ಗುವಾಹಾಟಿ ತಾರಾಲಯವು ನಗರದ ಹೃದಯ ಭಾಗದಲ್ಲಿ, ಎಂ.ಜಿ. ರಸ್ತೆಯ ಮೇಲಿದ್ದು, ಇದು ಭಾರತದ ಅತೀ ಸುಸಜ್ಜಿತ ತಾರಾಲಯಗಳಲ್ಲೊಂದು ಎಂದೇ ಪರಿಗಣಿತವಾಗಿದೆ. ಇದರ ವಿಶಿಷ್ಟ ಗುಮ್ಮಟ ಮತ್ತು ಜಾರು ಗೋಡೆಗಳು, ಈ ತಾರಾಲಯವನ್ನು ದೇಶದ ಇತರ ತಾರಾಲಯಗಳಿಗಿಂತ ವಿಭಿನ್ನ ಮತ್ತು ವಿಶೇಷದ್ದನ್ನಾಗಿಸುತ್ತದೆ. ಬಾಹ್ಯಾಕಾಶ ಕ್ಷೇತ್ರದಲ್ಲಿ ಆಸಕ್ತಿಯಿರುವ ವಿದ್ಯಾರ್ಥಿಗಳು ಮತ್ತು ಜನರಿಂದ ಈ ತಾರಾಲಯವು ಸದಾ ಗಿಜಿಗುಟ್ಟುತ್ತಿರುತ್ತದೆ. ಜಪಾನಿನ ಗೊಟೊ ಜಿ ಎಕ್ಸ್ (Goto GX) ಸಲಕರಣೆಯನ್ನು, ಸಂದರ್ಶಕರಿಗೆ ಅಂತರಿಕ್ಷದತ್ತ ಒಂದು ನೋಟವನ್ನು ನೀಡುವುದಕ್ಕೋಸ್ಕರ ಸ್ಥಾಪಿಸಲಾಗಿದೆ. ಈ ಸಲಕರಣೆಯು ಬಾಹ್ಯಾಕಾಶದ ಕುರಿತ ಹೆಚ್ಚಿನ ಪರಿಚಿತವಲ್ಲದ ರಹಸ್ಯಗಳ ಮೇಲೆ ಬೆಳಕು ಚೆಲ್ಲುತ್ತದೆ. ದಿನಂಪ್ರತಿ ನೂರಾರು ಸ್ಥಳೀಯರು ಮತ್ತು ಪ್ರವಾಸಿಗರು ಈ ತಾರಾಲಯವನ್ನು ಸಂದರ್ಶಿಸುತ್ತಾರೆ.
ಈ ತಾರಾಲಯವು ವೈಜ್ಞಾನಿಕ ಸೆಮಿನಾರುಗಳು, ಕಾರ್ಯಾಗಾರಗಳು, ಮತ್ತು ಸಮ್ಮೇಳನಗಳು ನಡೆಯುವ ಒಂದು ಸ್ಥಳವೂ ಆಗಿದ್ದು, ದೇಶದ ಎಲ್ಲಾ ಭಾಗಗಳಲ್ಲಿರುವ ಖಗೋಳಶಾಸ್ತ್ರ ಸಂಸ್ಥೆಗಳು ಇದರಲ್ಲಿ ಪಾಲ್ಗೊಳ್ಳಬಹುದು.