ಮಧ್ಯಪ್ರದೇಶದ ರೇವಾ ಜಿಲ್ಲೆಯಲ್ಲಿರುವ ರಾಣಿ ತಾಲಾಬ್ ಪ್ರಾಚೀನ ನೀರಿನ ಮೂಲವಿರುವ ತಾಣ. ಅಲ್ಲದೇ ಇಡೀ ಜಿಲ್ಲೆಯಲ್ಲಿ ಇದನ್ನು ಪವಿತ್ರ ನೀರನ್ನು ಹೊಂದಿರುವ ಜಲ ಪ್ರದೇಶ ಎಂದು ಭಾವಿಸುತ್ತಾರೆ. ಪ್ರಮುಖ ಹಬ್ಬ ಹರಿದಿನಗಳಲ್ಲಿ ಪ್ರವಾಸಿಗರು ಭಾರೀ ಸಂಖ್ಯೆಯಲ್ಲಿ ಇಲ್ಲಿ ಜಮಾಯಿಸುತ್ತಾರೆ. ಈ ಮೂಲದಲ್ಲಿ ನೀರು ಉತ್ತಮವಾಗಿ ಲಭ್ಯವಿರುವುದರಿಂದ ನೀರಾವರಿಗೂ ಸಹ ಇದನ್ನು ಬಳಸಿಕೊಳ್ಳಲಾಗುತ್ತದೆ. ತಾಲಾಬ್ ರೇವಾದ ದಕ್ಷಿಣ ಭಾಗದಲ್ಲಿದ್ದು ಕೃಷಿ, ನೀರಾವರಿ ಮತ್ತು ಮೀನುಗಾರಿಕೆಯಂತಹ ಚಟುವಟಿಕೆಗಳಿಗೆ ಈ ಜಲಮೂಲವನ್ನು ಉಪಯೋಗಿಸಲಾಗುತ್ತದೆ.
ಇದರ ಪಕ್ಕದಲ್ಲಿಯೆ ಕಾಳಿ ಮಾತೆಯ ಮಂದಿರವಿದ್ದು, ದೇವಾಲಯಕ್ಕೆ ಭೇಟಿ ನೀಡಿದರೆ ಕಾಳಿತಾಯಿ ತಮ್ಮೆಲ್ಲಾ ಇಷ್ಟಾರ್ಥಗಳನ್ನು ಈಡೇರಿಸುತ್ತಾಳೆ ಎನ್ನುವ ಸಂಪೂರ್ಣ ನಂಬಿಕೆ ಸ್ಥಳೀಯರಲ್ಲಿದೆ. ಪ್ರತಿ ವರ್ಷ ದೀಪಾವಳಿಯ ಸಮಯದಲ್ಲಿ ಇಲ್ಲಿ ವೈಭವೋಪೇತವಾಗಿ ಹಬ್ಬವನ್ನು ಆಚರಿಸಲಾಗುತ್ತದೆ.