ಮೇಘಾಲಯದಲ್ಲಿರುವ ಜೋವಾಯ್ ಒಂದು ಬೆಳೆಯುತ್ತಿರುವ ಕೈಗಾರಿಕಾ ಪಟ್ಟಣ. ಇದು ಮೇಘಾಲಯ ರಾಜ್ಯದ ಜೈನ್ತಿಯ ಹಿಲ್ಸ್ ಜಿಲ್ಲಾಕೇಂದ್ರ ಮತ್ತು ಹೆಚ್ಚಾಗಿ ನಾರ್ ಬುಡಕಟ್ಟಿನ ಪಂಗಡದವರು ಇಲ್ಲಿ ನೆಲೆಸಿದ್ದಾರೆ. ಈ ಸುಂದರ ಚಿತ್ರಸದೃಶ ನೋಟಗಳ ಜೋವಾಯ್ ಮೂರು ಕಡೆಗಳಿಂದ ಮೈಂಟ್ಡು ನದಿಯಿಂದ ಆವರಿಸಲ್ಪಟ್ಟು ದಕ್ಷಿಣದಲ್ಲಿ ಬಂಗ್ಲಾ ದೇಶದ ಗಡಿಇದೆ. ಜೋವಾಯ್ ಸಮುದ್ರ ಮಟ್ಟದಿಂದ 1380 ಮೀಟರ್ ಮೇಲೆ ನೆಲೆಗೊಂಡಿದ್ದು ಒಂದು ಪ್ರಸ್ತಭೂಮಿಯ ಮೇಲೆ ನೆಲೆಸಿದೆ. ಹೀಗೆ ಎತ್ತರದ ಪ್ರದೇಶದಲ್ಲಿರುವುದರಿಂದ ಹವಾಮಾನವು ಅಹ್ಲಾದಕರವಾಗಿದ್ದು ತಂಪಾಗಿರುತ್ತದೆ. ಜೈನ್ತಿಯಾ ಬೆಟ್ಟದಲ್ಲಿ ಸಮೃದ್ಧ ಖನಿಜಗಳಿವೆ. ಇದರ ಸುತ್ತ ಕಲ್ಲಿದ್ದಲಿನ ಗಣಿಗಳಿವೆ. ಇದರಿಂದಾಗಿ ಕಲ್ಲಿದ್ದಲ ಗಣಿಗಾರಿಕೆಯಿಂದ ಸ್ಥಳದ ಆರ್ಥಿಕ ಸ್ಥಿತಿಯು ವರ್ಧಿಸುತ್ತಿದೆ.
ಜೋವಾಯ್ ಸುತ್ತಮುತ್ತ ಇರುವ ಪ್ರವಾಸಿ ಸ್ಥಳಗಳು
ಜೋವಾಯ್ ಪ್ರವಾಸೋದ್ಯಮದಲ್ಲಿ ಜುಲೈ ತಿಂಗಳ ಎರಡನೇ ವಾರದಲ್ಲಿ ಬೆಹ್ಡೈಂಕ್ಲಂ (Behdeimkhlam) ಹಬ್ಬ ಮುಖ್ಯವಾಗಿದೆ. ಬೆಹ್ಡೈಂಕ್ಲಂ ಫೆಸ್ಟಿವಲ್ ನಾರ್ ಪಂಗಡದ ಅತ್ಯಂತ ಪ್ರಸಿದ್ಧ ಧಾರ್ಮಿಕ ಹಬ್ಬ. ಇನ್ನೂ ಅನೇಕ ಆಕರ್ಷಣೆಗಳೆಂದರೆ ಮಾನವ ನಿರ್ಮಿತ ತಡ್ಲಾಸ್ಕೈನ್ (Thadlaskein) ಸರೋವರ, ಲಲಾಂಗ್ ಪಾರ್ಕ್ ಮತ್ತು ಜೋವಾಯ್ ಪ್ರೆಸ್ಬಿಟೇರಿಯನ್ (Presbyterian) ಚರ್ಚ್.
ಜೋವಾಯಿಯನ್ನು ತಲುಪುವುದು ಹೇಗೆ?
ಜೋವಾಯ್ ಮೇಘಾಲಯದ ರಾಜಧಾನಿಯಾದ ಶಿಲ್ಲಾಂಗ್ ಪಟ್ಟಣದಿಂದ 65 ಕಿ.ಮೀ. ದೂರದಲ್ಲಿದೆ. ಜೋವಾಯ್ ತಲುಪಲು ಪ್ರವಾಸಿಗರು ಪ್ರವಾಸಿ ವಾಹನವನ್ನೋ ಅಥವಾ, ಶಿಲ್ಲಾಂಗ್ನಿಂದ ಅಗಾಗ್ಗೆ ಹೊರಡುವ ಅಂತರ ರಾಜ್ಯ ಬಸ್ ತೆಗೆದುಕೊಂಡು ಬರಬಹುದು. ವಿಮಾನದಲ್ಲಿ ಪ್ರಯಾಣ ಬಯಸುವವರು ಕೋಲ್ಕತ್ತದಿಂದ ಉಮ್ರಾಯ್ ಸೇರಿ ಅಲ್ಲಿಂದ ಜೋವಾಯ್ ತಲುಪಬಹುದು. ಆದಾಗ್ಯೂ ಗುವಾಹಟಿ ವಿಮಾನ ನಿಲ್ದಾಣಕ್ಕೆ ಪ್ರಯಾಣಮಾಡುವುದು ಒಳ್ಳೆಯ ಆಯ್ಕೆ.
ಜೋವಾಯ್ ಭೇಟಿ ಮಾಡಲು ಅತ್ಯುತ್ತಮ ಸಮಯ
ಚಳಿಗಾಲ ಮತ್ತು ಬೇಸಿಗೆಯ ತಿಂಗಳುಗಳಲ್ಲಿ ಜೋವಾಯ್ ಭೇಟಿ ಮಾಡಲು ಅತ್ಯುತ್ತಮ ಸಮಯ.