Click it and Unblock the Notifications
ಸಂಘಿ ದೇವಾಲಯವು ಹೈದರಬಾದ್ನ ಹೊರವಲಯದಲ್ಲಿರುವ ಸಂಘಿ ನಗರದಲ್ಲಿ ನೆಲೆಗೊಂಡಿದೆ. ಈ ದೇವಾಲಯವು ಒಂದು ಬೃಹತ್ ರಾಜಗೋಪುರವನ್ನು ಹೊಂದಿದೆ. ಈ ದೇವಾಲಯವು ಸ್ಥಳೀಯರ ಪಾಲಿಗೆ ಅತ್ಯಂತ ಪವಿತ್ರವಾದ ದೇವಾಲಯವಾಗಿದೆ. ಈ ದೇವಾಲಯದ ಗೋಪುರವನ್ನು ಬಹುದೂರದಿಂದಲೆ ಕಾಣಬಹುದು. ಈ ದೇವಾಲಯವು ಪರಮಾನಂದ ಗಿರಿ ಎಂದು ಕರೆಯಲ್ಪಡುವ ಒಂದು ಸಣ್ಣ ದಿಬ್ಬದ ಮೇಲೆ ಅತ್ಯಂತ ಆಕರ್ಷಕವಾಗಿ ನೆಲೆಗೊಂಡಿದೆ. ಈ ದೇವಾಲಯದಲ್ಲಿರುವ ದೇವರ ಆಶೀರ್ವಾದ ಪಡೆಯುವ ಸಲುವಾಗಿ ಸಹಸ್ರಾರು ಭಕ್ತರು ಪ್ರತಿವರ್ಷ ಇಲ್ಲಿಗೆ ಭೇಟಿಕೊಡುತ್ತಿರುತ್ತಾರೆ.
ಬಹುತೇಕ ಪ್ರವಾಸಿಗರು ಪ್ರತಿ ವರ್ಷವು ಇಲ್ಲಿನ ನಯನಮನೋಹರವಾದ ದೇವಾಲಯವನ್ನು ನೋಡಲು ಇಲ್ಲಿಗೆ ಆಗಮಿಸುತ್ತಿರುತ್ತಾರೆ. ಈ ದೇವಾಲಯವು ದಕ್ಷಿಣ ಭಾರತದ ವಾಸ್ತುಶಿಲ್ಪಕ್ಕೆ ಸಮರ್ಥ ಉದಾಹರಣೆಯಾಗಿ ನಿಂತಿದೆ. ಈ ದೇವಾಲಯದ ದ್ವಾರದಲ್ಲಿರುವ ಮೆಟ್ಟಿಲುಗಳ ಮೇಲೆ ಭವ್ಯವಾಗಿ ಕೆತ್ತಲಾಗಿರುವ ಕಾವಲು ಕಾಯುತ್ತಿರುವ ಕಲ್ಲಿನ ಆನೆಗಳನ್ನು ನಾವು ಕಾಣಬಹುದು. ಸಂಘಿ ದೇವಾಲಯವು ಮೂರು ಗೋಪುರಗಳನ್ನು ಹೊಂದಿದೆ. ಇವು ಎಷ್ಟು ಎತ್ತರದಿಂದ ಕೂಡಿವೆ ಎಂದರೆ ಆಕಾಶವನ್ನು ಸ್ಪರ್ಶಿಸುತ್ತವೆಯೇನೊ ಎಂಬಂತೆ ನಿಂತಿವೆ. ಈ ದೇವಾಲಯದ ಮೇಲಂತಿಸ್ತಿನಲ್ಲಿ ಆಂಜನೇಯನ ಮೂರ್ತಿಯನ್ನು ಸ್ಥಾಪಿಸಿರುವುದನ್ನು ನಾವು ಕಾಣಬಹುದು. ಇದು ಹೇಗಿದೆ ಎಂದರೆ ದೇವರು ಅಲ್ಲಿಂದಲೆ ಭಕ್ತಾಧಿಗಳನ್ನು ಆಶೀರ್ವದಿಸುತ್ತಿರುವಂತೆ ಕಾಣುತ್ತದೆ.
