1557ರಲ್ಲಿ ಅಲಿ ಆದಿಲ್‌ ಷಾ ಚಾಂದ್‌ ಬಾವ್ಡಿಯನ್ನು ನಿರ್ಮಿಸಿದ. ಕರ್ನಾಟಕದ ಬಿಜಾಪುರ ನಗರದ ಸರಹದ್ದಿನಲ್ಲಿ ಕಾಣಸಿಗುವ ಕೊಳ ಇದಾಗಿದೆ. ಇದನ್ನು ನಿರ್ಮಿಸಲು ಅಂದು ಮೂರು ವರ್ಷಗಳ ಕಾಲ ಹಿಡಿಸಿತ್ತಂತೆ.

ಬಿಜಾಪುರದ ಜನರ ನೀರಿನ ಕೊರತೆಯನ್ನು ಪೂರೈಸಲು ಈ ಕೊಳವನ್ನು ನಿರ್ಮಿಸಲಾಯಿತು. ಇದರ ಸಂಗ್ರಹಣಾ ಸಾಮರ್ಥ್ಯ  20 ಮಿಲಿಯನ್‌ ಲೀಟರ್‌ ಆಗಿದೆ.

ಈ ಕೊಳದ ನಿರ್ಮಾಣವು, ಮುಂದಿನ ದಿನಗಳಲ್ಲಿ ಈ ಭಾಗದಲ್ಲಿ ಇನ್ನಷ್ಟು ಕೊಳಗಳ ನಿರ್ಮಾಣಕ್ಕೆ ಸ್ಪೂರ್ತಿ ಹಾಗೂ ಮಾರ್ಗದರ್ಶಿಯಾಯಿತು. ಕಡಿಮೆ ಅವಧಿಯಲ್ಲಿಯೆ ಶ್ರೀಮಂತ ಕುಟುಂಬಗಳ ವಾಸದ ಮನೆಗಳು, ದುಬಾರಿ ಕಾಂಪ್ಲೆಕ್ಸ್‌ಗಳು ಇದರ ಸುತ್ತ ತಲೆ ಎತ್ತಿದವು. ಸಾಕಷ್ಟು ಉನ್ನತಿಯ ಕಾರ್ಯ ಈ ಭಾಗದಲ್ಲಿ ಆಗಿದೆ. ಮರು ನಿರ್ಮಾಣ ಕಾರ್ಯವೂ ಸಾಕಷ್ಟು ಸಾರಿ ಇಲ್ಲಾಗಿದೆ. ಅಲಿ ಆದಿಲ್‌ ಷಾ ತಮ್ಮ ಅಧಿಕಾರ ಅವಧಿಯಲ್ಲಿ ಈ ಕೊಳಕ್ಕೆ ತನ್ನ ಪತ್ನಿ 'ಚಾಂದ್‌ ಬಿಬಿ' ಹೆಸರನ್ನು ಇಟ್ಟ ಎನ್ನಲಾಗುತ್ತದೆ.