Click it and Unblock the Notifications
ಪುಷ್ಪಗಿರಿ ಪಕ್ಷಿಧಾಮವು ಸೋಮವಾರಪೇಟೆ ತಾಲೂಕಿನಲ್ಲಿದೆ. ಜಗತ್ತಿನಲ್ಲೇ ಇದು ಅತ್ಯಂತ ಪ್ರಮುಖವಾದ ಹಕ್ಕಿಗಳ ತಾಣ ಎಂದು ಹೇಳಲಾಗುತ್ತದೆ ಮತ್ತು ಕಂದು ಎದೆಯ ನಗುವ ಹಕ್ಕಿ, ಕಪ್ಪು, ಕಿತ್ತಳೆ ನೊಣಹಿಡುಕ, ನೀಲಗಿರಿ ನೊಣಹಿಡುಕ ಪಕ್ಷಿಯಂತ ಅಳಿವಿನಂಚಿನಲ್ಲಿರುವ ಹಲವು ವಿಧದ ಹಕ್ಕಿಗಳು ಇಲ್ಲಿವೆ. ಕಾಡಮಕ್ಕಳು ಕಾಯ್ದಿಟ್ಟ ಅರಣ್ಯವು ಈ ಪಕ್ಷಿಧಾಮದ ಒಂದು ಭಾಗವಾಗಿದೆ ಮತ್ತು ಉತ್ತರ ಭಾಗದಲ್ಲಿ ಬಿಸ್ಲೆ ಕಾಯ್ದಿಟ್ಟ ಅರಣ್ಯವನ್ನು ಸೇರುತ್ತದೆ ಹಾಗೂ ಕುಕ್ಕೆ ಸುಬ್ರಹ್ಮಣ್ಯವು ಇದರ ಪಶ್ಚಿಮಕ್ಕಿದೆ. ಪಕ್ಷಿಧಾಮದ ಎತ್ತರವು ವಿವಿಧ ಪ್ರದೇಶಗಳಲ್ಲಿ 160 ಮೀಟರಿನಿಂದ 1712 ಮೀಟರು ಎತ್ತರದವರೆಗೂ ಇದೆ. ಇಲ್ಲಿನ ಅತಿ ಎತ್ತರದ ಪ್ರದೇಶವೆಂದರೆ ಪುಷ್ಪಗಿರಿ ಬೆಟ್ಟ ಮತ್ತು ಪಕ್ಷಿಧಾಮವು ಕುಮಾರಪರ್ವತವನ್ನೂ ಕೂಡಾ ಒಳಗೊಳ್ಳುತ್ತದೆ. ಈ ಪಕ್ಷಿಧಾಮವ ಕಡಿದಾದ ಬೆಟ್ಟವು ಜೌಗು ಪ್ರದೇಶದ ಮತ್ತು ಜಲಪಾತಗಳ ಆಗರವಾಗಿದೆ. ಕರ್ನಾಟಕದ ಉಷ್ಣವಲಯದ ಶೇ.70 ರಷ್ಟು ಅರಣ್ಯವು ಇಲ್ಲೇ ಇದೆ. ಇಲ್ಲಿ ನಿತ್ಯಹರಿದ್ವರ್ಣ, ಅರೆನಿತ್ಯ ಹರಿದ್ವರ್ಣ ಮರಗಳು ಮತ್ತು ವಿಶಾಲವಾದ ಹುಲ್ಲುಗಾವಲು ಇದೆ. ವಿವಿಧ ಜೀವಿಗಳಾದ, ನರಿ, ಕಂದು ಬಣ್ಣದ ಪಾಮ್ ಸಿವೆಟ್, ಭಾರತದ ದೊಡ್ಡ ಅಳಿಲು, ಭಾರತೀಯ ಮೊಲ, ಚುಕ್ಕೆ ಕರಡಿ, ಜಿಂಕೆ, ಭಾರತೀಯ ಮಂಟ್ಜಾಕ್, ಕಾಡುಕೋಣ, ಏಷ್ಯನ್ ಆನೆ, ಹಂದಿ, ದೊಡ್ಡ ಹಾರುವ ಅಳಿಲು ಇತ್ಯಾದಿಯನ್ನು ನೀವು ನೋಡಬಹುದು. ನೀಲಗಿರಿ ಮರ ಪಾರಿವಾಳ, ನೀಲಿ ರೆಕ್ಕೆಯ ಸಣ್ಣಗಿಳಿ, ಕಂದು ತಲೆಯ ಬುಲ್ಬುಲ್, ಬಲಬಾರ್ ಕಂದುಬಣ್ಣದ ಹಾರ್ನ್ಬಿಲ್, ಬಿಳಿ ರೆಕ್ಕೆಯ ನೀಲಿ ಫ್ಲೈಕ್ಯಾಚರ್ ಹಕ್ಕಿ ಮತ್ತು ಸಣ್ಣ ಸನ್ಬರ್ಡ್ಗಳು ಇಲ್ಲಿರುವ ಕೆಲವು ಹಕ್ಕಿಗಳ ಹೆಸರುಗಳು. ವಿವಿಧ ಹಾವುಗಳಾದ ಸಾಮಾನ್ಯ ಸರ್ಪ, ಭಾರತೀಯ ಹೆಬ್ಬಾವು, ಇಲಿ ಹಾವು, ಆಲಿವ್ ಕೀಲ್ಬ್ಯಾಕ್, ಕಿಂಗ್ ಕೋಬ್ರಾ, ಬಾಂಬೂ ಪಿಟ್ ವೈಪರ್ನಂಥವೂ ಇದೆ.
