ಮೂಲತಃ ಮರಾಠಿ ಹೆಸರಾದ ಸಿಂಧುದುರ್ಗದ ಅರ್ಥ ಸಾಗರದ ಮೇಲೆ ನಿರ್ಮಿತ ಕೋಟೆ ಎಂದು. ಈ ಪ್ರದೇಶದ ಅತ್ಯಂತ ಸಾಂಪ್ರದಾಯಿಕ ಸೃಷ್ಟಿಯಾಗಿದ್ದು 1664 ರಿಂದ 67ರ ವರೆಗಿನ 3 ವರ್ಷಗಳ ಅವಧಿಯಲ್ಲಿ ರಾಜ ಶಿವಾಜಿಯಿಂದ ನಿರ್ಮಿತವಾಗಿದೆ. ನಿರ್ಮಾಣಕ್ಕೆಂದು ಗೋವಾದ 100 ಪೋರ್ಚುಗೀಸ್ ವಾಸ್ತುಶಿಲ್ಪಿಗಳು ಮತ್ತು 3000 ಶಕ್ತಿಯುತ ಕಾರ್ಮಿಕರನ್ನು ಬಳಸಲಾಗಿದ್ದು ಈ ಕೋಟೆಯು, ಇಂದು ಕುರ್ಟೆ ದ್ವೀಪದ ಮೇಲೆ ತಲೆಯೆತ್ತಿ ನಿಂತಿದೆ.
ಆ ಕಾಲದ ಗಮನಾರ್ಹ ವಾಸ್ತು ಶಿಲ್ಪಿಯೆನಿಸಿಕೊಂಡಿದ್ದ ಹೀರೋಜಿ ಇಂದುಲ್ಕರ್ ಈ ನಿರ್ಮಾಣದ ಮೇಲುಸ್ತುವಾರಿಯನ್ನು ಹೊತ್ತಿದ್ದರು ಮತ್ತು ಕೋಟೆಯ ತಳಪಾಯದ ಕಲ್ಲನ್ನು ಅಳವಡಿಸಲು ಬೇಕಾದ ತಳವನ್ನು ನಿರ್ಮಿಸಲು 4000 ಕಬ್ಬಿಣದ ದಿಬ್ಬಗಳನ್ನು ಬಳಸಲಾಯಿತು. ಕೋಟೆಯು 50 ಎಕರೆಗಳ ಭೂಮಿಯಲ್ಲಿ ಚಾಚಿಕೊಂಡಿದ್ದು 9.2 ಮೀ ಎತ್ತರದ ರಕ್ಷಣಾ ಗೋಡೆಯನ್ನು ಮತ್ತು 4 ಕಿ ಮೀ ಉದ್ದದ 42 ಬುರುಜಗಳುಳ್ಳ ಕಲ್ಲು ಗೋಡೆಯನ್ನು ಹೊಂದಿದೆ.