Click it and Unblock the Notifications
ಕೊಡೈಕೆನಾಲ್ ಗಿರಿ ಶ್ರೇಣಿಯ ಹಿಂಭಾಗದಲ್ಲಿರುವ ವರಗಾ ನದಿಗೆ ಅಡ್ಡಲಾಗಿ ಸೊತ್ತುಪಾರೈ ಆಣೆಕಟ್ಟನ್ನು ನಿರ್ಮಿಸಲಾಗಿದೆ. ಇದು ಪೆರಿಯಾಕುಳಂನಿಂದ 12 ಕಿ.ಮೀ ದೂರದಲ್ಲಿದೆ. ಕುಟುಂಬ ಮತ್ತು ಸ್ನೇಹಿತರೊಂದಿಗೆ ಪ್ರವಾಸಕ್ಕೆ ತೆರಳಲು ಇದೊಂದು ಸೂಕ್ತ ಸ್ಥಳ. ಈ ಆಣೆಕಟ್ಟಿಗೆ ಹೋಗುವ ದಾರಿಯ ಇಕ್ಕೆಲಗಳಲ್ಲಿ ಮಾವಿನ ಮರಗಳಿವೆ. ಬೇಸಿಗೆಯಲ್ಲಿ ಈ ದಾರಿಯಲ್ಲಿ ಸಾಗಿದಾಗ ಮಾವಿನ ಕಂಪು ನಿಮ್ಮನ್ನು ಸೆಳೆಯುತ್ತದೆ.
ಪ್ರವಾಸಿಗರು ಆಣೆಕಟ್ಟಿನ ಸಮೀಪ ನಿರ್ಮಿಸಿರುವ ನೆಲಸೇತುವೆಯಿಂದ ಆಣೆಕಟ್ಟನ್ನು ನೋಡಬಹುದು. ಈ ಸೇತುವೆಯ ಸಮೀಪ ಒಂದು ಸುಂದರ ಉದ್ಯಾನವನ ಮತ್ತು ಸುಂದರ ದೀಪಕಂಬಗಳಿವೆ. ಕೊಡೈಕೆನಾಲಿನ ಬೆರಿಜಾಂ ಕೆರೆ ಮತ್ತು ಮಳೆ ನೀರಿನ ಸಣ್ಣ ಝರಿಯಿಂದ ಬರುವ ನೀರನ್ನು ಈ ಆಣೆಕಟ್ಟಿನಲ್ಲಿ ಸಂಗ್ರಹಿಸಲಾಗುತ್ತದೆ. ಈ ಆಣೆಕಟ್ಟು 2.831 ಕ್ಯೂಸೆಕ್ಸ್ ನೀರನ್ನು ಸಂಗ್ರಹಿಸುವ ಸಾಮರ್ಥ್ಯಹೊಂದಿದೆ. ಪೆರಿಯಾಕುಳಂ ಮತ್ತು ಅದರ ಹತ್ತಿರದ ಪ್ರದೇಶಗಳಿಗೆ ಕುಡಿಯಲು ಮತ್ತು ವ್ಯವಸಾಯಕ್ಕೆ ಇಲ್ಲಿಂದಲೇ ನೀರು ಸರಬರಾಜು ಮಾಡಲಾಗುತ್ತದೆ. ಇದು ತಮಿಳುನಾಡಿನ ಎರಡನೇ ಅತಿ ದೊಡ್ಡ ಆಣೆಕಟ್ಟು.
