Click it and Unblock the Notifications
ಹೈದರಬಾದಿನಲ್ಲಿರುವ ನೆಹರೂ ಮೃಗಾಲಯವು ಮೀರ್ ಆಲಂ ಕೆರೆಗೆ ಸಮೀಪದಲ್ಲಿ ನೆಲೆಗೊಂಡಿದೆ. ಇದು ಹೈದರಬಾದ್ ನಗರದ ಅತ್ಯಂತ ಪ್ರಸಿದ್ಧ ಪ್ರವಾಸಿ ಆಕರ್ಷಣೆಯಾಗಿದೆ. ಈ ಮೃಗಾಲಯವನ್ನು ಹೈದರಬಾದಿನ ಅತ್ಯಂತ ಪ್ರಸಿದ್ಧ ಮೂರು ಜನಪ್ರಿಯ ಆಕರ್ಷಣೆಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ. ಈ ಉದ್ಯಾನವನ್ನು 1959ರಲ್ಲಿ ಸ್ಥಾಪನೆ ಮಾಡಲಾಯಿತು. ಸಾರ್ವಜನಿಕರಿಗೆ ಇದರ ಪ್ರವೇಶಾವಕಾಶ 1963ರಲ್ಲಿ ಲಭಿಸಿತು. ಈ ಮೃಗಾಲಯವು ಹಲವಾರು ಪ್ರಾಣಿ, ಪಕ್ಷಿ ಮತ್ತು ಉರಗ ಪ್ರಭೇದಗಳನ್ನು ಒಳಗೊಂಡಿದೆ.
ಈ ಮೃಗಾಲಯದಲ್ಲಿ ಅಳಿವಿನಂಚಿನಲ್ಲಿರುವ ಹುಲಿ, ಚಿರತೆ, ಏಶಿಯಾದ ಸಿಂಹ, ಹೆಬ್ಬಾವು, ಒರಂಗುಟನ್, ಮೊಸಳೆ, ಗೌರ್, ಚಿಗರೆ, ಜಿಂಕೆ ಮತ್ತು ಭಾರತದ ಖಡ್ಗ ಮೃಗಗಳನ್ನು ಕಾಣಬಹುದು. ಈ ಎಲ್ಲ ಪ್ರಾಣಿಗಳಿಗು ತಮ್ಮ ನೈಜ ವಾಸ ಸ್ಥಾನವನ್ನು ಹೋಲುವ ಪ್ರತಿಕೃತಿಗಳನ್ನು ನಿರ್ಮಾಣ ಮಾಡಲು ವಿಶೇಷ ಆಸಕ್ತಿವಹಿಸಲಾಗಿದೆ. ಈ ಮೃಗಾಲಯವು ಸಫಾರಿ ಮತ್ತು ಆನೆ ಸವಾರಿಗಳನ್ನು ಪ್ರತಿನಿತ್ಯ ಒದಗಿಸುತ್ತದೆ. ಅಲ್ಲದೆ ಮೃಗಾಲಯದ ಆವರಣದೊಳಗೆ ಒಂದು ಪ್ರಾಕೃತಿಕ ಇತಿಹಾಸದ ವಸ್ತು ಸಂಗ್ರಹಾಲಯವನ್ನು ಸಹ ನಿರ್ಮಾಣ ಮಾಡಲಾಗಿದೆ.
