ಈ ದೊಡ್ಡ ಕೆರೆಯು (ಅಸ್ಸಾಂನಲ್ಲಿ ಪುಖುರಿ ಎಂದರೆ ಕೆರೆ ಎಂದರ್ಥ) ಧೋಲ್‍ಪುರ್ ಸಮೀಪದಲ್ಲಿರುವ ಕಚುವಗೆ ಸಮೀಪದಲ್ಲಿ ನೆಲೆಗೊಂಡಿದೆ. ನಂಬಿಕೆಗಳ ಪ್ರಕಾರ ಈ ಕೆರೆಯ ಸಮೀಪದಲ್ಲಿ ಜೀವಿಸಿದ್ದ, ಅಕಡೊಶಿ ಎಂಬ ಬ್ರಾಹ್ಮಣ ಗುರುವಿನಿಂದಾಗಿ ಈ ಹೆಸರು ಬಂದಿತಂತೆ. ಆ ಗುರುವಿಗೆ ದೈವ ಶಕ್ತಿ ಇತ್ತು ಎಂಬ ನಂಬಿಕೆಗಳು ಇಲ್ಲಿಗೆ ಸಮೀಪದ ಊರಿನವರಲ್ಲಿ ನೆಲೆಸಿದೆ. ಇಂದಿಗು ಸಹ ಈ ಕೆರೆಯ ಬಳಿ ತಾವು ಪ್ರಾರ್ಥನೆ ಸಲ್ಲಿಸಿದರೆ ಅದು ನೆರವೇರುವುದು ಎಂದು ಅವರು ನಂಬುತ್ತಾರೆ. ಹಾಗಾಗಿ ಕಚುವ ಮತ್ತು ಸಮೀಪದ ಹಳ್ಳಿ ಜನರಿಗೆ ಈ ಕೆರೆಯು ಅತ್ಯಂತ ಪವಿತ್ರವಾದ ಕೆರೆಯಾಗಿದೆ.

ಹೀಗಾಗಿ ಅಕಡೊಹಿಯ ಪುಖುರಿಯು ಈ ಪ್ರಾಂತ್ಯದ ಅತ್ಯಂತ ಪ್ರಸಿದ್ಧ ಯಾತ್ರಾ ಸ್ಥಳವಾಗಿದೆ. ಕೆಲವರು ಇಲ್ಲಿಗೆ ಪ್ರಾರ್ಥನೆ ಸಲ್ಲಿಸಲು ಬಂದರೆ, ಉಳಿದವರು ಇಲ್ಲಿನವರ ನಡೆ-ನುಡಿಗಳನ್ನು ಅರಿತುಕೊಳ್ಳಲು ಆಗಮಿಸುತ್ತಾರೆ. ಇಲ್ಲಿನ ಹಳ್ಳಿಯು ಪ್ರವಾಸಿಗರಿಗೆ ಅಸ್ಸಾಂನ ನೈಜ ಹಳ್ಳಿಯ ವಾತಾವರಣದ ಅನುಭವವನ್ನು ನೀಡುತ್ತದೆ.