ಭಾರತದಲ್ಲಿಯ 10 ಪ್ರಸಿದ್ದ ಹನುಮಂತ ದೇವರ ದೇವಾಲಯಗಳು

ಹನುಮಾನ್ ಜಯಂತಿ ಅಥವಾ ಹನುಮಂತ ಜಯಂತಿಯಂತಹ ಪವಿತ್ರ ದಿನವು ಹಿಂದೂ ಕ್ಯಾಲೆಂಡರ್ ಪ್ರಕಾರ ಹನುಮಂತನ ಜನ್ಮ ದಿನವನ್ನು ಸೂಚಿಸುತ್ತದೆ; ರಾಮಾಯಣದಂತಹ ಪೌರಾಣಿಕ ಮಹಾಕಾವ್ಯದ ನಾಯಕರಲ್ಲಿ ಹನುಮಾನ್ ಕೂಡಾ ಒಬ್ಬರು. ಹನುಮಾನ್ ಜಯಂತಿಯು ಚೈತ್ರ ಮಾಸದಲ್ಲಿ ಚಂದ್ರ ಮಾಸದಲ್ಲಿ ಆಚರಿಸಲಾಗುತ್ತದೆ. ಈ ಆಚರಣೆಯನ್ನು ಬಹುಪಾಲು ಎಲ್ಲಾ ಹಿಂದು ದೇವಾಲಯಗಳಲ್ಲಿ ಆಚರಿಸಲಾಗುತ್ತದೆ.ಹನುಮಾನ್ ಜಯಂತಿಯನ್ನು ಎಲ್ಲಾ ವರ್ಗದ ಜನರು ಮತ್ತು ವಿಶೇಷವಾಗಿ ಹನುಮ ಭಕ್ತರ ಅನುಯಾಯಿಗಳು ಅಪಾರ ಸೇವೆ ಮತ್ತು ಭಕ್ತಿಯಿಂದ ಆಚರಿಸುತ್ತಾರೆ. ಹನುಮಾನ್ ಜಯಂತಿಯಂದು ಹನುಮಂತನ ವಿಭಿನ್ನ ಅಂಶಗಳನ್ನು ಪಾಲಿಸಲಾಗುತ್ತದೆ ಮತ್ತು ಪೂಜಿಸಲಾಗುತ್ತದೆ.ಈ ವಿಶೇಷ ದಿವಸದಂದು ಭಾರತದ ಹತ್ತು ಪ್ರಮುಖ ಹನುಮಾನ್ ದೇವಾಲಯಗಳ ಪಟ್ಟಿಯನ್ನು ನಾವು ನಿಮಗಾಗಿ ನೀಡುತ್ತಿದ್ದೇವೆ 8100 ಅಡಿ ಎತ್ತರದಲ್ಲಿ ನೆಲೆಗೊಂಡಿರುವ ಜಖೂ ದೇವಾಲಯವು ವಾನರ ದೇವರಾದ ಹನುಮಾನ್ ಗೆ ಅರ್ಪಿತವಾದ ಅತ್ಯಂತ ಪ್ರಸಿದ್ಧ ದೇವಾಲಯವಾಗಿದೆ. ಅಲ್ಲದೆ, ಇದು ಭಗವಾನ್ ಹನುಮಂತನ 108 ಅಡಿ ಎತ್ತರದ ವಿಗ್ರಹವನ್ನು ಹೊಂದಿದೆ. ವಾರಣಾಸಿಯ ಅಸ್ಸಿ ನದಿ ದಡದಲ್ಲಿರುವ ಸಂಕಟ್ ಮೋಚನ್ ಹನುಮಾನ್ ದೇವಾಲಯವು ಭಾರತದ ಅತ್ಯಂತ ಪವಿತ್ರ ಹನುಮಾನ್ ದೇವಾಲಯಗಳಲ್ಲಿ ಒಂದಾಗಿದೆ. ಈ ಪ್ರಸಿದ್ದ ದೇವಾಲಯವು ಪ್ರತೀವರ್ಷ ಸಾವಿರಾರು ರಾಮ ಹಾಗೂ ಹನುಮ ಭಕ್ತರಿಂದ ಭೇಟಿ ನೀಡಲ್ಪಡುತ್ತದೆ. ಶ್ರೀ ಬಾಲ ಹನುಮಾನ್ ದೇವಾಲಯವು ಜಾಮ್ ನಗರದಲ್ಲಿದ್ದು, ಇದು ಹನುಮಂತ ದೇವರಿಗೆ ಅರ್ಪಿತವಾದ ಮತ್ತೊಂದು ದೇವಾಲಯವಾಗಿದೆ. ಈ ಅದ್ಬುತವಾದ ದೇವಾಲಯದ ಜೊತೆಗೆ ಈ ಸ್ಥಳವು ಕೆಲವು ಪ್ರಾಚೀನ ದೇವಾಲಯಗಳಾದ ಮಾರ್ಬಲ್ ಜೈನ ದೇವಾಲಯ ಮತ್ತು ಸಿದ್ದನಾಥ ಮಹಾದೇವ ದೇವಾಲಯಗಳಿಗೂ ನೆಲೆಯಾಗಿದೆ. ದೆಹಲಿಯ ಕನ್ನಾಟ್ ಪ್ಲೇಸ್ ನಲ್ಲಿ ಕಂಡುಬರುವ ಈ ದೇವಾಲಯವು ಮಹಾಭಾರತ ಖ್ಯಾತಿಯ ಐದು ಐತಿಹಾಸಿಕ ದೇವಾಲಯಗಳಲ್ಲಿ ಒಂದಾಗಿದೆ. ಈ ದೇವಾಲಯವು ಹನುಮಂತನ ಸ್ವಯಂ ಪ್ರಕಟಿತ ವಿಗ್ರಹವನ್ನು ಹೊಂದಿದೆ ಮತ್ತು ಇದನ್ನು ಶ್ರೀ ಹನುಮಾನ್ ಜಿ ಮಹಾರಾಜ್ ಎಂದು ಶ್ಲಾಘಿಸಲಾಗುತ್ತದೆ. ಹನುಮಂತನ ಅವತಾರವಾದ ಕಷ್ಟಭಂಜನ ರೂಪವನ್ನು ಸಾರಂಗ್ ಪುರದ ಶ್ರೀ ಹನುಮಾನ್ ಮಂದಿರದಲ್ಲಿ ಕಾಣಬಹುದಾಗಿದೆ. ಈ ದೇವಾಲಯವು ಭಾರತದ ಅತ್ಯಂತ ಪ್ರಮುಖ ದೇವಾಲಯಗಳಲ್ಲೊಂದಾಗಿದೆ ಮತ್ತು ಕಡಿಮೆ ಎತ್ತರವಿರುವ ಬೆಟ್ಟದ ಮೇಲೆ ನೆಲೆಸಿದೆ. ಚಿತ್ರಕೂಟದಲ್ಲಿರುವ ಹನುಮಾನ್ ಧಾರಾ ದೇವಾಲಯವು ಚಿತ್ರಕೂಟದಲ್ಲಿರುವ ಹನುಮಾನ್ ಧಾರಾ ದೇವಾಲಯವು ಕಡಿದಾದ ಬೆಟ್ಟದ ಮೇಲೆ ನೂರಾರು ಅಡಿಗಳಷ್ಟು ಎತ್ತರದ ಬಂಡೆಯ ಮೇಲೆ ನೆಲೆಗೊಂಡಿದೆ. ಚಿತ್ರಕೂಟವು ರಾಮಾಯಣಕ್ಕೆ ಸಂಬಂಧಿಸಿದ ಹಲವಾರು ದೇವಾಲಯಗಳು ಮತ್ತು ಸ್ಥಳಗಳನ್ನು ಹೊಂದಿರುವುದಕ್ಕೆ ಹೆಸರುವಾಸಿಯಾಗಿದೆ. ಸಂಗಮ್ ನಲ್ಲಿರುವ ಹನುಮಾನ್ ಮಂದಿರವು ಬೇಡ ಹನುಮಾನ್ ಜೀ ದೇವಾಲಯವು ಒಂದು ನವೀನ ದೇವಾಲಯವಾಗಿದ್ದು, ಇದು ಭಗವಾನ್ ಹನುಮಂತನು ಒರಗಿರುವ ಭಂಗಿಯಲ್ಲಿ ಕಂಡುಬರುವ ಭಾರತದ ಏಕೈಕ ದೇವಾಲಯವಾಗಿದೆ. ಈ ದೇವಾಲಯವು 20 ಅಡಿ ಉದ್ದ ಮತ್ತು 8 ಅಡಿ ಅಗಲವಿರುವ ಹನುಮಂತನ ದೊಡ್ಡ ವಿಗ್ರಹವನ್ನು ಹೊಂದಿದೆ. ಹನುಮಾನ್ ಗಾಧಿ ದೇವಾಲಯವು ಅಯೋಧ್ಯೆಯಲ್ಲಿದ್ದು, ಉತ್ತರ ಭಾರತದಲ್ಲಿ ಅತೀ ಹೆಚ್ಚಾಗಿ ಹನುಮಂತ ದೇವರನ್ನು ಪೂಜಿಸುವ ಅತ್ಯಂತ ಪೂಜ್ಯನೀಯವಾದ ಸ್ಥಳವಾಗಿದೆ. ಅಯೋಧ್ಯೆಯು ರಾಮ ದೇವರ ಜನ್ಮಭೂಮಿಯಾಗಿದ್ದು ಇದು ಹನುಮಂತ ದೇವರ ಆವಾಸ ಸ್ಥಾನವೆಂದೂ ಕರೆಯಲ್ಪಡುತ್ತದೆ. ಬೆಟ್ ದ್ವಾರಕಾ ದ್ವೀಪದಲ್ಲಿದೆ ಮತ್ತು ಕೃಷ್ಣನ ದೇವಸ್ಥಾನಕ್ಕೆ ಹತ್ತಿರದಲ್ಲಿದೆ, ಬೆಟ್ ದ್ವಾರಕಾ ಹನುಮಾನ್ ದೇವಾಲಯವು ಗುಜರಾತ್ ನಲ್ಲಿರುವ ಹನುಮಾನ್ ದೇವಾಲಯವಾಗಿದೆ. ಈ ದ್ವೀಪವನ್ನು ಪ್ರಾಚೀನ ನಗರ ದ್ವಾರಕಾದ ಭಾಗವೆಂದು ಪರಿಗಣಿಸಲಾಗಿದೆ. ಅಲ್ಲದೆ, ಬೆಟ್ ದ್ವಾರಕಾ ಅನೇಕ ಧಾರ್ಮಿಕ ದೇವಾಲಯಗಳನ್ನು ಆಯೋಜಿಸುತ್ತದೆ. ಕರ್ಮಾನ್ ಘಾಟ್ ಹನುಮಾನ್ ದೇವಾಲಯವು ಕರ್ಮಾನ್ ಘಾಟ್ ನಗರದ ಅತ್ಯಂತ ಅಚ್ಚುಮೆಚ್ಚಿನ ದೇವಾಲಯಗಳಲ್ಲಿ ಒಂದಾಗಿದೆ ಮತ್ತು ಹೈದರಾಬಾದ್ ನ ಹನುಮಾನ್ ಭಕ್ತರಲ್ಲಿ ಬಹಳ ಪ್ರಚಲಿತವಾಗಿದೆ. ಹನುಮಂತನನ್ನು ದಕ್ಷಿಣ ಭಾರತದ ಬಹುತೇಕ ಭಾಗಗಳಲ್ಲಿ ಆಂಜನೇಯ ಸ್ವಾಮಿ ಎಂದು ಸಹ ಒಪ್ಪಿಕೊಳ್ಳಲಾಗಿದೆ.