ಬಿಲ್ಲವರ್ ಕತುವಾ ಜಿಲ್ಲೆಯಲ್ಲಿದ್ದು ಬಲೌರ್ ಹೆಸರಿನಿಂದಲೂ ಪ್ರಸಿದ್ದ. ಬಿನ್ನಿ ಮತ್ತ ನಾಝ್ ತೊರೆಗಳ ದಂಡೆಯ ಮೇಲೆ ಬಿಲ್ಲವರ್ ನೆಲೆ ನಿಂತಿದೆ. ರಾಜಾ ಬೋಪಟ್ ಪಾಲ್ 1598-1614 ರಲ್ಲಿ ಇದನ್ನು ರೂಪಿಸಿದ. ಈ ನಗರ ಹಳೆಯ ದೇವಸ್ಥಾನಗಳು ಮತ್ತು ಸ್ಮಾರಕಗಳಿಗೆ ಪ್ರಸಿದ್ದವಾಗಿದೆ. ಈ ಸ್ಥಳ ಬಸೋಲಿ ರಾಜರಿಂದ ಆಳಲ್ಪಟ್ಟಿತ್ತು. ಮಹಾಬಿಲ್ವಕೇಶ್ವರ ದೇವಸ್ಥಾನ ಅಥವಾ ಹರಿಹರ ದೇವಸ್ಥಾನ ಇಲ್ಲಿನ ಪ್ರಸಿದ್ದ ಕ್ಷೇತ್ರ.
ಪುರಾಣಗಳಲ್ಲಿ ಹೇಳಿರುವಂತೆ, ಮಹಾಭಾರತದ ಪಾಂಡವರು ತಮ್ಮ ವನವಾಸದ ಕೊನೆಯ ದಿನಗಳಲ್ಲಿ ಬಿಲ್ಲವರ್ ಗೆ ಭೇಟಿ ನೀಡಿದ್ದರು. ಬಿಲ್(ಬಿಲ್ವ) ಪತ್ರೆಯ ಗಿಡಗಳು ಇಲ್ಲಿ ಬಹಳ ಸಿಕ್ಕಿದ್ದರಿಂದ ಈ ಸ್ಥಳಕ್ಕೆ ಬಿಲ್ಲವರ್ ಎಂಬ ಹೆಸರು ಬಂತು. ಪಾಂಡವರು ಪ್ರಾರ್ಥಿಸಿದ ಸ್ಥಳದಲ್ಲಿ ಶಿವ ದೇವಸ್ಥಾನವನ್ನು ಕಟ್ಟಲಾಯಿತು. ಶಿವನ 11 ನೇ ಅವತಾರವಾದ ಹನುಮಂತನ ವಿಗ್ರಹವನ್ನು ನಾಜ್ ನದಿಯ ಮಧ್ಯದಲ್ಲಿ ನೋಡಬಹುದು.