Click it and Unblock the Notifications
ಬ್ರಿಟಿಷ್ ಆಳ್ವಿಕೆಯಿಂದ ಜೈನ್ತಿಯಾ ಪ್ರದೇಶವನ್ನು ಸ್ವಾತಂತ್ರ್ಯಗೊಳಿಸಲು ಹೋರಾಡಿ ವೀರಮರಣವನ್ನಪ್ಪಿದ ಜೈನ್ತಿಯಾದ ದೇಶಭಕ್ತ ಯು ಕಿಯಾಂಗ್ ನೊಂಗ್ಬಹಗೆ ಗೌರವ ಸೂಚಕವಾಗಿ ಕಿಯಾಂಗ್ ನೊಂಗ್ಬಹ ಸ್ಮಾರಕವನ್ನು ನಿರ್ಮಿಸಲಾಗಿದೆ.
ಐತಿಹಾಸಿಕ ಸ್ಮಾರಕವನ್ನು ಮದೈಹ ಕಮೈ ಬ್ಲಾಯಿ ಎನ್ನುವ ವಿಶಾಲವಾದ ಪ್ರದೇಶದಲ್ಲಿ ನಿರ್ಮಿಸಲಾಗಿದೆ. ಇದು ಮಯ್ನತ್ದು ನದಿಯ ಜತೆಗೆ ಸಯ್ನತು ಕಸೈರ ದಡದಲ್ಲಿದೆ. ಈ ಪ್ರದೇಶಕ್ಕೆ ತನ್ನದೇ ಆದ ಐತಿಹಾಸಿಕ ಮಹತ್ವವಿದ್ದು, ಯಾವುದೇ ಪರಿಣಾಮಗಳಿಗೆ ಹೆದರದೆ ಬ್ರಿಟಿಷರನ್ನು ಈ ಪ್ರದೇಶದಿಂದ ಒದ್ದೋಡಿಸಲು ಯು ಕಿಯಾಂಗ್ ನೊಂಗ್ಬಹ ಪ್ರಮಾಣ ಸ್ವೀಕರಿಸಿದ್ದು ಇದೇ ಜಾಗದಲ್ಲಿ.
ತನ್ನ ಭೂಮಿ ಮತ್ತು ಜನರಿಗೆ ಸ್ವಾತಂತ್ರ್ಯ ಕೊಡುವ ಸಲುವಾಗಿ ತನ್ನ ಜೀವವನ್ನೇ ಮುಡಿಪಾಗಿಟ್ಟ ಸ್ಥಳೀಯ ನಾಯಕನಿಗೆ ಗೌರವ ಸೂಚಿಸುವ ಸಲುವಾಗಿ ವಿಶ್ವದೆಲ್ಲೆಡೆಯಿಂದ ಪ್ರವಾಸಿಗಳು ಆಗಮಿಸುತ್ತಾರೆ. ಕಿಯಾಂಗ್ ನೊಂಗ್ಬಹ ಸ್ಮಾರಕಕ್ಕೆ ತಲುಪಲು ಶಿಲ್ಲಾಂಗ್ ಅಥವಾ ಜೊವಾಯಿಯಿಂದ ಬಸ್ ಅಥವಾ ಟೂರಿಸ್ಟ್ ಕ್ಯಾಬ್ ನಿಂದ ಸುಲಭವಾಗಿ ತಲುಪಬಹುದಾಗಿದೆ.
