Click it and Unblock the Notifications
ಶಿಲ್ಪಾರಾಮಂ ಎನ್ನುವುದು ಮಾಧಪುರದಲ್ಲಿರುವ ಹೈಟೆಕ್ ಸಿಟಿಗೆ ಅತ್ಯಂತ ಸನಿಹದಲ್ಲಿರುವ ಒಂದು ಕುಶಲ ಕಲಾಗ್ರಾಮವಾಗಿದೆ. ಕೇವಲ ಆಂಧ್ರ ಪ್ರದೇಶದಲ್ಲಷ್ಟೇ ಅಲ್ಲದೆ ಇಡೀ ಭಾರತದಲ್ಲಿಯೇ ಕಲೆಗೆ ಮೀಸಲಾದ ಗ್ರಾಮವಾಗಿದ್ದು, ಹೈದರಬಾದಿನಿಂದ ಕೇವಲ 20 ಕಿ.ಮೀ ದೂರದಲ್ಲಿ ನೆಲೆಗೊಂಡಿದೆ. ಈ ಗ್ರಾಮವನ್ನು ಭಾರತದ ಸಾಂಪ್ರದಾಯಿಕವಾದ ಕರಕುಶಲ ಮತ್ತು ಕುಶಲ ಕಲೆಯನ್ನು ಕಾಪಾಡುವ ಸಲುವಾಗಿ ಸ್ಥಾಪಿಸಲಾಯಿತು. ಈ ಉದ್ದೇಶಕ್ಕಾಗಿ ಇಲ್ಲಿ ಸಾಂಪ್ರದಾಯಿಕವಾದ ದೇಶಿ ಉತ್ಸವಗಳನ್ನು ಪ್ರತಿ ವರ್ಷವು ನಡೆಸಿಕೊಂಡು ಬರಲಾಗುತ್ತಿದೆ.
1992 ರಲ್ಲಿ ಪ್ರಾರಂಭವಾದ ಈ ಗ್ರಾಮದಲ್ಲಿ ನಡೆಯುವ ಅತ್ಯುನ್ನತ ದರ್ಜೆಯ ದೇಶಿ ಉತ್ಸವಗಳು ದೇಶದೆಲ್ಲೆಡೆ ಪ್ರಸಿದ್ಧಿಯನ್ನು ಪಡೆದಿದೆ. ಈ ಉತ್ಸವಗಳು ಕೇವಲ ಭಾರತದ ಕರಕುಶಲ ಕಲೆಯನ್ನು ಪ್ರದರ್ಶಿಸುವುದಿಲ್ಲ. ಬದಲಿಗೆ ಪುರಾತನವಾದ ಮತ್ತು ಅಪರೂಪವಾದ ಕರಕುಶಲ ಕಲೆಗಳನ್ನು ಉಳಿಸುವ ಕಾರ್ಯವನ್ನು ಮಾಡುತ್ತಿದೆ. ನೀವು ಇಲ್ಲಿ ಆಭರಣಗಳನ್ನು, ಕಸೂತಿ ಮಾಡಿದ ಬಟ್ಟೆಗಳು, ಕೈಯಿಂದ ಮಾಡಿದ ಪೀಠೋಪಕರಣಗಳನ್ನು ಮತ್ತು ಇನ್ನಿತರ ವಸ್ತುಗಳನ್ನು ಕೊಳ್ಳಬಹುದು. ಈ ಗ್ರಾಮವು ಕಣ್ಮನ ತಣಿಸುವ ಹಸಿರು ಹಾಸುಗಳಿಂದ ಕೂಡಿ ಮುದ ನೀಡುತ್ತವೆ.
