Click it and Unblock the Notifications
ಬೆನಿ ಸಾಗರ್ ಜಲಾಶಯವನ್ನು ಮಂತ್ರ ಮುಗ್ಧಗೊಳಿಸುವಂತಹ ಖುದರ್ ನದಿಗೆ ಅಡ್ಡಲಾಗಿ ನಿರ್ಮಿಸಲಾಗಿದೆ. ಈ ಭವ್ಯವಾದ ಜಲಾಶಯವು ಖಜುರಾಹೊ ನಗರದ ಹೊರಭಾಗದಲ್ಲಿ ನೆಲೆಗೊಂಡಿದೆ. ಹಚ್ಚ ಹಸಿರಿನಿಂದ ಕೂಡಿದ ಆವರಣವು ಈ ಜಲಾಶಯದ ಪರಿಸರವನ್ನು ತುಂಬಾ ಆಹ್ಲಾದಕರಗೊಳಿಸಿದೆ. ಬೆನಿ ಸಾಗರ್ ಜಲಾಶಯವು ಸುಮಾರು 7.7 ಚ,ಕಿ.ಮೀ ವಿಸ್ತೀರ್ಣದಷ್ಟು ಸ್ಥಳದಲ್ಲಿ ನೆಲೆಗೊಂಡಿದೆ.ಬೆನಿ ಸಾಅಗರ್ ಜಲಾಶಯವು ವೀಕ್ಷಕರಿಗಾಗಿ ವಿಶೇಷವಾದ ಆಕರ್ಷಣೆಗಳನ್ನು ಹೊಂದಿದೆ.
ಈ ಜಲಾಶಯವು ನಗರದ ದೈನಂದಿನ ಜಂಜಡಗಳನ್ನು ಮರೆತು ನೆಮ್ಮದಿಯಾಗಿ ವಿಶ್ರಾಂತಿಯನ್ನು ಪಡೆಯಲು ಹಾಗು ಹಲವು ಮೋಜಿನ ಚಟುವಟಿಕೆಗಳಲ್ಲಿ ಪಾಲ್ಗೊಳ್ಳಲು ಹೇಳಿ ಮಾಡಿಸಿದ ಪರಿಸರವನ್ನು ಹೊಂದಿದೆ. ನಯನ ಮನೋಹರವಾದ ಪರಿಸರದ ಹಿನ್ನಲೆಯಲ್ಲಿ ಈಜಾಡಲು , ಮೀನು ಹಿಡಿಯಲು ಮತ್ತು ದೋಣಿಯಾನದ ಮೋಜನ್ನು ಅನುಭವಿಸಲು ಇಲ್ಲಿ ಅವಕಾಶವಿದೆ. ಈ ಸ್ಥಳವು ವಿಹಾರ ತಾಣವಾಗಿ ಸಹ ಖ್ಯಾತಿಯನ್ನು ಪಡೆದಿದೆ. ಸ್ಥಳೀಯರು ಮತ್ತು ಪ್ರವಾಸಿಗರು ಈ ಅದ್ಭುತವಾದ ಪರಿಸರವನ್ನು ಕಣ್ಣು ತುಂಬಿಕೊಳ್ಳಲು ಇಲ್ಲಿಗೆ ಆಗಮಿಸುತ್ತಿರುತ್ತಾರೆ.
