Click it and Unblock the Notifications
ವಾಮನ ದೇವಾಲಯವು ಖಜುರಾಹೊದಲ್ಲಿರುವ ಪೂರ್ವ ದೇಗುಲಗಳ ಸಮೂಹದಲ್ಲಿ ಕಂಡುಬರುತ್ತದೆ. ಇದನ್ನು ಕ್ರಿ.ಶ 1050-1075ರ ಸುಮಾರಿಗೆ ನಿರ್ಮಿಸಲಾಯಿತು ಎಂದು ಹೇಳಲಾಗುತ್ತದೆ. ಈ ದೇವಾಲಯವನ್ನು ವಿಷ್ಣುವಿನ ಅವತಾರವಾದ ವಾಮನನಿಗಾಗಿ ನಿರ್ಮಿಸಲಾಗಿದೆ. ಈ ದೇವಾಲಯವು ಇನ್ನಿತರ ದೇವಾಲಯಗಳಿಗಿಂತ ಭಿನ್ನವಾಗಿದೆ. ಹೇಗೆಂದರೆ ಈ ದೇವಾಲಯದ ಗರ್ಭಗುಡಿಗೆ ಪ್ರದಕ್ಷಿಣಾಪಥವಿಲ್ಲ. ಅಲ್ಲದೆ ಈ ದೇವಾಲಯವು ಆದಿನಾಥ ದೇವಾಲಯವನ್ನು ಬಹುತೇಕ ಹೋಲುತ್ತದೆ. ಶಿಖರ ಮತ್ತು ಮಹಾ ಮಂಟಪವು ಈ ದೇಗುಲಕ್ಕೆ ಮೆರಗನ್ನು ನೀಡಿವೆ.
ಈ ದೇಗುಲದ ವಾಸ್ತುಶಿಲ್ಪವು ಖಜುರಾಹೊದ ಇನ್ನಿತರ ದೇವಾಲಯಗಳನ್ನೇ ಹೋಲುತ್ತದೆ. ಗರ್ಭಗೃಹದಲ್ಲಿ ನಾವು ವಾಮನನ ಮೂರ್ತಿಯನ್ನು ನೋಡಬಹುದು. ಹೊರಭಾಗದ ಗೋಡೆಗಳ ಮೇಲೆ ದೇವರುಗಳು, ದೇವತೆಗಳು, ದೇವತೆಯರ ಸಂಗಾತಿಗಳು, ಸ್ತ್ರೀಯರ ವಿಗ್ರಹಗಳು, ಪೌರಾಣಿಕ ಜೀವಿಗಳನ್ನು ಇತ್ಯಾದಿಗಳನ್ನು ಕೆತ್ತಲಾಗಿದೆ. ದೇವಾಲಯದ ಹೊರಭಾಗದಲ್ಲಿ ಬೆಳೆಸಲಾಗಿರುವ ಹಚ್ಚ ಹಸಿರಿನಿಂದ ಕೂಡಿದ ಹುಲ್ಲುಹಾಸಿನ ಹಿನ್ನಲೆಯು ದೇವಾಲಯದ ಶಿಲ್ಪಗಳಿಗೆ ತನ್ನದೇ ಆದ ಸೊಬಗನ್ನುಂಟು ಮಾಡಿದೆ.
