಟಾಟಾ ಸ್ಟೀಲ್ ಲಿಮಿಟೆಡ್ ನ ಮಾರಾಟ ವಿಭಾಗದ ಕೇಂದ್ರ ಕಚೇರಿಯಾಗಿ ಕಾರ್ಯನಿರ್ವಹಿಸುತ್ತದೆ.

ಚಿತ್ರಕೃಪೆ: Kolkatan

ಸೋಭಾ ಟೊಪಾಜ್, ತ್ರಿಶ್ಶೂರ್

ಸೋಭಾ ಟೊಪಾಜ್, ಕೇರಳದ ತ್ರಿಶ್ಶೂರ್ ನಗರದಲ್ಲಿರುವ ಒಂದು ಭವ್ಯ ವಸತಿ ಸಮುಚ್ಚಯವಾಗಿ ಕೇರಳ ರಾಜ್ಯದಲ್ಲೆ ಎರಡನೆಯ ಎತ್ತರದ ಕಟ್ಟಡವಾಗಿದೆ.

ಚಿತ್ರಕೃಪೆ: Smokingsingh