Click it and Unblock the Notifications
ಬೋರ್ಡಿ ಪಟ್ಟಣದಿಂದ 8 ಕಿ.ಮೀ ದೂರದಲ್ಲಿರುವ ಬೆಹ್ರೋಟ್ ಗುಹೆಗಳು, ಸರೋವರ ಸಮೀಪದ ಬಹುಪಾಲು ಪ್ರದೇಶದಲ್ಲಿ ವಾಸಿಸುವ ಪಾರ್ಸಿ ಜನಾಂಗದ ಧಾರ್ಮಿಕ ನಂಬಿಕೆಯ ಪ್ರತೀಕವೂ ಹೌದು.
1500 ಅಡಿ ಎತ್ತರದ ಬೆಹ್ರೋಟ್ ಬೆಟ್ಟದಲ್ಲಿ ನೆಲೆಸಿರುವ ಈ ಗುಹೆಗಳು ಪಾರ್ಸಿ ಸಮುದಾಯಕ್ಕೆ ಪವಿತ್ರ ಸ್ಥಳವಾಗಿದೆ. ದಂತಕಥೆಯ ಪರ್ಕಾರ, ಮುಸ್ಲಿಂ ದಾಳಿಕೋರರಿಂದ ತಪ್ಪಿಸಿಕೊಳ್ಳಲು ಜೋರಾಸ್ಟ್ರಿಯನ್ ಸಮುದಾಯದ ಪೂರ್ವಿಕರು, ಸರಿಸುಮಾರು ಕ್ರಿ.ಶ. 1351 ರ ವೇಳೆಯಲ್ಲಿ 13 ವರ್ಷಗಳ ಕಾಲ ಇಲ್ಲಿ ಬಚ್ಚಿಟ್ಟುಕೊಂಡಿದ್ದರು.
ಅನಂತರ ಈ ಪೂರ್ವಿಕರು, ಗುಹೆಯೊಳಗೆ ಇರಾನ್ನ ಜ್ಯೋತಿ ದೇವಾಲಯವೊಂದು ನಿರ್ಮಿಸಿ, ತದನಂತರ ಆ ಜ್ಯೋತಿಯು ಬೆಹ್ರೋಟ್ ಗುಹೆಯೊಳಗೆಲ್ಲಾ ಆವರಿಸಿ ಬೆಳಗಹತ್ತಿತು. ಇರಾನ್ಶಾ ಜ್ಯೋತಿ ಎಂದೇ ಕರೆಯಲ್ಪಡುವ ಈ ಪವಿತ್ರ ಜ್ಯೋತಿಯು ಇಂದಿಗೂ ಉರಿಯುತ್ತಲೆ ಇದೆ ಎಂಬ ಗಾಢ ನಂಬಿಕೆ ಪಾರ್ಸಿ ಜನಾಂಗದ್ದು.
ಈ ಜ್ಯೋತಿ ಬೆಳಗಲು ಕಾರಣಕರ್ತರಾದ ಪೂರ್ವಿಕರನ್ನು ಸ್ಮರಿಸುವ ದಿನನಿತ್ಯದ ಧಾರ್ಮಿಕ ಆಚರಣೆ ಜಶನ್ನಲ್ಲಿ ಪ್ರವಾಸಿಗರು ಸಹ ಪಾಲ್ಗೊಳ್ಳಬಹುದು.
