Click it and Unblock the Notifications
ಪಿರ್ ಪಂಜಾಲ್ ಪರ್ವತ ಶ್ರೇಣಿಯಲ್ಲಿರುವ ವೇರಿನಾಗ್ ಸಮುದ್ರ ಮಟ್ಟದಿಂದ 1876 ಮೀಟರ್ ಎತ್ತರದಲ್ಲಿದೆ. ಅಲ್ಲದೇ ಇದು ಬನಿಬಲ್ಪಾಸ್ನ ತಳದಲ್ಲಿದೆ. ಈ ಕೊಳಕ್ಕೆ ಈ ಹೆಸರು ನೀಲನಾಗ್ನಿಂದ ಬಂದಿದೆ. ಈತ ಜನಪ್ರಿಯ ಹಿಂದು ಋಷಿ ಕಶ್ಯಪರ ಮಗ.
ಈ ಪ್ರದೇಶದ ನಿರ್ಮಾಣಕ್ಕೆ ಚಾಲನೆ ನೀಡಿದ್ದು ಜನಪ್ರಿಯ ಅರಸು ಶಾಜಹಾನ್ ಅದು 1620ನೇ ಇಸವಿಯಲ್ಲಿ. ಆ ಸಂದರ್ಭ, ಈ ಭಾಗದಲ್ಲಿ ಜಹಾಂಗೀರ್ ಆಡಳಿತ ಇತ್ತು. ಈ ಪ್ರದೇಶವು ಸಾಕಷ್ಟು ಸಾರಿ ನವೀಕರಣಕ್ಕೆ ಒಳಗಾಗಿದೆ. ತನ್ನ ರೂಪವನ್ನು ಬದಲಿಸಿಕೊಳ್ಳುತ್ತಾ ಸಾಗಿದೆ. ಇದಕ್ಕೆ ಸಮೀಪದಲ್ಲಿಯೇ ಶಾಜಹಾನ್ ಒಂದು ಉದ್ಯಾನ ಹಾಗೂ ಮನೆ ನಿರ್ಮಿಸಿಕೊಂಡಿದ್ದು ಇದಕ್ಕೆ ಅಗತ್ಯ ವಸ್ತುಗಳನ್ನು ಇರಾನ್ನಿಂದ ತರಿಸಲಾಗಿತ್ತಂತೆ.
ಈ ಕೊಳದ ನೀರು ಅತ್ಯಂತ ಶುದ್ಧ ಹಾಗೂ ಸ್ವಚ್ಛವಾಗಿದೆ. ಇದರಲ್ಲಿ ಕೂಡ ಔಷಧೀಯ ಗುಣ ಇದೆ ಎಂದು ನಂಬಲಾಗುತ್ತದೆ. 15 ಮೀಟರ್ ಆಳ ಹಾಗೂ 80 ಮೀಟರ್ ಉದ್ದವಾಗಿದೆ ಈ ಕೊಳ. ಇದರ ಸುತ್ತಲೂ ಆಕರ್ಷಕ ಪೈನ್ ಮರಗಳು ಹಾಗೂ ಹೂವಿನ ಮರಗಳು ಬೆಳೆದು ನಿಂತಿವೆ. ಅಲ್ಲದೇ ಇದೇ ಕೊಳದ ನೀರು ಝೀಲಮ್ ನದಿಯ ಮುಖ್ಯ ಮೂಲವೂ ಆಗಿದೆ. ಇದೇ ಕೊಳದ ಸಮೀಪ ಮುಘಲ್ ಪೆವಿಲಿಯನ್ ಹಾಗೂ ಸ್ನಾನಗೃಹ ಇರುವುದನ್ನು ಕಾಣಬಹುದು.
