ರೋಮಾಂಚನಗೊಳಿಸುವ ಕಾನ್ಹೇರಿ ಗುಹೆಗಳು

ಕಾನ್ಹೇರಿ ಗುಹೆಗಳು:

ಕಾನ್ಹೇರಿ ಗುಹೆಗಳು, ಉತ್ತರ ಮುಂಬೈನ ಹೊರವಲಯದ ಬೋರಿವಿಲಿ ಎಂಬ ಪ್ರದೇಶದ ಬಳಿ ನೆಲೆಸಿವೆ ಹಾಗೂ ಸುಲಭವಾಗಿ ಈ ತಾಣಕ್ಕೆ ಭೇಟಿ ನೀಡಬಹುದಾಗಿದೆ.

ಚಿತ್ರಕೃಪೆ: Ting Chen

ಕಾನ್ಹೇರಿ ಗುಹೆಗಳು:

ಭಾರತೀಯ ಶೈಲಿಯ ಬಂಡೆ ಕೆತ್ತನೆ ಕಲೆಗೆ ಉತ್ತಮ ಉದಾಹರಣೆಯಾಗಿರುವ ಈ ಗುಹೆಗಳು ಸಂಜಯ ಗಾಂಧಿ ರಾಷ್ಟ್ರೀಯ ಉದ್ಯಾನವನದ ಭಾಗವಾಗಿದ್ದು ಅದರ ಮುಖ್ಯ ದ್ವಾರದಿಂದ ಆರು ಕಿ.ಮೀ ಗಳಷ್ಟು ಒಳಾಂಗಣದಲ್ಲಿ ನೆಲೆಸಿವೆ ಹಾಗೂ ಬೋರಿವಿಲಿ ರೈಲು ನಿಲ್ದಾಣದಿಂದ ಇದು ಏಳು ಕಿ.ಮೀ ದೂರವಿದೆ.

ಚಿತ್ರಕೃಪೆ: Varun Patil

ಕಾನ್ಹೇರಿ ಗುಹೆಗಳು:

ಪ್ರವಾಸಿಗರು ಈ ಗುಹಾ ತಾಣಕ್ಕೆ ಬೆಳಿಗ್ಗೆ 7:30 ಗಂಟೆಯ ನಂತರ ಪ್ರವೇಶಿಸಬಹುದು. ದೊಡ್ಡದಾದ ಬಸಾಲ್ಟ್ ಕಲ್ಲಿನ ಬಂಡೆಯಲ್ಲಿ ಕೆತ್ತಲಾದ ಈ ಗುಹಾ ರಚನೆಗಳು ಪುರಾತನ ಭಾರತೀಯ ಕಲೆಯ ಮೇಲೆ ಯಾವ ರೀತಿ ಬೌದ್ಧ ಧರ್ಮದ ಪ್ರಭಾವ ಉಂಟಾಯಿತು ಎಂಬುದನ್ನು ಉದಾತ್ತವಾಗಿ ತಿಳಿಸುತ್ತದೆ.

ಚಿತ್ರಕೃಪೆ: Ting Chen

ಕಾನ್ಹೇರಿ ಗುಹೆಗಳು:

ಸ್ಥಳ ಪುರಾಣದ ಪ್ರಕಾರ, ಕಾನ್ಹೇರಿ ಎಂಬ ಹೆಸರು ಮೂಲತಃ ಕೃಷ್ಣಗಿರಿ ಎಂಬ ಸಂಸ್ಕೃತ ಪದದಿಂದ ವ್ಯುತ್ಪತ್ತಿಯಾಗಿದೆ ಎಂದು ಹೇಳಲಾಗುತ್ತದೆ. ಕೃಷ್ಣಗಿರಿ ಎಂದರೆ ಕಪ್ಪು ಬೆಟ್ಟ ಎಂದಾಗುತ್ತದೆ. ಈ ಗುಹಾ ರಚನೆಗಳ ಕಾಲಮಾನವು 10 ನೆಯ ಶತಮಾನಕ್ಕೆ ಕರೆದೊಯ್ಯುತ್ತವೆ.

ಚಿತ್ರಕೃಪೆ: Ting Chen

ಕಾನ್ಹೇರಿ ಗುಹೆಗಳು:

ಇಲ್ಲಿಯವರೆಗೆ ಸುಮಾರು 109 ಗುಹಾ ರಚನೆಗಳನ್ನು ಉತ್ಖನನ ಮಾಡಿ ಹೊರ ತೆಗೆಯಲಾಗಿದೆ. ಪ್ರತಿಯೊಂದು ಗುಹೆಗಳಲ್ಲಿ ಬೌದ್ಧ ಸ್ತೂಪ ಹಾಗೂ ಕಂಬಗಳ ಆಧಾರವಿರುವುದನ್ನು ಗಮನಿಸಬಹುದು. ಅಲ್ಲದೆ ಬುದ್ಧನ ವಿಗ್ರಹಗಳನ್ನು ಸಹ ಇಲ್ಲಿ ಕಾಣಬಹುದು.

ಚಿತ್ರಕೃಪೆ: Milind13

ಕಾನ್ಹೇರಿ ಗುಹೆಗಳು:

ಇಲ್ಲಿರುವ ಗುಹೆಗಳಲ್ಲಿ ಬಹುತೇಕ ಗುಹೆಗಳನ್ನು ಬೌದ್ಧ ವಿಹಾರಗಳನ್ನಾಗಿ ಬಳಸಲಾಗುತ್ತಿತ್ತು. ಅಂದರೆ ವಾಸಿಸುವುದರ ಜೊತೆಗೆ ಧ್ಯಾನ ಮಾಡುವುದು ಹಾಗೂ ಅಧ್ಯಯನಗೋಸ್ಕರ ಇವು ಬಳಸಲ್ಪಡುತ್ತಿದ್ದವು. ಪ್ರಾರ್ಥನಾ ಮಂದಿರ.

ಚಿತ್ರಕೃಪೆ: Marco Zanferrari

ಕಾನ್ಹೇರಿ ಗುಹೆಗಳು:

ಬಹು ಸಂಖ್ಯೆಯಲ್ಲಿರುವ ವಿಹಾರಗಳು ಅಂದಿನ ಸಮಯದಲ್ಲಿ ಬೌದ್ಧ ಸನ್ಯಾಸಿಗಳು ಹೇಗೆ ವ್ಯವಸ್ಥಿತ ರೀತಿಯಲ್ಲಿ ವಾಸಿಸುತ್ತಿದ್ದರು ಎಂಬುದನ್ನು ಮನೋಜ್ಞವಾಗಿ ತಿಳಿಸುತ್ತವೆ.

ಚಿತ್ರಕೃಪೆ: Ting Chen

ಕಾನ್ಹೇರಿ ಗುಹೆಗಳು:

ಮೌರ್ಯರು ಹಾಗೂ ಕುಶಾನರು ಆಳುತ್ತಿದ್ದ ಸಮಯದಲ್ಲಿ ಕಾನ್ಹೇರಿ ಒಂದು ವಿಶ್ವವಿದ್ಯಾಲಯ ಕೇಂದ್ರವಾಗಿ ಕಾರ್ಯ ನಿರ್ವಹಿಸುತ್ತಿತ್ತು ಎಂಬುದು ಇತಿಹಾಸದಿಂದ ತಿಳಿದು ಬರುತ್ತದೆ.

ಚಿತ್ರಕೃಪೆ: Jeff Warren

ಕಾನ್ಹೇರಿ ಗುಹೆಗಳು:

ಅಷ್ಟೆ ಅಲ್ಲದೆ ಈ ಕೇಂದ್ರವು ಇತರೆ ಪ್ರಮುಖ ವ್ಯಾಪಾರಿ ಕೇಂದ್ರಗಳಾದ ಸೋಪಾರಾ, ಕಲ್ಯಾಣ, ನಾಶಿಕ್ ಹಾಗೂ ಉಜ್ಜಯಿನಿಗಳೊಂದಿಗೆ ಸಂಬಂಧವನ್ನೂ ಸಹ ಹೊಂದಿತ್ತು ಎಂದು ತಿಳಿದು ಬರುತ್ತದೆ.

ಚಿತ್ರಕೃಪೆ: Elroy Serrao

ಕಾನ್ಹೇರಿ ಗುಹೆಗಳು:

ಬ್ರಾಹ್ಮಿ, ದೇವನಾಗರಿ ಹಾಗೂ ಪಹಲ್ವಿ ಬಾಷೆಗಳಲಿ ರಚಿಸಲಾದ 51 ಕೆತ್ತಲ್ಪಟ್ಟ ಬರಹಗಳು, 26 ಶಿಲಾ ಶಾಸನಗಳು ಈ ಗುಹಾ ರಚನೆಗಳಲ್ಲಿ ಇಲ್ಲಿಯವರೆಗೂ ದೊರಕಿವೆ.

ಚಿತ್ರಕೃಪೆ: I for Detail

ಕಾನ್ಹೇರಿ ಗುಹೆಗಳು:

ಸುತ್ತಲೂ ಸಂಜಯ ಗಾಂಧಿ ಅಭಯಾರಣ್ಯದ ದಟ್ಟ ವನಸಿರಿಯಲ್ಲಿ ನೆಲೆಸಿರುವ ಈ ಸುಂದರ ಗುಹಾ ತಾಣವು ಶಾಂತ ಪರಿಸರದಲ್ಲಿದ್ದು ಭೇಟಿ ನೀಡುವವರಿಗೆ ಒಂದು ವಿಶಿಷ್ಟ ಅನುಭೂತಿಯನ್ನು ಕರುಣಿಸುತ್ತದೆ.

ಚಿತ್ರಕೃಪೆ: Steph C

ಕಾನ್ಹೇರಿ ಗುಹೆಗಳು:

ಅದರಲ್ಲೂ ವಿಶೇಷವಾಗಿ ಮಳೆಗಾಲದ ಸಮಯವು ಇಲ್ಲಿಗೆ ಭೇಟಿ ನೀಡಲು ಬಲು ಆದರ್ಶಮಯವಾಗಿದೆ. ಬೆಟ್ಟ ಗುಡ್ಡ ಪ್ರದೇಶಗಳಲ್ಲಿ ನೆಲೆಸಿರುವ ಈ ರಚನೆಗಳಿಗೆ ಮಳೆಗಾಲದಲ್ಲುಂಟಾಗುವ ತಾತ್ಕಾಲಿಕ ಜಲಪಾತಗಳ ಸವಿಯನ್ನು ಸವಿಯುತ್ತ ಭೇಟಿ ನೀಡುವುದೆ ಒಂದು ಸಂತಸ.

ಚಿತ್ರಕೃಪೆ: Chaitu

ಕಾನ್ಹೇರಿ ಗುಹೆಗಳು:

ಇಲ್ಲಿಗೆ ತಲುಪಲು ಬೋರಿವಿಲಿಯಿಂದ ಪ್ರತಿ ಗಂಟೆಗೊಮ್ಮೆ ಬಸ್ಸುಗಳ ವ್ಯವಸ್ಥೆಯಿದೆ. ಪ್ರವಾಸಿಗರು ರಾಷ್ಟ್ರೀಯ ಉದ್ಯಾನದ ಮುಖ್ಯ ದ್ವಾರ ಹಾಗೂ ಗುಹಾ ರಚನೆಗಳ ಪ್ರವೇಶ ಸ್ಥಳಗಳಲ್ಲಿ ಶುಲ್ಕ ಪಾವತಿಸಿ ಒಳ ಪ್ರವೇಶಿಸಬೇಕಾಗುತ್ತದೆ.

ಚಿತ್ರಕೃಪೆ: Sobarwiki

ಕಾನ್ಹೇರಿ ಗುಹೆಗಳು:

ಕಾನ್ಹೇರಿ ಗುಹೆ ಪ್ರವೇಶಿಸುವ ಮೊದಲು ಪ್ರವಾಸಿಗರನ್ನು ಸ್ವಾಗತಿಸುವ ಪುಟ್ಟ ಸೇತುವೆ. ಮಳೆಗಾಲದ ಸಂದರ್ಭದಲ್ಲಿ ಇದರ ಕೆಳಗೆ ಪುಟ್ಟ ನೀರಿನ ತೊರೆ ಹರಿಯುತ್ತಿರುವುದನ್ನು ನೋಡಿದಾಗ ಮನವು ಸಂತಸಗೊಳ್ಳದೆ ಇರಲಾರದು.

ಚಿತ್ರಕೃಪೆ: Magiceye

ಕಾನ್ಹೇರಿ ಗುಹೆಗಳು:

ಕಾನ್ಹೇರಿ ಗುಹೆಯ ಕೆಲ ಸುಂದರ ಚಿತ್ರಗಳು. ಗುಹೆಯ ಒಳಾಂಗಣ. ಎಷ್ಟು ವ್ಯವಸ್ಥಿತವಾಗಿ ಇವುಗಳನ್ನು ಆ ಸಮಯದಲ್ಲೆ ರಚಿಸಲಾಗಿತ್ತೆಂದು ತಿಳಿಯಬಹುದು.

ಚಿತ್ರಕೃಪೆ: Indrajit Chakraborty

ಕಾನ್ಹೇರಿ ಗುಹೆಗಳು:

ಕಾನ್ಹೇರಿ ಗುಹೆಯ ಕೆಲ ಸುಂದರ ಚಿತ್ರಗಳು. ಸುಂದರವಾಗಿ ಕೆತ್ತಲ್ಪಟ್ಟ ವಿಗ್ರಹಗಳು.

ಚಿತ್ರಕೃಪೆ: Vaibhav Gupta

ಕಾನ್ಹೇರಿ ಗುಹೆಗಳು:

ಕಾನ್ಹೇರಿ ಗುಹೆಯ ಕೆಲ ಸುಂದರ ಚಿತ್ರಗಳು. ಮುಖ್ಯ ಗುಹೆಯ ಒಳ ಭಾಗದಲ್ಲಿರುವ ಬುದ್ಧನ ದೊಡ್ಡ ಪ್ರತಿಮೆ.

ಚಿತ್ರಕೃಪೆ: Belasd

ಕಾನ್ಹೇರಿ ಗುಹೆಗಳು:

ಕಾನ್ಹೇರಿ ಗುಹೆಯ ಕೆಲ ಸುಂದರ ಚಿತ್ರಗಳು.

ಚಿತ್ರಕೃಪೆ: Milind13

ಕಾನ್ಹೇರಿ ಗುಹೆಗಳು:

ಕಾನ್ಹೇರಿ ಗುಹೆಯ ಕೆಲ ಸುಂದರ ಚಿತ್ರಗಳು. ಗುಹೆಯ ಸುತ್ತಮುತ್ತಲಿರುವ ಹಸಿರಿನಿಂದ ಕೂಡಿದ ಸುಂದರ ಪರಿಸರ.

ಚಿತ್ರಕೃಪೆ: Magiceye

ಕಾನ್ಹೇರಿ ಗುಹೆಗಳು:

ಕಾನ್ಹೇರಿ ಗುಹೆಯ ಕೆಲ ಸುಂದರ ಚಿತ್ರಗಳು. ಕಾನ್ಹೇರಿ ಬೆಟ್ಟದ ಮೇಲಿಂದ ಸೊಗಸಾಗಿ ಕಂಡುಬರುವ ಮುಂಬೈ ಮಹಾ ನಗರದ ನೋಟ.

ಚಿತ್ರಕೃಪೆ: bengarrison