ಪಲ್ಲಿವಾಸಲ್ ಜಲಪಾತವು ದೇವಿಕುಲಂ ನಲ್ಲಿರುವ ಸಣ್ಣ ಜಲಪಾತ. ಸೀತಾ ದೇವಿ ಕೆರೆಯ ಸಮೀಪದಲ್ಲಿ ಈ ಜಲಪಾತವಿದೆ. ನಗರದ ಗಿಜಿಬಿಜಿಯಿಂದ ತಪ್ಪಿಸಿಕೊಂಡು ಪ್ರಶಾಂತ ವಾತಾವರಣದಲ್ಲಿ ಒಂದು ದಿನವಿಡೀ ಕಳೆಯಬೇಕೆಂಬ ಮನಸಿದ್ದವರಿಗೆ ಈ ಪ್ರದೇಶ ಸೂಕ್ತವಾದದ್ದು. ಪ್ರವಾಸಿಗರು ಇಲ್ಲಿ ತಮ್ಮ ಸಮಯವನ್ನು ಕಳೆಯಲು ಮತ್ತು ಪ್ರಶಾಂತ ಪ್ರದೇಶದ ಅನುಭವವನ್ನು ಸವಿಯಲು ಇಲ್ಲಿ ಬರಬಹುದು. ಪಲ್ಲಿವಾಸಲ್ ಹಳ್ಳಿಯು ಇಡುಕ್ಕಿ ಜಿಲ್ಲೆಯಲ್ಲಿದೆ. ಕೇರಳದಲ್ಲೇ ಮೊಟ್ಟ ಮೊದಲ ಹೈಡ್ರೋ ಎಲೆಕ್ಟ್ರಿಕ್ ಪ್ರಾಜೆಕ್ಟ್ ಸ್ಥಾಪನೆಯನ್ನು ಇಲ್ಲಿ ಮಾಡಲಾಯಿತು. ಮುನ್ನಾರ್ ಪಟ್ಟಣದಿಂದ ಇಲ್ಲಿಗೆ ಸುಲಭವಾಗಿ ಬರಬಹುದು. ಇಲ್ಲಿಂದ ಸುಮಾರು 8 ಕಿ.ಮೀ ದೂರದಲ್ಲಿದೆ. ಸೀತಾ ದೇವಿ ಕೆರೆ ಮತ್ತು ಪಲ್ಲಿವಾಸಲ್ ಜಲಪಾತವೆರಡಕ್ಕೂ ಒಮ್ಮೆಲೇ ಯೋಜಿಸಿ ಪ್ರಯಾಣ ಮಾಡಬಹುದು.