ಚೌಮೊಹಲ್ಲ ಅರಮನೆಯು ಹೈದರಬಾದಿನ ನಿಜಾಮರಿಗೆ ಸೇರಿದ್ದಾಗಿದ್ದು, ಅಸಫ್ ಜಾಹಿಯ ಅಧಿಕೃತ ನಿವಾಸವಾಗಿ ಸೇವೆ ಸಲ್ಲಿಸಿತ್ತು. ಈ ಅರಮನೆಯ ಹೆಸರು ’ಚಹರ್’ ಮತ್ತು ’ ಮಹಲತ್’ ಎಂಬ ಪರ್ಷಿಯನ್ ಹೆಸರುಗಳಿಂದ ಉತ್ಪತಿಯಾಗಿದೆ. ಈ ಅರಮನೆಯನ್ನು ಇರಾನಿ ಷಾಹ್ ರವರ ಅರಮನೆಯನ್ನು ಹೋಲುವಂತೆ ನಿರ್ಮಿಸಲಾಗಿದೆ. ಈ ಅರಮನೆಯ ನಿರ್ಮಾಣವು 18ನೇ ಶತಮಾನದಲ್ಲಿ ಪ್ರಾರಂಭಗೊಂಡಿತು. ಇದು ಸಂಪೂರ್ಣಗೊಳ್ಳಲು ಸರಿಸುಮಾರು 10 ವರ್ಷಗಳ ಕಾಲ ಹಿಡಿಯಿತು. ಈ ಅರಮನೆಯ ವಿನ್ಯಾಸ ಮತ್ತು ಶೈಲಿಯಲ್ಲಿ ಹಲವಾರು ಮಿಶ್ರ ಶೈಲಿಗಳ ಪ್ರಭಾವಗಳನ್ನು ಕಾಣಬಹುದಾಗಿದೆ.
ಹಿಂದಿನ ಕಾಲದಲ್ಲಿ ಈ ಅರಮನೆಯಲ್ಲಿ ಹಲವಾರು ಚಟುವಟಿಕೆಗಳು ನಡೆಯುತ್ತಿದ್ದವು. ಅವುಗಳಲ್ಲಿ ನಿಜಾಮರ ಪಟ್ಟಾಭಿಷೇಕ, ಗವರ್ನರ್ ಜನರಲ್ಗಳಿಗೆ ಸ್ವಾಗತ ಕೂಟ ಮುಂತಾದವು ಪ್ರಮುಖವಾದುದಾಗಿವೆ. ಅಲ್ಲದೆ ನಿಜಾಮರ ಕಾಲದಲ್ಲಿ ಎಲ್ಲ ಪ್ರಮುಖ ಸಮಾರಂಭಗಳೆಲ್ಲವು ಚೌಮೊಹಲ್ಲ ಅರಮನೆಯಲ್ಲಿಯೆ ನಡೆಯುತ್ತಿತ್ತು. ಈ ಅರಮನೆಯಲ್ಲಿ ಎರಡು ಸಭಾಂಗಣಗಳಿವೆ. ಒಂದು ಉತ್ತರ ಸಭಾಂಗಣ, ಇನ್ನೊಂದು ದಕ್ಷಿಣ ಸಭಾಂಗಣ. ಈ ಎಲ್ಲ ಸಭಾಂಗಣಗಳು ವಿನ್ಯಾಸದಲ್ಲಿ ಹೋಲಿಕೆಯಲ್ಲದ ಕೋಣೆಗಳನ್ನು ಹೊಂದಿವೆ. ಈ ಅರಮನೆಯು ಭವ್ಯತೆಯಲ್ಲಿ ಮತ್ತು ಸೊಬಗಿನಲ್ಲಿ ಅನುಪಮತೆಯನ್ನು ಹೊಂದಿದೆ.