ಮಹಿಷಾ ಪೀಠವಾಗಿ ಕರೆಯಲಾಗುವ ನೈನಾದೇವಿ ದೇವಾಲಯದ ವಿಶೇಷ...

1.ನೈನಿ ನದಿ

PC:Abhishek gaur70

ನೈನಿ ನದಿಯು ನೈನಿತಾಲ್‍ನ ಪ್ರಧಾನವಾದ ಆಕರ್ಷಣೆಯಾಗಿದೆ. ಪ್ರವಾಸಿಗರು ಇಲ್ಲಿ ಬೋಟ್ ವಿಹಾರದಂತಹ ಅನೇಕ ನೀರಿನ ಚಟುವಟಿಕೆಗಳ ಕ್ರೀಡೆಗಳನ್ನು ಇಲ್ಲಿ ಆಡಬಹುದು. ಈ ಪ್ರದೇಶದಲ್ಲಿ ಒಂದು ಪೋಸ್ಟ್ ಆಫೀಸ್, ಬಸ್ ಸ್ಟಾಂಡ್, ಟ್ಯಾಕ್ಸಿ ಸ್ಟಾಂಡ್, ರೈಲ್ವೆ ರಿಜರ್ವೇಷನ್ ಕೌಂಟರ್, ಕೆಲವು ಶಾಪಿಂಗ್ ಸೆಂಟರ್‍ಗಳು ಕೂಡ ಇಲ್ಲಿವೆ.

2.ಹನುಮಾನ್ ಘುರಿ

PC:Nainital Tourism

ಹನುಮಾನ್ ಘುರಿ ಎಂದರೆ ಆಂಜನೇಯಸ್ವಾಮಿ ದೇವಾಲಯ. ಇದು ನೈನಿತಾಲ್‍ನಿಂದ ಕೇವಲ 3 ಕಿ.ಮೀ ದೂರದಲ್ಲಿದೆ. ಈ ದೇವಾಲಯವು ಸಮುದ್ರ ಮಟ್ಟದಿಂದ ಸುಮಾರು 1951 ಮೀ ಎತ್ತರದಲ್ಲಿದೆ. ಇಲ್ಲಿಯೇ ಶೀತಲ ದೇವಿ ದೇವಾಲಯ ಹಾಗು ಲೀಲಾ ಸಹಾ ಬಾಪು ಆಶ್ರಮ ಕೂಡ ಇವೆ.

3.ಖೂರ್ಪತಾಲ್

PC:Enjoymusic nainital

ಖೂರ್ಪತಾಲ್ ಎಂಬುದು ಒಂದು ಚಿಕ್ಕದಾದ ಗ್ರಾಮ. ಮೀನನ್ನು ಹಿಡಿಯುವ ಕ್ರೀಡೆಯಲ್ಲಿ ಇದು ಪ್ರಸಿದ್ಧತೆಯನ್ನು ಹೊಂದಿರುವ ಗ್ರಾಮವೇ ಆಗಿದೆ. ನೈನಿತಾಲ್‍ನಿಂದ ಇದು 10 ಕಿ.ಮೀ ದೂರದಲ್ಲಿದೆ. ಸುಂದರವಾದ ಈ ಗ್ರಾಮವು ಸಮುದ್ರ ಮಟ್ಟದಿಂದ 1635 ಮೀ ಎತ್ತರದಲ್ಲಿದೆ. ಫಿಷಿಂಗ್ ಆನಂದಿಸಲು ಒಂದು ಅದ್ಭುತವಾದ ನದಿಯು ಕೂಡ ಇಲ್ಲಿದೆ.

4.ಟಿಫಿನ್ ಟಾಪ್

PC:Nainital Tourism Tiffin Top

ಟಿಫಿನ್ ಟಾಪ್ ಎಂಬುದು ಒಂದು ಪಿಕ್ನಿಕ್ ಸ್ಪಾಟ್. ನೈನಿತಾಲ್‍ಗೆ ಸುಮಾರು 4 ಕಿ.ಮೀ ದೂರದಲ್ಲಿದೆ. ಇದನ್ನೇ ಡೋರೊತಿ ಸಿಟ್ ಎಂದು ಕೂಡ ಕರೆಯುತ್ತಾರೆ. ಈ ಪ್ರದೇಶವು ಸಮುದ್ರ ಮಟ್ಟದಿಂದ ಸುಮಾರು 7520 ಮೀ ಎತ್ತರದಲ್ಲಿ ಆಯರ್ಪಟ್ಟ ಎಂಬ ಶಿಖರದ ಮೇಲೆ ಇದೆ. ಇಲ್ಲಿಂದ ಪ್ರವಾಸಿಗರು ಅದ್ಭುತವಾದ ಹಿಮಾಲಯ ಪರ್ವತ ಶ್ರೇಣಿಗಳ ಸೌಂದರ್ಯವನ್ನು ನೋಡಬಹುದು.

5.ನೈನಿತಾಲ್ ಝೂ

PC:Jöshua Barnett

ನೈನಿತಾಲ್ ಝೂ ಒಂದು ಪ್ರಸಿದ್ಧವಾದ ಪ್ರವಾಸಿ ಆಕರ್ಷಣೆಯಾಗಿದೆ. ಸಮುದ್ರ ಮಟ್ಟದಿಂದ ಇದು 2100 ಮೀ ಎತ್ತರದಲ್ಲಿದೆ. ಈ ಝೂನಲ್ಲಿ ವಿವಿಧ ಬಗೆಯ ಪ್ರಾಣಿಗಳಿವೆ. ಈ ಝೂ ಸೋಮವಾರದ ದಿನದಂದು ಪ್ರವಾಸಿಗರಿಗೆ ಪ್ರವೇಶವನ್ನು ನೀಡುವುದಿಲ್ಲ. ಬಸ್ ಸ್ಟಾಂಡ್‍ನಿಂದ ಈ ಝೂ 1 ಕಿ.ಮೀ ದೂರದಲ್ಲಿಯೇ ಇದೆ.

6.ಹೇಗೆ ಸೇರಿಕೊಳ್ಳಬೇಕು?

ನೈನಿತಾಲ್‍ಗೆ ಸಮೀಪದ ವಿಮಾನ ನಿಲ್ದಾಣವೆಂದರೆ ಅದು ಪಂತ್ ನಗರ ವಿಮಾನ ನಿಲ್ದಾಣ. ಇದು ನೈನಿತಾಲ್‍ಗೆ ಸುಮಾರು 55 ಕಿ.ಮೀ ದೂರದಲ್ಲಿದೆ. ದೆಹಲಿ ವಿಮಾನ ನಿಲ್ದಾಣದಿಂದ ಇಲ್ಲಿಗೆ ಅನೇಕ ವಿಮಾನದ ಸೇವೆಗಳು ಸಂಪರ್ಕ ಸಾಧಿಸುತ್ತವೆ. ನೈನಿತಾಲ್‍ಗೆ ಸಮೀಪದ ರೈಲ್ವೆ ನಿಲ್ದಾಣವೆಂದರೆ ಕಾಥ್ ಗೊಡಂ ರೈಲ್ವೆ ನಿಲ್ದಾಣ. ಇದು ನೈನಿತಾಲ್‍ನಿಂದ ಕೇವಲ 23 ಕಿ.ಮೀ ದೂರದಲ್ಲಿದೆ. ಇಲ್ಲಿಂದ ಲಕ್ನೋ, ಆಗ್ರಾಗಳಿಗೆ ನೇರವಾಗಿ ರೈಲುಗಳು ಸಂಪರ್ಕ ಸಾಧಿಸುತ್ತದೆ. ಪ್ರವಾಸಿಗರು ಖಾಸಗಿ ಅಥವಾ ಸರ್ಕಾರಿ ವಾಹನದ ಮೂಲಕವು ನೈನಿತಾಲ್‍ಗೆ ಸೇರಿಕೊಳ್ಳಬಹುದು.