ಕೋಟೆಗಳು ಹಾಗೂ ಗುಹೆಗಳ ಇತಿಹಾಸ ಹಾಗೂ ಅವುಗಳ ನಿರ್ಮಾಣಗಳ ಬಗ್ಗೆ ತಿಳಿದುಕೊಳ್ಳುವ ಆಸಕ್ತಿ ಸಾಮಾನ್ಯವಾಗಿ ಎಲ್ಲರಲ್ಲೂ ಇದ್ದೇ ಇರುತ್ತದೆ. ಇಂತಹ ಸ್ಥಳಗಳಿಗೆ ಭೇಟಿ ನೀಡಲು ಕಾಯುತ್ತಿರುವವರೂ ಅನೇಕ. ಅಂಥವರಿಗೆ ಖುಷಿ ನೀಡುವಂತಹ, ಮನ ಸೆಳೆಯುವಂತಹ  ಒಂದು ಅದ್ಭುತ ಸ್ಥಳ, ಉತ್ತರಪ್ರದೇಶದ ಕೋಟೆಗಳ ನಗರಿ ಸೋನಭದ್ರ! ಐತಿಹಾಸಿಕ ಪರಂಪರೆ, ಸಂಸ್ಕೃತಿಗಳಿಗೆ ನ್ಯಾಯೋಚಿತ ಪುರಾವೆಯನ್ನು ಒದಗಿಸಬಲ್ಲ ಸೋನಭದ್ರ ಜಿಲ್ಲೆ ಇಂದು ಅತ್ಯಂತ ಪ್ರೇಕ್ಷಣೀಯ ಸ್ಥಳಗಳಲ್ಲಿ ಒಂದಾಗಿದೆ. ಅಂತಹ ಸುಂದರ ತಾಣದ ಬಗ್ಗೆ ಸಂಕ್ಷಿಪ್ತ ಮಾಹಿತಿ ಇಲ್ಲಿದೆ. ಸೋನಭದ್ರ, ಉತ್ತರಪ್ರದೇಶ ರಾಜ್ಯದಲ್ಲಿನ ಎರಡನೇ ಅತಿದೊಡ್ಡ ಜಿಲ್ಲೆಯಾಗಿದೆ. ವಿಂಧ್ಯ ಪರ್ವತದ ಪೂರ್ವ ವ್ಯಾಪ್ತಿಯಲ್ಲಿರುವ ಈ ಜಿಲ್ಲೆ, ಪೂರ್ವದಿಂದ ಪಶ್ಚಿಮಕ್ಕೆ ಹರಿಯುವ ಸೋನೆ ನದಿಯ  ತೆಕ್ಕೆಯಲ್ಲಿದೆ.  ಸೋನಭದ್ರ ಜಿಲ್ಲೆ  ಪ್ರವಾಸೋದ್ಯಮದ ದೃಷ್ಟಿಯಿಂದ,  ಅಪಾರ ಐತಿಹಾಸಿಕ ಮತ್ತು ಸಾಂಸ್ಕೃತಿಕ ಮಹತ್ವ ಹೊಂದಿದೆ ಮತ್ತು ಅನೇಕ ಪುರಾತನ ಸ್ಮಾರಕಗಳು, ಕೋಟೆಗಳು ಮತ್ತು ಕಟ್ಟಡಗಳ ತವರೂರಾಗಿದೆ ಸೋನಭದ್ರ ಜಿಲ್ಲೆ.

ಸೋನಭದ್ರದಲ್ಲಿನ ಮತ್ತು ಸುತ್ತಲಿನ ಪ್ರವಾಸಿ ತಾಣಗಳು

ಹಲವಾರು ಸ್ಮಾರಕಗಳು ಮತ್ತು ಕಟ್ಟಡಗಳು ಸೋನಭದ್ರ ಪಟ್ಟಣವನ್ನು ಮಹತ್ವದ ಪ್ರವಾಸಿ ಸ್ಥಳವನ್ನಾಗಿಸಿವೆ. ಸೋನಭದ್ರ ಜಿಲ್ಲೆಯಲ್ಲಿರುವ ವಿಜಯಘಡ ಕೋಟೆ ಐದನೇ ಶತಮಾನದಷ್ಟು ಹಳೆಯದು. ಈ ಕೋಟೆಯನ್ನು  ಕೊಲ್  ರಾಜರು ನಿರ್ಮಿಸಿದರು ಮತ್ತು ವ್ಯಾಪಕವಾಗಿ ತನ್ನ ಸೊಗಸಾದ  ಕಲ್ಲಿನ ಕೆತ್ತನೆಗಳು, ಶಾಸನಗಳು ಮತ್ತು ಗುಹಾಚಿತ್ರಗಳಿಗೆ ಹೆಸರುವಾಸಿಯಾಗಿದೆ.  ಈ ಸ್ಥಳದಲ್ಲಿ ಕಾಶಿ ರಾಜರು ಕಟ್ಟಿಸಿದ  ನೌಘಡ ಕೋಟೆಯನ್ನೂ ಕಾಣಬಹುದು. ಇದು ಈಗ ಸರ್ಕಾರಿ ಗಣ್ಯರಿಗಾಗಿ ಒಂದು ಅತಿಥಿ ಗೃಹವಾಗಿ ಬಳಸಲಾಗುತ್ತಿದೆ. ಈ ಸಣ್ಣ ಕೋಟೆಯನ್ನು  ಈಗಲೂ ಒಂದು ಪ್ರಮುಖ ಆಕರ್ಷಣೀಯ ಸ್ಥಳವಾಗಿ ಪರಿಗಣಿಸಲಾಗುತ್ತದೆ. ಮೂರು ದಿಕ್ಕುಗಳಲ್ಲಿ ಸುತ್ತಲೂ ಮೂರು ನದಿಗಳನ್ನು ಹೊಂದಿರುವ ಅಗೋರಿ ಕೋಟೆ ಇಲ್ಲಿನ ಮತ್ತೊಂದು ಸಾಂಪ್ರದಾಯಿಕ ಕೋಟೆ.

ಸೋನಭದ್ರದಲ್ಲಿ, ಸಲ್ಕನ್ ಪಳೆಯುಳಿಕೆ ಪಾರ್ಕ್ ಕೂಡ ನೆಲೆಯಾಗಿದೆ.  ಈ ಉದ್ಯಾನ ದೊಡ್ಡ ಭೌಗೋಳಿಕ ಮತ್ತು ಐತಿಹಾಸಿಕ ಪ್ರಾಮುಖ್ಯತೆಯನ್ನು ಹೊಂದಿದೆ. ಇಲ್ಲಿರುವ ಪಳೆಯುಳಿಕೆಗಳು ಜೀವಿ ಪ್ರಾರಂಭಿಕ ಅವಧಿಯದ್ದಿ. ಅಂದರೆ 1400 ಮಿಲಿಯನ್ ವರ್ಷಗಳಷ್ಟು ಹಳೆಯದು. ಅಲ್ಲದೆ, ಒಂದು  ಮೌಲ್ಯಯುತ ಮುಖ ಜಲಪಾತ ಕೂಡ ಇಲ್ಲಿದೆ.  ಈ ಪ್ರದೇಶದಲ್ಲಿರುವ ಕೆಲವು ನೈಸರ್ಗಿಕ ಜಲಪಾತಗಳಲ್ಲಿ ಇದೂ ಒಂದು.

ಸೋನಭದ್ರ ಜಿಲ್ಲೆ ವಿಂಧ್ಯ ಪ್ರದೇಶದಲ್ಲಿ ಕಂಡು ಅದರ ಅನೇಕ ಗುಹಾ ವರ್ಣಚಿತ್ರಗಳ ಸ್ಥಳಕ್ಕೆ ಹೆಸರುವಾಸಿಯಾಗಿದೆ.  ಲಖನಿಯ ಗುಹೆಗಳು ಕೈಮುರ್ ವ್ಯಾಪ್ತಿಯಲ್ಲಿ ನೆಲೆಗೊಂಡಿವೆ ಮತ್ತು ಅದರ ಸುಂದರ ಮುಪ್ಪುರಹಿತ ಕಲ್ಲಿನ ವರ್ಣಚಿತ್ರಗಳಿಗೆ ಹೆಸರುವಾಸಿಯಾಗಿದೆ.  ಈ ಐತಿಹಾಸಿಕ ವರ್ಣಚಿತ್ರಗಳು 4000 ವರ್ಷಗಳಷ್ಟು ಹಳೆಯದು ಮತ್ತು ಜೀವನಕ್ಕೆ, ಒಂದು ಕಾಲದ ಸಂಸ್ಕೃತಿ ಮತ್ತು ನಂಬಿಕೆ ತರುವಂತಹ ಅದ್ಭುತ ಕಲೆಗಳು. ಕೋದ್ವರ್  ಪಹಾರ್ ಅಥವಾ  ಗೋರಮಂಗರ್ ಇನ್ನೊಂದು ಪ್ರಸಿದ್ಧ ಪುರಾತನ ಗುಹಾ ವರ್ಣಚಿತ್ರಗಳ ತಾಣವಾಗಿದೆ. ಈ ಪ್ರದೇಶವು, ರಿಹಾಂದ್ ಅಣೆಕಟ್ಟು ಮತ್ತು ಬರ್ಕಾನಂದ್ರಾ ಎಂಬ ಎರಡು ಅಣೆಕಟ್ಟುಗಳನ್ನು ಹೊಂದಿದೆ. ನೀವು  ಒಂದು ಐತಿಹಾಸಿಕ ಬೃಹತ್ ಲೊರಿಕ್  ಕಲ್ಲನ್ನು ಸಹ ನೋಡಬಹುದು.

ಧಾರ್ಮಿಕ ಸ್ಥಳಗಳ ಬಗ್ಗೆ ಹೇಳುವುದಾದರೆ, ಶಿವ ದ್ವಾರದ ಶಿವ ಮತ್ತು ದೇವಿ ಪಾರ್ವತಿಗೆ ಮೀಸಲಾಗಿರುವ ಪ್ರಖ್ಯಾತ ದೇವಸ್ಥಾನವಾಗಿದೆ.  ಸೃಜನ್ ಭಂಗಿಯಲ್ಲಿ ತೋರಿಸಲಾಗಿರುವ,11 ನೇ ಶತಮಾನದಷ್ಟು ಹಳೆಯ ಈ ಎರಡು ದೇವತೆಗಳ ಕಪ್ಪು ಕಲ್ಲಿನ ಪ್ರತಿಮೆಗೆ ಹೆಸರುವಾಸಿಯಾಗಿದೆ. ಸೋನಭದ್ರ ಪ್ರವಾಸೋದ್ಯಮ ಕಲಾ ಪ್ರೇಮಿಗಳಿಗೆ ಮತ್ತು ಪರಿಶೋಧಕರಿಗೆ ಇಷ್ಟವಾಗುವ ಸ್ಥಳ.

ಸೋನಭದ್ರ ಭೇಟಿಗೆ ಸರಿಯಾದ ಸಮಯ

ನವೆಂಬರ್ ನಿಂದ ಮಾರ್ಚ್ ತಿಂಗಳಿನ ನಡುವಿನ ಅವಧಿ ಸೋನಭದ್ರವನ್ನು ತಲುಪಲು ಸೂಕ್ತವಾದ ಸಮಯವಾಗಿದೆ.

ಸೋನಭದ್ರ ತಲುಪುವುದು ಹೇಗೆ ?

ಸೋನಭದ್ರವನ್ನು ವಿಮಾನ, ರೈಲು ಮತ್ತು ರಸ್ತೆ ಮಾರ್ಗದ ಮೂಲಕ ತಲುಪಬಹುದು.