ಪೀಚಿ ಜಲಾಶಯವು ತ್ರಿಶ್ಶೂರ್ ನಗರದಿಂದ 15 ಕಿ.ಮೀ ದೂರದಲ್ಲಿದೆ. ತ್ರಿಶ್ಶೂರ್ ನಗರಕ್ಕೆ ಹೊಂದಿಕೊಂಡಂತೆ ಇರುವ ಹಳ್ಳಿಗಳಿಗೆ ನೀರಾವರಿ ಸೌಲಭ್ಯವನ್ನು ಒದಗಿಸಲು ಈ ಜಲಾಶಯವನ್ನು ನಿರ್ಮಿಸಿಲಾಯಿತು. ರೈತಾಪಿ ಜನರ ನೀರಿನ ಬವಣೆಯನ್ನು ನೀಗಿಸಲು ನಿರ್ಮಾಣಗೊಂಡ ಈ ಜಲಾಶಯವು ದಶಕಗಳಿಂದಲು ಹೊಲಗದ್ದೆಗಳಿಗೆ ನೀರನ್ನು ಒದಗಿಸುತ್ತಿದೆ. ಅಲ್ಲದೆ ಜಲಾಶಯದ ಸುತ್ತಲು ಸೌಂದರ್ಯವರ್ಧಿಸುವ ಕಾರ್ಯವನ್ನು ಕೈಗೊಳ್ಳಲಾಗಿದೆ. ಹಾಗಾಗಿ ಇಲ್ಲಿ ನೀರಿನಿಂದ ಚಿಮ್ಮುವ ಕವಲುಗಳು, ಬಣ್ಣ ಬಣ್ಣದ ಹೂವುಗಳಿರುವ ಸಸಿಗಳನ್ನು ಕಾಣಬಹುದು. ಇಲ್ಲಿನ ಉದ್ಯಾನವನವನ್ನು ನೀರಿನ ಕಾರಂಜಿಗಳಿಂದ ಅತ್ಯಂತ ಸುಂದರವಾಗಿ ನಿರ್ಮಾಣಮಾಡಲಾಗಿದೆ. ಮನಾಲಿ ನದಿಯ ದಂಡೆಯ ಮೇಲೆ ನೆಲೆಸಿರುವ ಈ ಜಲಾಶಯವನ್ನು ನೋಡಿದರೆ ಮಾತ್ರ ಅದರ ಅಂದವನ್ನು ಸವಿಯಲು ಸಾಧ್ಯ.