ಶೃಂಗೇರಿ ಹಾಗೂ ಸುತ್ತಮುತ್ತಲು

ಶೃಂಗೇರಿ:

ಶೃಂಗೇರಿಯಲ್ಲಿ ಹಲವಾರು ದೇವಸ್ಥಾನಗಳನ್ನು ಕಾಣಬಹುದಾಗಿದ್ದು ಅವುಗಳಲ್ಲಿ ಪ್ರಮುಖವಾದುದು ವಿದ್ಯಾಶಂಕರ ದೇವಸ್ಥಾನ. ಈ ದೇವಾಲಯವನ್ನು 14 ನೇಯ ಶತಮಾನದಲ್ಲಿ ವಿಜಯನಗರ ಸಾಮ್ರಾಜ್ಯದ ಸಂಸ್ಥಾಪಕರೆನ್ನಲಾಗುವ ಹಕ್ಕ-ಬುಕ್ಕರ ಗುರುಗಳಾಗಿದ್ದ ಮಹರ್ಷಿ ವಿದ್ಯಾರಣ್ಯರು ಕಟ್ಟಿಸಿದ್ದಾರೆ. ವಿದ್ಯಾಶಂಕರ ದೇವಾಲಯದಲ್ಲಿ ರಾಶಿ ಸೂಚಕ ಕಂಬಗಳಿರುವುದನ್ನು ಕಾಣಬಹುದು. ಈ ರಾಶಿ ಕಂಬಗಳ ವೈಶಿಷ್ಟ್ಯವೆಂದರೆ ಸೂರ್ಯ ಯಾವ ರಾಶಿಯಲ್ಲಿರುತ್ತಾನೊ ಆ ನಿರ್ದಿಷ್ಟ ರಾಶಿ ಸೂಚಕ ಕಂಬದ ಮೇಲೆ ಸೂರ್ಯನ ಮೊದಲ ಕಿರಣಗಳು ಬೀಳುತ್ತವೆ.

ಚಿತ್ರಕೃಪೆ: Calvinkrishy

ಶೃಂಗೇರಿ:

ವಿದ್ಯಾಶಂಕರ ದೇವಸ್ಥಾನವಲ್ಲದೆ ಆವರಣದಲ್ಲಿರುವ ಮತ್ತೊಂದು ಪ್ರಮುಖ ದೇವಾಲಯ ಶಾರದಾಂಬೆಯ ಪೀಠ. ಆದಿ ಶಂಕರರು ಸ್ಥಾಪಿಸಿದ ನಾಲ್ಕು ಮಹಾ ಪೀಠಗಳಲ್ಲಿ ಶೃಂಗೇರಿ ಶಾರದಾಂಬೆಯ ಪೀಠವು ಮೊದಲನೇಯದಾಗಿದೆ.

ಶೃಂಗೇರಿ:

ತುಂಗಾ ನದಿಗೆ ಅಡ್ಡಲಾಗಿ ನಿರ್ಮಿಸಲಾದ ತುಂಗಾ ಸೇತುವೆ. ವಿದ್ಯಾಶಂಕರ ದೇವಸ್ಥಾನದಿಂದ ಶೃಂಗೇರಿ ಶ್ರೀಗಳು ತಂಗಿರುವ ತಾಣಕ್ಕೆ ತೆರಳಲು ಈ ಸೇತುವೆಯ ಮುಖಾಂತರ ಹೋಗಬೇಕು.

ಶೃಂಗೇರಿ:

ತುಂಗಾ ನದಿಯಲ್ಲಿರುವ ಅಗಾಧ ಪ್ರಮಾಣದ ಮೀನುಗಳು. ಇಲ್ಲಿ ಯಾರೂ ಮೀನುಗಳನ್ನು ಹಿಡಿಯುವುದನ್ನಾಗಲಿ ಕೊಲ್ಲುವುದನ್ನಾಗಲಿ ಮಾಡುವಂತಿಲ್ಲ.

ಚಿತ್ರಕೃಪೆ: Philanthropist 1

ಶೃಂಗೇರಿ:

ಭಕ್ತಾದಿಗಳು ನೀಡುವ ಆಹಾರವನ್ನು ಸವಿಯಲು ಬರುವ ಮೀನುಗಳು.

ಚಿತ್ರಕೃಪೆ: Dineshkannambadi

ಶೃಂಗೇರಿ:

ವಿದ್ಯಾಶಂಕರ ದೇವಸ್ಥಾನವಿರುವ ದೇವಾಲಯದ ಆವರಣ.

ಶೃಂಗೇರಿ:

ಕಪ್ಪೆ ಹಾಗೂ ಹಾವಿನ ಕಥೆಯನ್ನು ಹೇಳುವ ಪ್ರತಿಮೆಗಳು. ದಂತಕಥೆಯ ಪ್ರಕಾರ, ಒಂದೊಮ್ಮೆ ಶಂಕರಾಚಾರ್ಯರು ಇಲ್ಲಿನ ತುಂಗಾ ನದಿ ತಟದಲ್ಲಿ ಸಾಗಿ ಹೋಗುತ್ತಿರುವಾಗ ಆಕಸ್ಮಿಕವಾಗಿ ಅವರ ಲಕ್ಷ್ಯವು ಒಂದು ಹೆಡೆ ಎತ್ತಿ ನಿಂತಿರುವ ಹಾವಿನೆಡೆ ಹೋಯಿತು. ಆ ಹಾವು ಮರಿಗಳನ್ನು ಹೇರುತ್ತಿರುವ ಒಂದು ಕಪ್ಪೆಗೆ ಸುಡು ಬಿಸಿಲಿನಿಂದ ರಕ್ಷಣೆ ಒದಗಿಸಲು ಆ ರೀತಿಯಾಗಿ ಹೆಡೆ ಎತ್ತಿ ನಿಂತಿರುವುದು ನಂತರ ಇವರ ಅರಿವಿಗೆ ಬಂದಿತು. ಸ್ವಾಭಾವಿಕ ವೈರಿಗಳೂ ಕೂಡ ನಿರ್ದಿಷ್ಟ ಸಂದರ್ಭಗಳಲ್ಲಿ ಈ ರೀತಿಯಾಗಿ ಸಾಮರಸ್ಯ ತೋರ್ಪಡಿಸುತ್ತಿರುವುದನ್ನು ಕಂಡು ಆ ಸ್ಥಳದಿಂದ ಪ್ರಭಾವಿತರಾಗಿ ನಂತರ ಶಂಕರರು ಮುಂದಿನ ಹನ್ನೆರಡು ವರ್ಷಗಳ ಕಾಲ ಇಲ್ಲಿ ವಾಸಿಸಿದರು.

ಚಿತ್ರಕೃಪೆ: Sarvagnya

ಶೃಂಗೇರಿ:

ತುಂಗಾ ನದಿ ತೀರದಲ್ಲಿರುವ ಶಾರದಾಂಬೆಯ ಶ್ರೀ ಮಠದಿಂದ ಪ್ರಖ್ಯಾತವಾಗಿರುವ ಹರಿಹರಪುರವು ಶೃಂಗೇರಿಯಿಂದ ಕೇವಲ20 ಕಿ.ಮೀ ದೂರದಲ್ಲಿದೆ. ಚಿತ್ರದಲ್ಲಿ ಕಾಣುತ್ತಿರುವುದು ಶ್ರೀ ಸೋಮೇಶ್ವರ ದೇವಸ್ಥಾನ.

ಶೃಂಗೇರಿ:

ಹರಿಹರಪುರದಲ್ಲಿರುವ ಶಾರದಾಂಬೆಯ ಶ್ರೀ ಮಠ. ಸಾವಿರಾರು ಸಂಖ್ಯೆಯಲ್ಲಿ ಭಕ್ತರು ಈ ಮಠಕ್ಕೆ ಭೇಟಿ ನೀಡುತ್ತಿರುತ್ತಾರೆ.

ಶೃಂಗೇರಿ:

ಶೃಂಗೇರಿಯಿಂದ 10 ಕಿ. ಮೀ. ದೂರದಲ್ಲಿ ಕಿಗ್ಗ ಅಥವಾ ಋಶ್ಯಶೃಂಗಪುರವೆಂಬ ಊರಿದೆ. ಈ ಸ್ಥಳದಲ್ಲಿಯೆ ಋಶ್ಯಶೃಂಗರ ಆತ್ಮವು ಅವರು ನಿತ್ಯ ಆರಾಧಿಸುತ್ತಿದ್ದ ಶಿವಲಿಂಗದಲ್ಲಿ ಐಕ್ಯವಾಯಿತೆಂಬ ಪ್ರತೀತಿ ಇದೆ. ಈ ದೇವಾಲಯಕ್ಕೆ ಹೆಚ್ಚಿನ ಸಂಖ್ಯೆಯಲ್ಲಿ ಭಕ್ತರು ಬರುತ್ತಾರೆ.

ಶೃಂಗೇರಿ:

ಶೃಂಗೇರಿಯಿಂದ ಸುಮಾರು 72 ಕಿ.ಮೀ ಗಳಷ್ಟು ದೂರ ಕ್ರಮಿಸಿದಾಗ ಸಿಗುವ ಮತ್ತೊಂದು ಪುಣ್ಯ ಕ್ಷೇತ್ರ ಕಳಸ. ಭದ್ರಾ ನದಿ ತಟದಲ್ಲಿ ನೆಲೆಸಿರುವ ಈ ಕ್ಷೇತ್ರದಲ್ಲಿ ಹಲವು ದೇವಸ್ಥಾನಗಳನ್ನು ಕಾಣಬಹುದಾಗಿದೆ. ಅವುಗಳೆಂದರೆ ಕಳಸೇಶ್ವರ ದೇವಾಲಯ, ಗಿರಿಜಾಂಬಾ ದೇವಾಲಯ, ಹನುಮಾನ್ ದೇವಾಲಯ, ವೆಂಕಟರಮಣ, ರಂಜಲ್ ಮಹಾಲಕ್ಷ್ಮಿ, ವಸಿಷ್ಠ ಆಶ್ರಮ ಹಾಗೂ ಶ್ರೀ ಚಂದ್ರನಾಥ ಸ್ವಾಮಿ ದೇವಾಲಯಗಳು.

ಚಿತ್ರಕೃಪೆ: Wind4wings

ಶೃಂಗೇರಿ:

ಕಳಸಕ್ಕೆ ಅತಿ ಹತ್ತಿರದಲ್ಲಿರುವ ಹಾಗೂ ಶೃಂಗೇರಿಗೆ ಹೋದಾಗ ಭೇಟಿ ನೀಡಬಹುದಾದ ಮತ್ತೊಂದು ಕ್ಷೇತ್ರ ಅನ್ನಪೂರ್ಣೇಶ್ವರಿ ದೇವಿ ನೆಲೆಸಿರುವ ಶ್ರೀ ಕ್ಷೇತ್ರ ಹೊರನಾಡು.

ಚಿತ್ರಕೃಪೆ: Gnanapiti

ಶೃಂಗೇರಿ:

ರಂಭಾಪುರಿ ಮಠವಿರುವ ಬಾಳೆಹೊನ್ನೂರು ಶೃಂಗೇರಿಯಿಂದ ಸುಮಾರು 35 ಕಿ.ಮೀ ಗಳಷ್ಟು ದೂರದಲ್ಲಿದೆ. ಇಲ್ಲಿ ನಿರ್ಮಿಸಲಾಗಿರುವ ಬಾಳೆಹೊನ್ನೂರು ಸೇತುವೆಯು ಮೇಸನ್ರಿಯಿಂದ ನಿರ್ಮಿತವಾದ ಮೊದಲ ಸೇತುವೆಯಾಗಿದೆ.

ಚಿತ್ರಕೃಪೆ: murli