ಗುಲ್ಮಾರ್ಗ್ ನಿಂದ 10 ಕಿ.ಮೀ. ದೂರದಲ್ಲಿದೆ ನಿಂಗ್ಲೆ ನಾಲಾ. ಅಫರ್ವತ ಬೆಟ್ಟದ ತಪ್ಪಲಿನಿಂದ ಹರಿದು ಬರುವ ಈ ತೊರೆಯ ನೀರು ಅತ್ಯಂತ ಶುದ್ಧ ಹಾಗೂ ಪಾರದರ್ಶಕವಾಗಿದೆ. ಇದರಲ್ಲಿ ಔಷಧೀಯ ಗುಣವಿದೆ ಎಂದು ನಂಬಲಾಗುತ್ತದೆ. ಇದಕ್ಕೆ ಬೇಸಿಗೆ ಅವಧಿಯಲ್ಲಿ ಆಲ್ಪಾರ್ ಕೆರೆಯಿಂದಲೂ ಸಹ ನೀರು ಬಂದು ಸೇರಿಕೊಳ್ಳುತ್ತದೆ. ಈ ತೊರೆಯು ಬೆಟ್ಟದಿಂದ ಇಳಿದು ಮುಂದೆ ಸಾಗಿ ಸೋಪೊರೆ ಬಳಿ ಝೀಲಮ್ ನದಿಯನ್ನು ಸೇರಿಕೊಳ್ಳುತ್ತದೆ. ಇಲ್ಲಿನ ಅತ್ಯಾಕರ್ಷಕ ಪ್ರದೇಶಗಳು, ಭೂದೃಶ್ಯಗಳು ಕುಟುಂಬ ಸಮೇತರಾಗಿ ಬರುವವರನ್ನು ಬಹುವಾಗಿ ಸೆಳೆಯುತ್ತದೆ. ಆಕರ್ಷಕವಾಗಿ ಅರಳಿ ನಿಂತಿರುವ ಹೂಗಳು, ಪೈನ್ ಮರಗಳು, ಹಿಮಾಚ್ಛಾದಿತ ಪರ್ವತಗಳ ತುದಿಗಳು ಈ ಪ್ರದೇಶವನ್ನು ಒಂದು ವಿಶಿಷ್ಟ ಪ್ರವಾಸಿ ತಾಣವನ್ನಾಗಿ ರೂಪಿಸಿವೆ. ಪ್ರವಾಸಿಗರು ಇಲ್ಲಿಗೆ ಆರಾಮವಾಗಿ ರಸ್ತೆ ಮಾರ್ಗದಲ್ಲಿ ತಲುಪಬಹುದು. ಟ್ಯಾಕ್ಸಿಗಳು ದೂರದ ಆಧಾರದ ಮೇಲೆ ಬಾಡಿಗೆಗೆ ಸಿಗುತ್ತವೆ.