ಈ ವರ್ಷ ಮಿಥುನ ರಾಶಿಯವರು ಪ್ರವಾಸ ಬೆಳೆಸಬಹುದಾದ ತಾಣ ಇದು

ಮಾಯಾನಗರಿ

PC:Jasvipul Chawla

ಭಾರತದ ಅತ್ಯಂತ ಪ್ರಮುಖ ನಗರಗಳಲ್ಲಿ ಮುಂಬೈ ಕೂಡಾ ಒಂದು. ಮಾಯಾನಗರಿ ಎಂದೇ ಕರೆಸಿಕೊಳ್ಳುವ ಮುಂಬೈ ಹೆಚ್ಚಿನ ಬಾಲಿವುಡ್‌ ಸ್ಟಾರ್‌ಗಳ ಮನೆಯನ್ನು ಹೊಂದಿದೆ. ಬಾಲಿವುಡ್ ಸಿನಿಮಾಗಳಿಗೂ ಫೇಮಸ್ ಆಗಿದೆ. ಪ್ರತಿಯೊಬ್ಬರ ಕನಸಿನ ನಗರ ಎಂದೇ ಹೇಳಬಹುದು. ಇಲ್ಲಿನ ಜೀವನ ಶೈಲಿ, ಫ್ಯಾಶನ್ ಎಲ್ಲವೂ ಉಳಿದ ರಾಜ್ಯಕ್ಕಿಂತಲೂ ವಿಭಿನ್ನವಾಗಿದೆ. ಇಲ್ಲಿರುವ ದೇವಾಲಯ, ಮಸೀದಿ ಹಾಗೂ ಚರ್ಚ್ ಗಳು ಕೇವಲ ಆಯಾ ಧರ್ಮದ ಜನರನ್ನು ಮಾತ್ರವಲ್ಲದೆ ಎಲ್ಲಾ ಧರ್ಮದ ಪ್ರವಾಸಿಗರನ್ನು ಆಕರ್ಷಿಸುತ್ತವೆ.

ನೈಟ್‌ ಲೈಫ್‌, ಮುಂಬೈ ಬೀಚ್

PC: Sebastianjude

ಮುಂಬೈ ಇಲ್ಲಿಗೆ ಬರುವ ಪ್ರವಾಸಿಗರಿಗೆ, ಆಹಾರ ಖರೀದಿಯಿಂದ ಹಿಡಿದು ಸಡಗರದ ರಾತ್ರಿ ಜೀವನ ಶೈಲಿ, ಸುಂದರ ಪ್ರಕೃತಿ ವೀಕ್ಷಣೆಯ ಸ್ಥಳದ ವರೆಗೆ ಎಲ್ಲಾ ಬಗೆಯ ಸನ್ನಿವೇಶಗಳನ್ನೂ ಒದಗಿಸುತ್ತದೆ. ಮುಂಬೈ ನಗರವು ಪ್ರಮುಖ ಮೂರು ಕಡಲ ತೀರಗಳನ್ನು ಹೊಂದಿದೆ, ಅವುಗಳೆಂದರೆ ಜುಹು ಬೀಚ್, ಚೌಪಾಟಿ ಹಾಗೂ ಗೊರೈ ಬೀಚ್ . ಯುವಕ, ಯುವತಿಯರಿಗೆ ಈ ಬೀಚ್‌ನ ತೀರವು ಮನಸ್ಸಿಗೆ ಉಲ್ಲಾಸವನ್ನು ನೀಡುತ್ತದೆ.

ಸಿದ್ಧಿವಿನಾಯಕ ದೇವಾಲಯ , ಹಾಜಿ ಅಲಿ ದರ್ಗಾ

PC: A.Savin

ಧಾರ್ಮಿಕತೆಯ ಫಲವಾಗಿ ಮುಂಬೈ ಕೆಲವು ಪ್ರಮುಖ ದೇವಾಲಯಗಳ ನೆಲೆಯಾಗಿದೆ. ಭಗವಂತ ಗಣಪತಿಗೆ ಮೀಸಲಾಗಿರುವ ಸಿದ್ಧಿವಿನಾಯಕ ದೇವಾಲಯ ಹಾಗೂ ಹಾಜಿ ಅಲಿ ಮಸೀದಿ, ಇವೆರಡೂ ತಮ್ಮದೇ ಆದ ವಿಭಿನ್ನವಾದ ಅನನ್ಯವಾದ ಕಥೆಗಳನ್ನು ಹೊಂದಿವೆ. ಮುಂಬೈ ಎಲ್ಲಾ ವಯಸ್ಸಿನ ವ್ಯಕ್ತಿಗಳಿಗೆ ಉತ್ತಮ ತಾಣವಾಗಿದೆ.

ಮುಂಬೈ ದರ್ಶನ

PC:Nichalp

ಮುಂಬೈ ಸುತ್ತಾಡೋದು ಗೊತ್ತಿಲ್ಲವೆಂದಾದರೆ ಅಲ್ಲೇ ಮುಂಬೈ ಗೇಟ್‌ವೇ ಬಳಿ ಮುಂಬೈ ದರ್ಶನ ಎಂದೇ ಕರೆಯಲ್ಪಡುವ ಸಾಕಷ್ಟು ಪ್ರವಾಸಿ ಬಸ್ ಗಳು ಸಿಗುತ್ತವೆ. ಈ ಬಸ್ ಗಳು ಭಾರತದ ಗೇಟ್‌ವೇಯಿಂದ ಹೊರಟು ಮುಂಬೈನಲ್ಲಿನ ಪ್ರಮುಖ ಆಕರ್ಷಣೀಯ ಸ್ಥಳಗಳಿಗೆ ಕೊಂಡೊಯ್ದು ಸಂಜೆ ಪುನಃ ಗೇಟ್ವೆ ಹತ್ತಿರ ನಿಮ್ಮನ್ನು ತಲುಪಿಸಲಾಗುತ್ತದೆ. ಶಾಪಿಂಗ್‌ ವಿಷ್ಯದಲ್ಲಿ ಮುಂಬೈ ಅಷ್ಟೇನು ದುಬಾರಿ ಅನಿಸೋದಿಲ್ಲ.