ದೇವಾಲಯ ಪಟ್ಟಣ - ನಂಜನಗೂಡು ಮತ್ತು ಇಲ್ಲಿಯ ಇನ್ನಿತರ ವಿಷಯಗಳು

ಬೆಂಗಳೂರಿನಿಂದ ಸುಮಾರು 163 ಕಿಮೀ ಮತ್ತು ಮೈಸೂರಿನಿಂದ 30 ಕಿಮೀ ದೂರದಲ್ಲಿರುವ ನಂಜನಗೂಡು ರಸ್ತೆ ಮತ್ತು ರೈಲಿನ ಮೂಲಕ ಸುಲಭವಾಗಿ ತಲುಪಬಹುದು ಮತ್ತು ಈ ಸ್ಥಳವು ಕೇವಲ ದೇವಾಲಯದ ಪಟ್ಟಣ ಮಾತ್ರವಲ್ಲದೆ ಅಭಿವೃದ್ಧಿ ಹೊಂದುತ್ತಿರುವ ಹಾಗೂ ಆರ್ಥಿಕತೆಯೊಂದಿಗೆ ವೇಗವಾಗಿ ಬೆಳೆಯುತ್ತಿರುವ ಸ್ಥಳವಾಗಿದೆ.

ಶ್ರೀ ರಾಘವೇಂದ್ರಸ್ವಾಮಿ ಮಠ ಮತ್ತು ಪರಶುರಾಮ ಕ್ಷೇತ್ರ ಇವು ನಂಜನಗೂಡಿನಲ್ಲಿ ಭೇಟಿ ಕೊಡಬಹುದಾದ ಎರಡು ಸ್ಥಳಗಳು. ನಂಜನಗೂಡಿನ ಈ ಮಠದಲ್ಲಿ ಕೆಲವೇ ಕೆಲವು ರಾಘವೇಂದ್ರ ಸ್ವಾಮಿಗಳ ವಿಗ್ರಹಗಳನ್ನು ಕಾಣಬಹುದು.

ಈ ಸ್ಥಳದಲ್ಲಿ ನಂಜುಂಡೇಶ್ವರ ದೇವಾಲಯವಿರುವುದರಿಂದ ಆ ಹೆಸರನ್ನೇ ಈ ಪಟ್ಟಣಕ್ಕೆ ಇಡಲಾಗಿದೆ. ಇಲ್ಲಿರುವ ನಂಜುಂಡೇಶ್ವರ ದೇವಾಲಯವು ಸಮುದ್ರ ಮಂಥನದ ಸಮಯದಲ್ಲಿ ಹೊರಹೊಮ್ಮಲ್ಪಟ್ಟ ವಿಷವನ್ನು ಭೂಮಿಯ ಮೇಲಿನ ಜೀವರಾಶಿಯ ರಕ್ಷಣೆಗಾಗಿ ಸೇವಿಸಿದ ಶಿವನ ಆವಾಸ ಸ್ಥಾನವಾಗಿದೆ. ನಂಜನಗೂಡನ್ನು ದಕ್ಷಿಣ ಕಾಶಿ ಎಂದೂ ಕರೆಯುತ್ತಾರೆ ಮತ್ತು ಈ ದೇವಾಲಯದಲ್ಲಿರುವ ದೇವರನ್ನು ರೋಗನಿವಾರಕ ಎಂದು ಪೂಜಿಸಲಾಗುತ್ತದೆ.