Click it and Unblock the Notifications
ಉತ್ತರ ಪ್ರದೇಶದ ಫತೇಪುರ್ ಜಿಲ್ಲೆಯ ಬಿಂಡ್ಕಿ ತಹಸಿಲ್ನ ತೆಂಡುಲಿ ಗ್ರಾಮದಲ್ಲಿ ಮಧ್ಯಕಾಲೀನ ಶೈಲಿಯಲ್ಲಿ ನಿರ್ಮಿಸಲಾದ ವಿಷ್ಣು ದೇವರ ಅತ್ಯುತ್ತಮ ದೇವಾಲಯವಿದೆ. ಇಲ್ಲಿ ಸ್ಥಾಪಿಸಲಾದ ವಿಷ್ಣುವಿನ ಪ್ರತಿಮೆಯನ್ನು ಸ್ಥಳೀಯರು ಚತುರ್ಭುಜಿ ಬಾಬಾ ಎಂದು ಕರೆಯುತ್ತಾರೆ. ದೇವಾಲಯಕ್ಕೆ ಭಕ್ತರು ದಿನ ನಿತ್ಯ ಬರುತ್ತಾರೆಯಾದರೂ ಶ್ರೀ ಕೃಷ್ಣ ಜನ್ಮಾಷ್ಟಮಿಯಂದು ಬರುವ ಭಕ್ತರ ಸಂಖ್ಯೆ ಹೆಚ್ಚಾಗುತ್ತದೆ. ಏಕೆಂದರೆ ಶ್ರೀ ಕೃಷ್ಣನನ್ನು ಭಗವಾನ್ ಶ್ರೀ ವಿಷ್ಣುವಿನ ಅವತಾರವೆಂದು ಪರಿಗಣಿಸಲಾಗಿದೆ. ಈ ದೇವಾಲಯವು ವಿಷ್ಣುವಿಗೆ ಸಮರ್ಪಿತವಾಗಿದೆ. ಇಲ್ಲಿ ವಿಷ್ಣುವಿನ ವಿಗ್ರಹವನ್ನು ಕಮಲದ ಹೂವಿನ ಮೇಲಿ ನಿಂತಿರುವಂತೆ ನಿರ್ಮಿಸಲಾಗಿದೆ.
ಹಿಂದೆಂದೂ ನೋಡಿರದ ಅತ್ಯುತ್ತಮ ಇಟ್ಟಿಗೆಗಳು
ಹಲವಾರು ಇಟ್ಟಿಗೆಗಳಿಂದ ಮಾಡಲ್ಪಟ್ಟಿರುವ ದೇವಾಲಯದ ಕಂಗುರೆದಾರ್ ಛಾವಣಿಯು ವಾಸ್ತುಶಿಲ್ಪದ ವಿಶಿಷ್ಟ ಉದಾಹರಣೆಯಾಗಿದೆ. ಇದನ್ನು ಸೂರ್ಯ ದೇವಾಲಯ ಎಂದೂ ಕರೆಯುತ್ತಾರೆ. ದೇವಾಲಯವನ್ನು ವಾಸ್ತು ಶಾಸ್ತ್ರದ ತತ್ವಗಳ ಪ್ರಕಾರ ನಿರ್ಮಿಸಲಾಗಿದೆ. ಇದು ಹಿಂದೆಂದೂ ನೋಡಿರದ ಅತ್ಯುತ್ತಮ ಇಟ್ಟಿಗೆಗಳನ್ನು ಹೊಂದಿದೆ. ಇವುಗಳಲ್ಲಿ ಕೆಲವು ಇಟ್ಟಿಗೆಗಳನ್ನು ಅಯೋಧ್ಯೆ ರಾಮಮಂದಿರದಲ್ಲಿ ಬಳಸಲಾಗಿದೆ. ಈ ಗರ್ಭಗುಡಿಯಲ್ಲಿ ಕಮಲದ ಮೇಲೆ ನಿಂತಿರುವ ವಿಷ್ಣುವಿನ ಪ್ರತಿಮೆಯು ನಂಬಿಕೆ ಮತ್ತು ಭಕ್ತಿಯ ಕೇಂದ್ರವಾಗಿದೆ. ಭಾರತೀಯ ಪುರಾತತ್ವ ಸರ್ವೇಕ್ಷಣಾ ಇಲಾಖೆಯು 1996 ರಲ್ಲಿ ಈ ದೇವಾಲಯವನ್ನು ಸ್ವಾಧೀನಪಡಿಸಿಕೊಂಡಿತು.
ದೇವಾಲಯದ ವಾಸ್ತುಶಿಲ್ಪ ಹೇಗಿದೆ ಗೊತ್ತಾ?
ಪೂರ್ವಾಭಿಮುಖವಾಗಿರುವ ದೇವಾಲಯದ ಹೊರಭಾಗವು ಪುರಾತನ ಕಾಲದ ಇಟ್ಟಿಗೆಗಳಿಂದ ಮಾಡಲ್ಪಟ್ಟಿದೆ. ಗರ್ಭಗುಡಿಯಲ್ಲಿ ಕಮಲದ ಆಕಾರದ ವೇದಿಕೆಯಲ್ಲಿ ನಿಂತಿರುವ ನಾಲ್ಕು ತೋಳುಗಳ ವಿಷ್ಣುವಿನ ವಿಗ್ರಹವನ್ನು ಸ್ಥಾಪಿಸಲಾಗಿದೆ. ಈ ದೇವಾಲಯವನ್ನು 18 ನೇ ಶತಮಾನದಲ್ಲಿ ನಿರ್ಮಿಸಲಾಗಿದೆ ಎಂದು ನಂಬಲಾಗಿದೆ, ಇದು ವಾಸ್ತುಶಿಲ್ಪದ ವಿಶಿಷ್ಟ ಸಂಗಮವಾಗಿದೆ. ದೇವಾಲಯದೊಂದಿಗೆ ಬಾಗಿಲ ಮಂಟಪವನ್ನು ನಿರ್ಮಿಸಲಾಗಿದೆ. ಇದರಲ್ಲಿ, ಇಸ್ಲಾಮಿಕ್ ವಾಸ್ತುಶಿಲ್ಪದ ಪ್ರಭಾವವು ಗೋಚರಿಸುತ್ತದೆ. ಚತುರ್ಭುಜಿ ಬಾಬಾ ಎಂದು ಕರೆಯಲ್ಪಡುವ ವಿಷ್ಣುವಿನ ಈ ದೇವಾಲಯದ ಮೇಲೆ ಕೇವಲ ಹಳ್ಳಿ ಮಾತ್ರವಲ್ಲದೆ ಸುತ್ತಮುತ್ತಲಿನ ಜಿಲ್ಲೆಯ ಜನರು ಸಹ ನಂಬಿಕೆ ಹೊಂದಿದ್ದಾರೆ.
ಹೊಸ ರೂಪ ನೀಡಲು ಮುಂದಾಗಿದೆ ಇಲಾಖೆ
ಮಾಹಿತಿಗಳ ಪ್ರಕಾರ, ನಿರ್ವಹಣೆ ಕೊರತೆಯಿಂದ ಈ ದೇವಾಲಯ ದಿನದಿಂದ ದಿನಕ್ಕೆ ಶಿಥಿಲವಾಗುತ್ತಿದೆ. ದೇವಾಲಯದ ವಾಸ್ತುಶಿಲ್ಪ ಉಳಿಸಲು ಯಾವುದೇ ಪ್ರಯತ್ನ ಮಾಡದ ಕಾರಣ ಈ ಗ್ರಾಮದ ಗ್ರಾಮಸ್ಥರು ಸಾಕಷ್ಟು ಆತಂಕ ವ್ಯಕ್ತಪಡಿಸುತ್ತಿದ್ದಾರೆ. ಈ ದೇವಾಲಯವು ಪುರಾತತ್ವ ಇಲಾಖೆಯ ಅಧೀನದಲ್ಲಿರುವುದರಿಂದ ಗ್ರಾಮೀಣರು ದೇಣಿಗೆ ನೀಡುವ ಮೂಲಕ ದೇವಾಲಯದಲ್ಲಿ ಹೊಸ ನಿರ್ಮಾಣ ಕಾರ್ಯ ಕೈಗೆತ್ತಿಕೊಳ್ಳಲು ಸಾಧ್ಯವಿಲ್ಲ ಎಂದು ಗ್ರಾಮೀಣ ರಾಮ್ ಭವನ ಹೇಳುತ್ತದೆ. ಈ ಹಿನ್ನೆಲೆಯಲ್ಲಿ ಸದ್ಯ ಪುರಾತನವಾದ ವಿಷ್ಣು ದೇವಾಲಯಕ್ಕೆ ಹೊಸ ರೂಪ ನೀಡಲು ಇಲಾಖೆ ಮುಂದಾಗಿದೆ.
ಕಳ್ಳತನವಾಗಿತ್ತು ನಾಲ್ಕು ತೋಳುಗಳ ದೈತ್ಯ ವಿಗ್ರಹ
ಅಂದಹಾಗೆ ದೇವಸ್ಥಾನದಲ್ಲಿ ಅರ್ಚಕರಿಲ್ಲ, ಸದ್ಯ ಪೂಜೆ ಸಲ್ಲಿಸುತ್ತಿರುವ ಅರ್ಚಕ ರಾಜು ಮಹಾರಾಜ್ ಅವರು ದೇವಸ್ಥಾನದಲ್ಲಿ ಕಾಯಂ ಅರ್ಚಕರಲ್ಲ. ಆದರೆ, ದೇವಸ್ಥಾನ ಗ್ರಾಮಕ್ಕೆ ಸೇರಿದ್ದು. ವಿಷ್ಣುವಿನ ಮೇಲಿನ ನಂಬಿಕೆಯಿಂದಾಗಿ ಚತುರ್ಭುಜಿ ದೇವಸ್ಥಾನದಲ್ಲಿ ಪೂಜೆ ಮಾಡುತ್ತಾರೆ. ಇಡೀ ಗ್ರಾಮ ಮತ್ತು ಇತರ ಜಿಲ್ಲೆಗಳಿಂದ ಜನರು ಈ ದೇವಸ್ಥಾನಕ್ಕೆ ಪೂಜೆ ಸಲ್ಲಿಸಲು ಬರುತ್ತಾರೆ. ತೆಂಡೂಲಿಯ ವಿಷ್ಣು ದೇವಾಲಯವು ಜಿಲ್ಲೆಯ ಅದ್ಭುತ ಪರಂಪರೆಯಾಗಿದೆ. ಇದು ವಿಶಿಷ್ಟವಾದ ಇಟ್ಟಿಗೆಯಲ್ಲಿ ಮಧ್ಯಕಾಲೀನ ಶೈಲಿಯ ವಾಸ್ತುಶಿಲ್ಪ ಹೊಂದಿದೆ. ಅಂದರೆ ಕಂಗುರಿದಾರ್ ಛಾವಣಿಯ ಕೆತ್ತನೆ ಹೊಂದಿದೆ. ಸ್ಥಳೀಯರ ಪ್ರಕಾರ, 35 ವರ್ಷಗಳ ಹಿಂದೆ ವಿಷ್ಣುವಿನ ನಾಲ್ಕು ತೋಳುಗಳ ದೈತ್ಯ ವಿಗ್ರಹ ಕಳ್ಳತನವಾಗಿತ್ತು. ಗ್ರಾಮದ ಜನರು ದೇಣಿಗೆ ನೀಡಿ ಚಿತ್ರಕೂಟದಿಂದ ವಿಷ್ಣುವಿನ ಚರ್ತುಭುಜ ವಿಗ್ರಹವನ್ನು ತಂದು ಪ್ರತಿಷ್ಠಾಪಿಸಿದರು. ದೇವಾಲಯವನ್ನು ವಾಸ್ತು ಶಾಸ್ತ್ರದ ತತ್ವಗಳ ಪ್ರಕಾರ ನಿರ್ಮಿಸಲಾಗಿದೆ. ಈ ಮೊದಲೇ ಹೇಳಿದ ಹಾಗೆ ಇದುವರೆಗೆ ನೋಡಿದ ಅತ್ಯುತ್ತಮ ಇಟ್ಟಿಗೆಗಳನ್ನು ದೇಗುಲವು ಹೊಂದಿದೆ.
ತೆಂಡೂಲಿ ಗ್ರಾಮ ಒಂದು ಚಿಕ್ಕ ಹಳ್ಳಿ
ಫತೇಪುರ್ ಜಿಲ್ಲೆಯ ತೆಂಡೂಲಿ ಗ್ರಾಮವು ಒಂದು ಚಿಕ್ಕ ಮತ್ತು ಶಾಂತವಾದ ಹಳ್ಳಿಯಾಗಿದ್ದು, ಇದು ಗುಪ್ತರ ಕಾಲದ ದೇವಾಲಯಗಳ ನಿಧಿಯಾಗಿದೆ. ಪ್ರಾಯಶಃ ಅನೇಕರಿಗೆ ತಿಳಿದಿಲ್ಲದ ಈ ಗ್ರಾಮವು ಅತ್ಯಂತ ಪ್ರಾಚೀನವಾದುದು ಮತ್ತು ರಿಂಡ್ ನದಿಯ ಉದ್ದಕ್ಕೂ ಇರುವ ಪುರಾತನ ಇಟ್ಟಿಗೆ ದೇವಾಲಯಗಳಿರುವುದನ್ನು ನಾವಿಲ್ಲಿ ಕಣ್ತುಂಬಿಕೊಳ್ಳಬಹುದು.
