ಕಲ್ಲಿನಲ್ಲಿ ಕೆತ್ತಲಾಗಿರುವ ನಯನ ಮನೋಹರವಾದ ಲಕ್ಷ್ಮಣ ದೇವಾಲಯವು ವಿಷ್ಣುವಿನ ದೇವಾಲಯವಾಗಿದೆ. ಇದೊಂದು ಪ್ರಾಚೀನ ದೇವಾಲಯವಾಗಿದ್ದು, ಪಶ್ಚಿಮ ಸಮೂಹದ ದೇಗುಲಗಳ ಸಾಲಿನಲ್ಲಿ ಕಂಡು ಬರುತ್ತದೆ. ಇದನ್ನು ಕ್ರಿ.ಶ 930 ರಿಂದ 950ರ ಸುಮಾರಿಗೆ ನಿರ್ಮಿಸಲಾಗಿದೆ. ಈ ದೇವಾಲಯವು ಗತಕಾಲದ ವಾಸ್ತುಶಿಲ್ಪಕ್ಕೆ ಜೀವಂತ ಉದಾಹರಣೆಯಾಗಿ ನಿಂತಿದೆ. ಈ ದೇವಾಲಯದಲ್ಲಿ ಸುಮಾರು 600 ಹಿಂದೂ ದೇವತೆಗಳ ವಿಗ್ರಹಗಳನ್ನು ನಾವಿಲ್ಲಿ ನೋಡಬಹುದು.
ಈ ದೇವಾಲಯದ ವೇದಿಕೆಯ ಮೇಲೆ ಆನೆಗಳು ಮತ್ತು ಕುದುರೆಗಳಂತಹ ಹಲವಾರು ಸುಂದರವಾದ ವಸ್ತುಗಳ ವಿಗ್ರಹಗಳನ್ನು ಕೆತ್ತಲಾಗಿದೆ. ಈ ದೇಗುಲದ ನಾಲ್ಕು ಮೂಲೆಗಳಲ್ಲಿ ಚಿಕ್ಕ ಚಿಕ್ಕ ದೇವಾಲಯಗಳನ್ನು ನಾವು ಕಾಣಬಹುದು. ಪ್ರತಿಯೊಂದು ದೇವಾಲಯವು ಚೌಕಟ್ಟಿನಂತಹ ಬೇಲಿಯ ಕೆತ್ತನೆಯನ್ನು ಹೊಂದಿವೆ. ಈ ದೇವಾಲಯದ ಪ್ರತಿ ಶಿಲ್ಪದಲ್ಲಿಯು ಇದನ್ನು ಕೆತ್ತಿದ ಶಿಲ್ಪಿಗಳ ಜಾಣ್ಮೆಯನ್ನು ನಾವು ಸವಿಯಬಹುದು. ಈ ದೇವಾಲಯದ ಪಶ್ಚಿಮ ಭಾಗದಲ್ಲಿ ಆಭರಣಗಳನ್ನು ಧರಿಸಿರುವ ಹೆಂಗಸರ ವಿವಿಧ ಭಂಗಿಗಳ ಪರಿಪೂರ್ಣ ವಿಗ್ರಹಗಳನ್ನು ನಾವು ನೋಡಬಹುದು.