Click it and Unblock the Notifications
ಪಕ್ಕೆ ಹುಲಿ ಅಭಯಾರಣ್ಯ ಅರುಣಾಚಲ ಪ್ರದೇಶದ ಜನಪ್ರಿಯ ಪ್ರವಾಸಿ ತಾಣಗಳಲ್ಲೊಂದು. ಇದು ಪೂರ್ವ ಕಮೆಂಗ್ ಜಿಲ್ಲೆಯಲ್ಲಿದ್ದು 862 ಚದರ ಕಿ.ಮೀ ಗಳಷ್ಟು ವಿಸ್ತಾರವಾಗಿದೆ. ಇದು ಮೊದಲು ಖೆಲ್ಲಾಂಗ್ ಅರಣ್ಯ ವಿಭಾಗಕ್ಕೆ ಸೇರಿತ್ತು ನಂತರ 2002 ರಲ್ಲಿ ಇದನ್ನು ಹುಲಿ ಅಭಯಾರಣ್ಯವೆಂದು ಘೋಷಿಸಲಾಯಿತು.
ವನ್ಯಜೀವಿ ತಾಣ
ಹುಲಿ ಅಭಯಾರಣ್ಯವು ಅರುಣಾಚಲ ಪ್ರದೇಶದ ಅರಣ್ಯ ಸಿಬ್ಬಂದಿಯ ಸತತ ಪರಿಶ್ರಮದಿಂದ ವನ್ಯಜೀವಿಗಳನ್ನು ಉಳಿಸಲು ಮತ್ತು ಕಾಪಾಡಲು ರೂಪಿತವಾಯಿತು. ಇಲ್ಲಿ ಹುಲಿ ಮಾತ್ರವಲ್ಲದೆ, ತೋಳ, ನರಿ, ಕಾಡೆಮ್ಮೆ, ಹಾರುವ ಅಳಿಲು, ಚಿರತೆ, ಕಾಡುನಾಯಿಗಳು, ಸಾಂಬಾರ್, ಆನೆ, ಜಿಂಕೆ, ಮುಂತಾದ ಪ್ರಾಣಿಗಳನ್ನು ಕೂಡ ಕಾಣಬಹುದು.
ಪಕ್ಕೆ ಹುಲಿ ಅಭಯಾರಣ್ಯದಲ್ಲಿ ಹಾರ್ನಬಿಲ್ಗಳನ್ನು ಕೂಡ ಕಾಣಬಹುದು. ಪಕ್ಷಿವೀಕ್ಷಣೆ ಮಾಡುವವರನ್ನು ಈ ಸ್ಥಳ ಆಕರ್ಷಿಸುತ್ತದೆ. ಇಲ್ಲಿ ಹಲವು ಬಗೆಯ ಕಾಡು ಹಕ್ಕಿಗಳು, ಡವ್ ಹಕ್ಕಿಗಳು, ಬಾತುಕೋಳಿಗಳು, ಹದ್ದುಗಳು, ನವಿಲುಗಳು ಮೊದಲಾದ ಪಕ್ಷಿಗಳನ್ನು ಕಾಣಬಹುದು. ಇಲ್ಲಿ ನಾಗರಹಾವು, ಪೈತಾನ್ ರೀತಿಯ ಸರೀಸೃಪಗಳನ್ನು ಕೂಡ ಕಾಣಬಹುದು.
ಉದ್ಯಾನವನಕ್ಕೆ ಯಾವಾಗ ಭೇಟಿ ನೀಡಬಹುದು?
ಇಲ್ಲಿ ತಾಜಾ ಹವೆಯಿದ್ದು ಮಾಲಿನ್ಯದಿಂದ ಮುಕ್ತವಾಗಿದೆ. ಇಲ್ಲಿಗೆ ಭೇಟಿ ನೀಡಲು ಸೂಕ್ತ ಸಮಯ ಅಕ್ಟೋಬರ್ನಿಂದ ಮಾರ್ಚ್.
ಸಂಪರ್ಕ
ಇಲ್ಲಿಗೆ ಸಮೀಪದ ವಿಮಾನ ನಿಲ್ದಾಣ ತೇಜಪುರದಲ್ಲಿದೆ. ರಂಗಪಾರ ಸಮೀಪದ ರೈಲು ನಿಲ್ದಾಣ. ಭಾರತದ ಎಲ್ಲ ಮುಖ್ಯ ನಗರಗಳಿಂದ ಇಲ್ಲಿಗೆ ಬಸ್ ಸೌಲಭ್ಯವಿದೆ.
