ಲಾಲ್ಘಡ್ ಅರಮನೆಯನ್ನು ರಾಜ ಗಂಗಾ ಸಿಂಗನು 1902ರಲ್ಲಿ ನಿರ್ಮಿಸಿದನು. ಇದನ್ನು ಕೆಂಪು ಕಲ್ಲಿನಲ್ಲಿ ನಿರ್ಮಿಸಲಾಗಿದೆ. ಈ ಸುಂದರವಾದ ಅರಮನೆಯನ್ನು ಗಂಗಾ ಸಿಂಗನು ತನ್ನ ತಂದೆಯಾದ ರಾಜ ಲಾಲ್ ಸಿಂಗನ ನೆನಪಿನಾರ್ಥವಾಗಿ ಕಟ್ಟಿಸಿದನು. ಈ ಅರಮನೆಯ ವಿನ್ಯಾಸವನ್ನು ಸರ್ ಸ್ವಿಂಟನ್ ಜಾಕೊಬ್ ಮಾಡಿದನು. ಈತನು ಈ ಅರಮನೆಯನ್ನು ರಜಪೂತ್, ಮೊಘಲ್ ಮತ್ತು ಯೂರೋಪಿಯನ್ ಶೈಲಿಗಳನ್ನು ಒಂದೇ ವೇದಿಕೆಯಲ್ಲಿ ಬರುವಂತೆ ಸಂಯೋಜನೆ ಮಾಡಿ ಅದ್ಭುತವಾಗಿ ವಿನ್ಯಾಸಗೊಳಿಸಿದನು. ಈ ಅರಮನೆಯಲ್ಲಿ ಮರಳುಗಲ್ಲಿನಲ್ಲಿ ಕೊರೆದ ಗವಾಕ್ಷಗಳನ್ನು ಮತ್ತು ಸೂಕ್ಷ್ಮವಾದ ಆಭರಣಗಳನ್ನು ಅಳವಡಿಸಿರುವ ಸೊಬಗನ್ನು ನೋಡಿಯೆ ಸವಿಯಬೇಕು.
ಈ ಅರಮನೆಯಲ್ಲಿ ನೇತಾಡುವ ಉಪ್ಪರಿಗೆಗಳು ಪ್ರವಾಸಿಗರನ್ನು ಬಹುವಾಗಿ ಆಕರ್ಷಿಸುತ್ತಿವೆ. ಇನ್ನೂ ಅರಮನೆಯ ಉದ್ಯಾನವನದಲ್ಲಿ ನಾಟ್ಯವಾಡುವ ನವಿಲುಗಳು ಮತ್ತು ತೂಗಾಡುವ ಬೋಗನ್ ವಿಲ್ಲಿಯಗಳು ಇಲ್ಲಿನ ಸೌಂದರ್ಯವನ್ನು ದ್ವಿಗುಣಗೊಳಿಸುತ್ತವೆ. ಬೀಕನೇರಿನ ನಗರದಿಂದ ಈ ಅರಮನೆ ಕೇವಲ 3 ಕಿ.ಮೀ ದೂರದಲ್ಲಿದೆ. ಪ್ರವಾಸಿಗರು ನಗರದಿಂದ ಈ ಅರಮನೆಗೆ ಸಾರ್ವಜನಿಕ ಸಾರಿಗೆಯ ಮೂಲಕ ತಲುಪಬಹುದಾಗಿದೆ. ಇದು ಬೆಳಗ್ಗೆ 10 ರಿಂದ ಸಂಜೆ 5 ರವರೆಗೆ ತೆರೆದಿರುತ್ತದೆ.