ಹೈದರಾಬಾದ್‌ನಲ್ಲಿರುವ ಈ ಸ್ಥಳ ಎಲ್ಲರನ್ನೂ ಆಕರ್ಷಿಸುತ್ತದೆ, ವೀಕೆಂಡ್ ಎಂಜಾಯ್ ಮಾಡಲು ಈ ಪ್ಲೇಸ್‌ಗೆ ಪ್ಲಾನ್ ಮಾಡಿ

Jubilee Hills Tourist Places: ಹೈದರಾಬಾದ್ ನಲ್ಲಿರುವ ಜುಬಿಲಿ ಹಿಲ್ಸ್ ವೈವಿಧ್ಯತೆಗೆ ಹೆಸರುವಾಸಿಯಾಗಿರುವ ಸ್ಮಾರ್ಟ್ ಸಿಟಿ. ಅಷ್ಟೇ ಅಲ್ಲ, ಪ್ರವಾಸಿಗರು ಭೇಟಿ ನೀಡಲು ಅದ್ಭುತ ಸ್ಥಳವಾಗಿದೆ. ಜುಬಿಲಿ ಹಿಲ್ಸ್ ನಲ್ಲಿ ಸ್ಟುಡಿಯೋಗಳಾದ ರಾಮನಾಯ್ಡು, ಪದ್ಮಾಲಯ ಮತ್ತು ಅನ್ನಪೂರ್ಣ ಸ್ಟುಡಿಯೋಗಳಿವೆ. ಹಾಗೆಯೇ ತೆಲುಗು ಚಲನಚಿತ್ರೋದ್ಯಮದ ಸ್ಟಾರ್ ನಟರು, ಉದ್ಯಮಿಗಳು ಮತ್ತು ಪ್ರಮುಖ ರಾಜಕಾರಣಿಗಳಿಗೆ ನೆಲೆಯಾಗಿದೆ. ಭಾರತ್ ರಾಷ್ಟ್ರ ಸಮಿತಿಯು ಇತ್ತೀಚೆಗೆ ಇಲ್ಲಿ ಪ್ರಧಾನ ಕಚೇರಿಯನ್ನು ನಿರ್ಮಿಸಿದೆ. ತೆಲಂಗಾಣ ಮಾಜಿ ಮುಖ್ಯಮಂತ್ರಿ ಕೆಸಿಆರ್ ಕೂಡ ಇಲ್ಲಿ ನೆಲೆಸಿದ್ದಾರೆ. ಈ ಪ್ರದೇಶದಲ್ಲಿ ಸಾಂದರ್ಭಿಕವಾಗಿ ದೊಡ್ಡ ಪ್ರಮಾಣದ ರಾಜಕೀಯ ರಾಲಿಗಳು ಕಂಡುಬರುತ್ತವೆ. ಮತ್ತೇಕೆ ತಡ, ಜುಬಿಲಿ ಹಿಲ್ಸ್ ನಲ್ಲಿ ನೀವು ನೋಡಬಹುದಾದದ ಸ್ಥಳಗಳ ಬಗ್ಗೆ ತಿಳಿಯೋಣ ಬನ್ನಿ...ಪೆದ್ದಮ್ಮ ದೇವಸ್ಥಾನಪೆದ್ದಮ್ಮ ದೇವಿಗೆ ಅರ್ಪಿತವಾದ ಹಳೆಯ ಈ ಪೂಜ್ಯ ದೇವಾಲಯವು ಜುಬಿಲಿ ಹಿಲ್ಸ್ ನಲ್ಲಿ ನೆಲೆಗೊಂಡಿದೆ. ಪ್ರತಿ ವರ್ಷ ಬೋನಾಲು ಹಬ್ಬವನ್ನು ಇಲ್ಲಿ ಅತ್ಯಂತ ವಿಜೃಂಭಣೆಯಿಂದ ಆಚರಿಸಲಾಗುತ್ತದೆ. ದೇವಾಲಯವು ತನ್ನ ಸುಂದರವಾದ ವಾಸ್ತುಶಿಲ್ಪದಿಂದಾಗಿ ಪ್ರವಾಸಿ ಆಕರ್ಷಣೆಯಾಗಿದೆ.ದುರ್ಗಂ ಚೆರುವುನೀವು ನಗರ ಶಬ್ದದಿಂದ ದೂರವಾಗಿ ನಿಶಬ್ದ ವಾತವರಣ ಬಯಸಿದರೆ ಚೆರುವಿಗೆ ಹೋಗಿ. ಈ ತಾಣವು ಜುಬಿಲಿ ಹಿಲ್ಸ್ ನ ಹೃದಯಭಾಗದಲ್ಲಿದೆ. ಪ್ರಕೃತಿಯ ಪ್ರಶಾಂತ ಸೌಂದರ್ಯವನ್ನು ನೀವಿಲ್ಲಿ ಕಣ್ತುಂಬಿಕೊಳ್ಳಬಹುದು. ಗುಡ್ಡಗಾಡು ಪ್ರದೇಶದೊಂದಿಗೆ ಹೇರಳವಾದ ಹಸಿರಿನೊಂದಿಗೆ ಸುತ್ತುವರೆದಿರುವ ಇದು ದೋಣಿ ವಿಹಾರಕ್ಕೆ ಅಥವಾ ಸರೋವರದ ದಡದಲ್ಲಿ ವಿಶ್ರಾಂತಿ ಬಯಸುವವರಿಗೆ ಸೂಕ್ತವಾದ ಸ್ಥಳವಾಗಿದೆ.ಶಿಲ್ಪರಾಮಮ್ಶಿಲ್ಪರಾಮಂ ಒಂದು ಕಲಾತ್ಮಕ ಪಟ್ಟಣವಾಗಿದ್ದು, ಇದು ಭಾರತೀಯ ಕಲಾ ಪ್ರಕಾರಗಳು, ಕರಕುಶಲ ಇತ್ಯಾದಿಗಳ ಸಾಂಸ್ಕೃತಿಕ ಪರಂಪರೆಯನ್ನು ಪ್ರದರ್ಶಿಸುತ್ತದೆ. ಇಲ್ಲಿನ ಕರಕುಶಲ ಅಂಗಡಿಗಳು, ಕೈಮಗ್ಗದ ಬಟ್ಟೆಗಳು, ಜಾನಪದ ಪ್ರದರ್ಶನಗಳು ಮತ್ತು ಬಾಯಲ್ಲಿ ನೀರೂರಿಸುವ ಆಹಾರವು ಭಾರತದ ವೈವಿಧ್ಯಮಯ ಸಾಂಸ್ಕೃತಿಕ ಪರಂಪರೆಯ ಕೇಂದ್ರವಾಗಿದೆ. ಹಾಗಾಗಿ ನೀವಿಲ್ಲಿ ಬಿಡುವಿಲ್ಲದ ಮಾರುಕಟ್ಟೆಗೆ ಭೇಟಿ ನೀಡುವ ಮೂಲಕ ನಿಜವಾದ ಕುಶಲಕರ್ಮಿಗಳೊಂದಿಗೆ ಮಾತನಾಡಬಹುದು.ಕಾಸು ಬ್ರಹ್ಮಾನಂದ ರೆಡ್ಡಿ ರಾಷ್ಟ್ರೀಯ ಉದ್ಯಾನವನನಗರ ಜೀವನದ ಜಂಜಾಟದಿಂದ ತಪ್ಪಿಸಿಕೊಂಡು ಪ್ರಕೃತಿಯ ನಡುವೆ ಶಾಂತಿಯನ್ನು ಆನಂದಿಸಲು ಕಾಸು ಬ್ರಹ್ಮಾನಂದ ರೆಡ್ಡಿ ರಾಷ್ಟ್ರೀಯ ಉದ್ಯಾನವನದ ಹಚ್ಚ ಹಸಿರು ಮತ್ತು ಕಲ್ಲಿನ ಭೂಪ್ರದೇಶಕ್ಕೆ ಹೋಗಿ. ಇದು ಜಿಂಕೆ, ನವಿಲುಗಳು, ಪಕ್ಷಿಗಳು ಇತ್ಯಾದಿಗಳೊಂದಿಗೆ ಅನೇಕ ಜಾತಿಯ ಕಾಡು ಪ್ರಾಣಿಗಳಿಗೆ ನೆಲೆಯಾಗಿದೆ. ವನ್ಯಜೀವಿ ಉತ್ಸಾಹಿಗಳಿಗೆ ಮತ್ತು ಪ್ರಕೃತಿ ಪ್ರಿಯರಿಗೆ ಮತ್ತೆ ಕಾಡಿನೊಂದಿಗೆ ಹತ್ತಿರವಾಗಲು ಅವಕಾಶ ನೀಡುತ್ತದೆ. ಹಿಂದೆಂದಿಗಿಂತಲೂ ಹೆಚ್ಚು ಉಲ್ಲಾಸವನ್ನು ಅನುಭವಿಸಲು ಈ ಪವಿತ್ರ ಸ್ಥಳಕ್ಕೆ ಬರುವ ಮೊದಲು ಶುದ್ಧ ಗಾಳಿಯನ್ನು ತೆಗೆದುಕೊಳ್ಳಬಹುದು. ಆ ನಂತರ ಇಲ್ಲಿನ ಅಂಕುಡೊಂಕಾದ ಹಾದಿಗಳಲ್ಲಿ ನಿಧಾನವಾಗಿ ನಡೆಯಬಹುದು.ಜುಬಿಲಿ ಹಿಲ್ಸ್ ಇಂಟರ್ನ್ಯಾಷನಲ್ ಕ್ಲಬ್ಜುಬಿಲಿ ಹಿಲ್ಸ್ ಇಂಟರ್ನ್ಯಾಷನಲ್ ಕ್ಲಬ್ ವಿಶ್ರಾಂತಿ ಮತ್ತು ಮನರಂಜನೆ ಬಯಸುವವರಿಗೆ ವಿಶೇಷ ಕೇಂದ್ರವಾಗಿದ್ದು, ಐಷಾರಾಮಿ ಜೀವನಕ್ಕೆ ಇಲ್ಲಿ ಯಾವುದೇ ಮಿತಿಯಿಲ್ಲ. ಈ ಕ್ಲಬ್ ಈಜುಕೊಳ, ಟೆನ್ನಿಸ್ ಕೋರ್ಟ್ ಮತ್ತು ರೆಸ್ಟೋರೆಂಟ್ ನಂತಹ ಸೌಲಭ್ಯಗಳನ್ನು ಹೊಂದಿದೆ. ಐಷಾರಾಮಿ ರಜೆಯನ್ನು ಕಳೆಯಲು ಬಯಸುವವರಿಗೆ ಉತ್ತಮ ಸ್ಥಳವಾಗಿದೆ.ಫಿಲ್ಮ್ ನಗರ್ ಕಲ್ಚರಲ್ ಸೆಂಟರ್ ಟಾಲಿವುಡ್ ನ ಮನರಂಜನಾ ಕೇಂದ್ರವಾದ ಫಿಲ್ಮ್ ನಗರ್ ಕಲ್ಚರಲ್ ಸೆಂಟರ್ ನಲ್ಲಿ ಭಾರತೀಯ ಚಲನಚಿತ್ರದ ಅದ್ಭುತ ಜಗತ್ತನ್ನು ನೋಡಬಹುದು. ಹೌದು, ಈ ಸಾಂಸ್ಕೃತಿಕ ಕೇಂದ್ರವು ಸ್ಟುಡಿಯೋಗಳಿಂದ ತುಂಬಿ ಹೋಗಿದೆ. ಈ ವಿಶೇಷ ಆಕರ್ಷಣೆಯು ಚಲನಚಿತ್ರ ಪ್ರದರ್ಶನಗಳನ್ನು ಅನ್ವೇಷಿಸಲು, ರಂಗಪರಿಕರಗಳೊಂದಿಗೆ ಫೋಟೋಗಳನ್ನು ತೆಗೆದುಕೊಳ್ಳಲು ಮತ್ತು ಚಲನಚಿತ್ರ ತಯಾರಿಕೆಯ ಮ್ಯಾಜಿಕ್ ಅನ್ನು ಅನುಭವಿಸಲು ಉತ್ತಮ ಸ್ಥಳವಾಗಿದೆ.ಜಿವಿಕೆ ಒನ್ ಮಾಲ್ಜಿವಿಕೆ ಒನ್ ಮಾಲ್ ನಲ್ಲಿ ಶಾಪಿಂಗ್ ಮಾಡಿ. ಇದು ಉನ್ನತ ಮಟ್ಟದ ಅಂಗಡಿಗಳು ಮತ್ತು ಐಷಾರಾಮಿ ಬ್ರ್ಯಾಂಡ್ ಗಳ ಶಾಪಿಂಗ್ ತಾಣವಾಗಿದೆ. ಮಾಲ್, ಸಂದರ್ಶಕರಿಗೆ ಫ್ಯಾಶನ್ ಬೂಟಿಕ್ಸ್, ಡಿಸೈನರ್ ಲೇಬಲ್ಸ್, ರುಚಿಕರವಾದ ಆಹಾರ ಮತ್ತು ಮನರಂಜನೆ ಸೇರಿದಂತೆ ಇತ್ಯಾದಿಗಳನ್ನು ಅನುಭವಿಸಲು ಅವಕಾಶ ನೀಡುತ್ತದೆ. ಅಷ್ಟೇ ಅಲ್ಲ, ನೀವು ಬಾಕ್ಸ್ ಆಫೀಸ್ ಹಿಟ್ ನೋಡಬಹುದು. ಒಟ್ಟಾರೆ ಜಿವಿಕೆ ಒನ್ ಮಾಲ್ (GVK One Mall) ಅನಿಯಮಿತ ಮನರಂಜನೆಯೊಂದಿಗೆ ಸಾಟಿಯಿಲ್ಲದ ಶಾಪಿಂಗ್ ಅನುಭವವನ್ನು ನೀಡುತ್ತದೆ.