ಕೊಲ್ಲಾಪುರದಲ್ಲಿರುವ ಕೋಪೇಶ್ವರ ದೇವಾಲಯದ ವೈಭವವನ್ನು ಎಂದಾದರೂ ಕಂಡಿದ್ದೀರಾ?

ಎಲ್ಲಿದೆ?

ಈ ಕೋಪೇಶ್ವರ ದೇವಾಲಯವು ಮಹಾರಾಷ್ಟ್ರದಲ್ಲಿನ ಕೊಲ್ಲಾಪುರ ಜಿಲ್ಲೆಯಲ್ಲಿನ ಖಿದ್ರಾಪುರದಲ್ಲಿದೆ ಈ ದೇವಾಲಯ.

PC :Shailesh.patil

ಯಾರು ನಿರ್ಮಿಸಿದರು?

ಈ ಕೋಪೇಶ್ವರ ದೇವಾಲಯವನ್ನು 12 ನೇ ಶತಮಾನದಲ್ಲಿ ಗಂಡರಾದಿತ್ಯರು ನಿರ್ಮಿಸಿದರು, ತದನಂತರ ವಿಜಯಾದಿತ್ಯ ಹಾಗೂ ಭೋಜ್ ಸುಮಾರು 1109 ರಿಂದ 1178ರ ನಡುವೆ ಪುನರ್ ನಿರ್ಮಿಸಿದರು ಎಂದು ಹೇಳಲಾಗಿದೆ.

PC:Abhijit Rajadhyaksha

ಶಿವ ಮತ್ತು ಪಾರ್ವತಿ

ಈ ದೇವಾಲಯವು ಶಿವ ಹಾಗೂ ಪಾರ್ವತಿಯ ದೇವಿಯ ಕಥೆಯನ್ನು ಹೇಳುತ್ತದೆ. ಪಾರ್ವತಿಯ ತಂದೆ ಪ್ರಜಾಪತಿಯು ಸ್ಮಶಾನ ರುದ್ರನಾದ ಈಶ್ವರನಿಗೆ ತನ್ನ ಮಗಳನ್ನು ವಿವಾಹ ಮಾಡಿಕೊಡಲು ಒಪ್ಪಿಗೆ ನೀಡಿರಲಿಲ್ಲ.

PC:Sneha Jog

ಕೋಪೇಶ್ವರ ದೇವಾಲಯ

ಆದರೂ ಕೂಡ ತಂದೆಯ ವಿರುದ್ಧವಾಗಿ ಪಾರ್ವತಿ ದೇವಿಯು ಪರಮಶಿವನನ್ನು ವಿವಾಹವಾಗುತ್ತಾಳೆ. ಇದರಿಂದ ಕೋಪಗೊಂಡ ಪಾರ್ವತಿಯ ತಂದೆಯು ಒಮ್ಮೆ ಯಜ್ಞವನ್ನು ನೇರವೇರಿಸುವಾಗ ಪಾರ್ವತಿಯನ್ನು ಮಾತ್ರ ಕರೆದು, ಶಿವನನ್ನು ಕರೆಯುವುದಿಲ್ಲ.

PC:Shailesh.patil

ಕೋಪೇಶ್ವರ ದೇವಾಲಯ

ಪಾರ್ವತಿ ದೇವಿಯು ತನ್ನ ತಂದೆ ಪ್ರಜಾಪತಿಗೆ ಯಜ್ಞಕ್ಕೆ ತನ್ನ ಪತಿಯನ್ನು ಏಕೆ ಅಮಂತ್ರಣ ನೀಡಿಲ್ಲ ಎಂದು ಕೇಳಿದಳು. ಇದಕ್ಕೆ ಪ್ರಜಾಪತಿಯು ತನ್ನ ಮಗಳು ಎಂದೂ ಕೂಡ ನೋಡದೆ ಅವಮಾನ ಮಾಡಿ ಕಳುಹಿಸುತ್ತಾನೆ. ಈ ಕಥೆಯು ಈ ದೇವಾಲಯಕ್ಕೆ ಆಧಾರಿಸಿದೆ ಎಂದು ಕೆಲವರು ಹೇಳುತ್ತಾರೆ.

PC: Sneha jog

ಕೋಪೇಶ್ವರ ದೇವಾಲಯ

ಈ ದೇವಾಲಯದಲ್ಲಿ ಪರಮಶಿವ ಹಾಗೂ ಮಹಾ ವಿಷ್ಣುವಿಗೆ ಸರಿ ಸಮಾನವಾದ ಶಕ್ತಿಯನ್ನು ಹೊಂದಿರುವ ದೇವತೆ ಮೂರ್ತಿಗಳಾಗಿದ್ದಾರೆ. ಇವರಿಬ್ಬರಿಗೂ ಕೂಡ ಸಮಾನವಾಗಿ ಪೂಜೆಗಳನ್ನು ಇಲ್ಲಿ ನೆರವೇರಿಸಲಾಗುತ್ತದೆ.

PC: Abhijit Rajadhyaksha

ಕೋಪೇಶ್ವರ ದೇವಾಲಯ

ಈ ದೇವಾಲಯದಲ್ಲಿ ವಾಸ್ತುಶಿಲ್ಪವು ಅತ್ಯಂತ ಸುಂದರವಾಗಿದೆ. ಅದ್ಭುತವಾದ ಶಿಲ್ಪಗಳು, ದೇವತಾ ಮೂರ್ತಿಗಳು, ಸೂಕ್ಷ್ಮವಾದ ಕೆತ್ತನೆಗಳನ್ನು ಇಲ್ಲಿ ಕಾಣಬಹುದಾಗಿದೆ. ಈ ದೇವಾಲಯದ ಸೊಬಗನ್ನು ಕಾಣಲು ಹಲವಾರು ಪ್ರವಾಸಿಗರು ಇಲ್ಲಿಗೆ ಭೇಟಿ ನೀಡುತ್ತಾರೆ.

PC:Deepak Patil

ಕೋಪೇಶ್ವರ ದೇವಾಲಯ

ಈ ಸುಂದರವಾದ ಕೋಪೇಶ್ವರ ದೇವಾಲಯವು ಕೃಷ್ಣ ನದಿಯ ಮೇಲೆ ನೆಲೆಸಿದೆ. ಈ ದೇವಾಲಯದಲ್ಲಿ ಸುಮಾರು 48 ಸ್ತಂಭಗಳಿವೆ. ಪ್ರತಿಯೊಂದು ಸ್ತಂಭವು ತನ್ನ ಅದ್ಭುತ ಕೆತ್ತನೆಯುಳ್ಳ ಸೌಂದರ್ಯದಿಂದ ಕಂಗೊಳಿಸುತ್ತಿದೆ.

PC:www.win7wallpapers.com

ಔರಂಗಜೇಬ್

ಇತಿಹಾಸಕಾರರು ಹೇಳುವ ಪ್ರಕಾರ ಔರಂಗಜೇಬನು ಈ ದೇವಾಲಯವಿರುವ ಪ್ರದೇಶವನ್ನು ಆಳ್ವಿಕೆ ನಡೆಸುವ ಕಾಲದಲ್ಲಿ ಇಂಥಹ ಸೊಬಗಿನಿಂದ ಕೂಡಿರುವ ಹಿಂದೂ ದೇವಾಲಯವನ್ನು ನಾಶ ಮಾಡಬೇಕು ಎಂದು ಸಂಚು ರೂಪಿಸಿದ್ದನಂತೆ.

PC: Shailesh.patil

ಉತ್ತಮವಾದ ಕಾಲಾವಧಿ

ಈ ಕೋಪೇಶ್ವರ ದೇವಾಲಯಕ್ಕೆ ಭೇಟಿ ನೀಡಲು ಉತ್ತಮವಾದ ಕಾಲಾವಧಿಯೆಂದರೆ ಅದು ಜೂನ್ ತಿಂಗಳಿನಿಂದ ಜುಲೈ ತಿಂಗಳವರೆಗೆ. ಸಾಮಾನ್ಯವಾಗಿ ಮಹಾರಾಷ್ಟ್ರದಲ್ಲಿನ ಹವಾಮಾನ ಬೇಸಿಗೆಯಿಂದ ಕೂಡಿರುವುದರಿಂದ ಈ ಕಾಲಾವಧಿ ಸೂಕ್ತ.

PC:Shailesh.patil

ಪ್ರಯಾಣ

ಈ ಕೋಪೇಶ್ವರ ದೇವಾಲಯವು ಮಹಾರಾಷ್ಟ್ರದಲ್ಲಿನ ಕೊಲ್ಲಾಪುರದಲ್ಲಿದೆ. ಕರ್ನಾಟಕದ ಸರಿಹದ್ದಿನ ಸಮೀಪದಲ್ಲಿದೆ. ಕೊಲ್ಲಾಪುರದಿಂದ ಸುಮಾರು 58 ಕಿ,ಮೀ ದೂರದಲ್ಲಿದೆ.

ಸಮೀಪದಲ್ಲಿನ ಪ್ರವಾಸಿತಾಣಗಳು

ಮಹಾಲಕ್ಷ್ಮಿ ದೇವಾಲಯ, ಸಿದ್ಧ ಗಿರಿ ಮ್ಯೂಸಿಯಂ, ಕೋಟೆಗಳು, ಜ್ಯೋತಿಬಾ ದೇವಾಲಯ, ಕನೇರಿ ಮಾತಾ, ರಾನಕಲಾ ಸರೋವರ ಇನ್ನೂ ಹಲವಾರು.