ಎಕ್ರುಕ್ ಹಿಪ್ಪರಗಾ ತಾಲಾವ್ ಒಂದು ಸಮ್ಮಿಲಿತ ತಾಣವಾಗಿದೆ. ಅಂದರೆ ಹಿಪ್ಪರಗಾ ಕೆರೆ ಹಾಗೂ ಎಕ್ರುಕ್ ಕೊಳ ಸೇರಿ ಈ ಒಂದು ತಾಣ ಶ್ರೀಮಂತ ಹಾಗು ಆಕರ್ಷಕವಾಗಿದೆ. ಈ ಕೊಳವು ಕೆರೆಗೆ ಹೊಂದಿಕೊಂಡಂತೆಯೆ ಇದೆ. ಸೋಲಾಪುರವು ಬ್ರಿಟೀಷರ ಅಧಿನದಲ್ಲಿದ್ದ ಸಂದರ್ಭದಲ್ಲಿ ಈ ಕೊಳ ನಿರ್ಮಾಣಗೊಂಡಿದೆ. ಇದನ್ನು ಕರ್ನಲ್ ಫಿಪೆ ಎಂಬಾತ ನಿರ್ಮಿಸಿದ್ದ ಎನ್ನಲಾಗುತ್ತದೆ.
ಈ ತಾಲಾವ್ ವರ್ಷದ ಎಲ್ಲಾ ಕಾಲದಲ್ಲೂ ತುಂಬಿರುತ್ತದೆ. ಅಲ್ಲದೆ ಇದು ಜಿಲ್ಲೆಯ ಪ್ರಮುಖ ನೀರು ಸರಬರಾಜು ವ್ಯವಸ್ಥೆಯ ಮೂಲವೂ ಆಗಿದೆ. ಡೆಕ್ಕನ್ ವಲಯದಲ್ಲಿಯೇ ಈ ಎಕ್ರುಕ್ ಕೊಳವು ಎರಡನೆ ಅತಿ ದೊಡ್ಡ ನೀರಾವರಿ ಯೋಜನೆ ಎನಿಸಿದೆ.