Click it and Unblock the Notifications
ಗಾಯತ್ರಿ ದೇವಾಲಯವು ದುರ್ಗಾಪುರ್ ಬೆಟ್ಟಗಳ ತಪ್ಪಲಿನಲ್ಲಿ ನೆಲೆಗೊಂಡಿದೆ. ಈ ದೇವಾಲಯವು ಹಲವಾರು ವಿಚಾರಗಳಿಗಾಗಿ ಖ್ಯಾತಿಯನ್ನು ಗಳಿಸಿದೆ. ಇದನ್ನು ಸದ್ಗುರು ಶ್ರೀ ರಾಮ್ ದೇವ್ಜಿ ಶರ್ಮಾರವರು 1981ರಲ್ಲಿ ನಿರ್ಮಿಸಿದರು. ಈ ಸುಂದರವಾದ ದೇವಾಲಯದ ಸುತ್ತ- ಮುತ್ತ ಹಲವಾರು ಗಿಡ-ಮರಗಳಲ್ಲಿ ಹೂವುಗಳು ಅರಳಿ ನಿಂತಿರುವುದನ್ನು ನೀವು ಕಾಣಬಹುದು. ಈ ದೇವಾಲಯದ ಆವರಣವು ತನ್ನ ಪ್ರಶಾಂತತೆ ಮತ್ತು ಪ್ರಸನ್ನತೆಯಿಂದ ಗಮನ ಸೆಳೆಯುತ್ತದೆ.
ಇಲ್ಲಿಗೆ ಭೇಟಿ ನೀಡುವ ಪ್ರವಾಸಿಗರು ಇಲ್ಲಿ ಧ್ಯಾನ ಮಾಡುತ್ತಾರೆ. ಇಲ್ಲಿನ ಶಾಂತ ಪರಿಸರಕ್ಕೆ ಮನಸೋತ ಕೆಲವರು ಇಲ್ಲಿ ತಮ್ಮ ಜೀವನದ ಬಹು ಮುಖ್ಯ ಕಾರ್ಯಗಳನ್ನು ನೆರವೇರಿಸಲು ಬಳಸಿಕೊಳ್ಳುತ್ತಾರೆ. ಇಲ್ಲಿ ಮದುವೆಗಳು, ಚೌಲ ಕರ್ಮ, ಮಾಂಗಲ್ಯಕ್ಕೆ ಮಣಿ ಪೋಣಿಸುವ ಮುಂತಾದ ಕಾರ್ಯಕ್ರಮಗಳು ಇಲ್ಲಿ ಜರುಗುತ್ತಿರುತ್ತವೆ. ಇದನ್ನು ದೇವಾಲಯದಲ್ಲಿ ಇದಕ್ಕಾಗಿಯೇ ಮೀಸಲಿಟ್ಟ ಪ್ರದೇಶದಲ್ಲಿ ನೆರವೇರಿಸಲಾಗುತ್ತದೆ.
