Click it and Unblock the Notifications
ತಂಗ್ಖಾರಂಗ್ ಉದ್ಯಾನವನವು ಸುಂದರವಾದ ಉದ್ಯಾನವನವಾಗಿದ್ದು, ವೀಕ್ಷಣಾ ತಾಣವನ್ನು ಹೊಂದಿದೆ. ಈ ಉದ್ಯಾನವನದಲ್ಲಿ ಮತ್ತು ಇಲ್ಲಿನ ಹಸಿರು ಮನೆಯಲ್ಲಿ ಹಲವು ಬಗೆಯ ಸುಂದರವಾದ ಗಿಡ ಮತ್ತು ಮರಗಳನ್ನು ನಾವು ಕಾಣಬಹುದು. ಈ ಉದ್ಯಾನವನ್ನು ವಿಶೇಷವಾಗಿ ಮಕ್ಕಳಿಗಾಗಿ ನಿರ್ಮಿಸಲಾಗಿದೆ. ಅದರಲ್ಲಿಯೂ ಪ್ರಕೃತಿಯ ಬಗ್ಗೆ ಅರಿಯದ ಮಕ್ಕಳಿಗಾಗಿ ಮುತುವರ್ಜಿಯಿಂದ ಇದನ್ನು ನಿರ್ಮಿಸಲಾಗಿದೆ. ಇಲ್ಲಿ ಉಯ್ಯಾಲೆಗಳಂತಹ ಆಟದ ಸಾಮಾನುಗಳು ಇಲ್ಲಿವೆ.
ಇಡೀ ಉದ್ಯಾನವನದಲ್ಲಿ ಅಲ್ಲಲ್ಲಿ ಮರದ ಕೆಳಗೆ ಬೆಂಚುಗಳನ್ನು ಹಾಕಿ ಪ್ರವಾಸಿಗರು ವಿಶ್ರಾಂತಿ ತೆಗೆದುಕೊಳ್ಳಲು ಅನುಕೂಲ ಮಾಡಿಕೊಡಲಾಗಿದೆ. ಜೊತೆಗೆ ಉದ್ಯಾನವನದ ನಡುವೆ ಒಂದು ಸುಂದರವಾದ ನೀರಿನ ಕಾರಂಜಿ ಸಹ ಇದೆ. ತಂಗ್ಖಾರಂಗ್ ಉದ್ಯಾನವನವು ವಿಹಾರ ತಾಣದ ಜೊತೆಗೆ ಬಾಂಗ್ಲಾ ದೇಶ್ ಭೂಭಾಗವನ್ನು ಹಾಗು ಬೆಟ್ಟದಿಂದ ಮೂರು ಹಂತದಲ್ಲಿ ಧುಮ್ಮಿಕ್ಕುವ ಕೈನ್ರೆಮ್ ಜಲಪಾತವನ್ನು ನೋಡಬಹುದಾದ ವೀಕ್ಷಣಾ ತಾಣಕ್ಕು ಸಹ ಹೆಸರುವಾಸಿಯಾಗಿದೆ. ತಂಗ್ಖಾರಂಗ್ ಉದ್ಯಾನವನಕ್ಕೆ ತಲುಪಬೇಕೆಂದರೆ ಶಿಲ್ಲಾಂಗ್ನಿಂದ ಪ್ರವಾಸಿ ವಾಹನವನ್ನು ಬುಕ್ ಮಾಡಿದರೆ ಒಳ್ಳೆಯದು.
