Click it and Unblock the Notifications
ಕೋಲವೇಲ್ ಗೋವಾದಲ್ಲಿರುವ ಒಂದು ಪಟ್ಟಣದ ಹೆಸರು. ಕ್ಯಾಂಡೋಲಿಮ್, ಬಾಗಾ ಮತ್ತು ಕಲಂಗುಟ ಕಡಲ ತೀರಗಳ ಈಶಾನ್ಯ ಭಾಗದಲ್ಲಿ ಈ ಪಟ್ಟಣವಿದೆ. ಹೊಲಗದ್ದೆಗಳ ಮಧ್ಯದಲ್ಲಿರುವ ಈ ಪಟ್ಟಣವೂ ಕೂಡ 'ಪಾರ್ಟಿ'ಗಳನ್ನು ಹಮ್ಮಿಕೊಳ್ಳಲು ಬಿಸಿ ಬಿಸಿಯಾದ ತಾಣವಾಗಿದೆ. ಹತ್ತಿರದಲ್ಲೆ ಹರಿದಿರುವ ಚಪೋರಾ ನದಿಯು ನಗರಕ್ಕೆ ಇನ್ನಷ್ಟು ಸೊಬಗನ್ನು ನೀಡುತ್ತದೆ.ಐತಿಹಾಸಿಕವಾಗಿ ಈ ಕೋಲವೇಲ್ ಪಟ್ಟಣವು ವ್ಯಾಪಾರ ಕ್ಷೇತ್ರದಲ್ಲಿ ಪೋರ್ಚುಗೀಸರು, ಡಚ್ಚರು ಮತ್ತು ಮರಾಠರಿಗೆ ಮಹತ್ವವಾಗಿತ್ತು ಮತ್ತು ಈಗಲೂ ಕೂಡ ಇದು ಗೊಡಂಬಿ ಮದ್ಯ (ಕ್ಯಾಶೀವ್ ಲೀಕರ್) ಮತ್ತು ಮುರ್ದೋಷಿ (ಲೇಡಿ ಫಿಶ್)ಗೆ ಪ್ರಸಿದ್ಧಿಯಾಗಿದೆ.ಇಲ್ಲಿರುವ ಕೋಲವೇಲ್ ಚರ್ಚವು 1591 ರಲ್ಲಿ ನಿರ್ಮಾಣಗೊಂಡಿದ್ದು ವಿಕ್ಷೀಸಬಲ್ಲ ಒಂದು ಸ್ಥಳವಾಗಿದೆ.
ಇದರ ಸರಳವಾದ ವಾಸ್ತು ಕಲೆಯು ಅದ್ಭುತವಾಗಿದ್ದು ಉತ್ತಮವಾಗಿ ಸಂರಕ್ಷಿಸಲ್ಪಟ್ಟಿದೆ. ದಿನ ಕಳೆಯಲು ಹೇಳಿಮಾಡಿಸಿರುವಂತಹ ಸ್ಥಳ ಇದಾಗಿದೆ. ಮುಂಬೈ ನಿಂದ ಗೋವಾಗೆ ಬರುವ ಹಾದಿಯಲ್ಲಿ ಮೊದಲು ಎದುರಾಗುವುದೇ ಎಡ ಬದಿಗಿರುವ ಕೋಲವೇಲ್. ಅಲ್ಲಿಂದ ನೇರವಾಗಿ ಚಲಿಸುತ್ತಾ ಮಾಪುಸಾವರೆಗೂ ಬನ್ನಿರಿ. ಇಲ್ಲಿಂದ ಎಡ ತಿರುವು ಪಡೆಯಿರಿ. ವಿಮಾನ ನಿಲ್ದಾಣ ಮತ್ತು ರೈಲು ನಿಲ್ದಾಣ ಕೋಲವೇಲ್ ಗೆ ದೂರದಲ್ಲಿದ್ದರೂ ಕ್ಯಾಬಗಳ ಮುಖಾಂತರ ತಲುಪುವುದು ಅಷ್ಟೊಂದು ಸಮಸ್ಯೆಯಾಗುವುದಿಲ್ಲ. ಮಜೊರ್ಡಾ ರೈಲು ನಿಲ್ದಾಣದಿಂದಲೂ ಕೂಡ ಇಲ್ಲಿಗೆ ತಲುಪಬಹುದು.
